مقدم الحلقة:

سامي كليب

ضيف الحلقة:

معروف جعجع: المجند السابق في الجيش الفرنسي

تاريخ الحلقة:

23/04/2004

- القتال من أجل لقمة العيش
- بطولات وأوسمة

- الزوجة والأم وذكرى الأب

- روايات الحرب والأسر

- الحادثة والإصابة

- وسام شرف ووسام الاستحقاق الفرنسي

- رحلات في أفريقيا

القتال من أجل لقمة العيش

سامي كليب: مرحبا بكم أعزائي المشاهدين إلى حلقة جديدة من برنامج زيارة خاصة، ضيفنا بلغ الثانية والتسعين من العمر لكن ذاكرته لا تزال تحتفظ بالكثير من صور الحرب إنها الحرب العالمية الثانية التي فقد فيها ساقه فهل قاتل من أجل الحرية والحلفاء وفرنسا أم هربا من المرض والفقر والجوع؟ إنه المجند السابق في الجيش الفرنسي معروف جعجع.

تماما كالسيجارة بين أصابعه مصفرة بفعل التبغ والمجعدة تحت ثقل ما يقارب المائة عام كادت رحلة العمر لضيفنا تنتهي كرماد، كان لبنان ينوء آنذاك تحت وطأة المجاعة وكان جزء كبير من اللبنانيين يهربون إما صوب بعض الدول المجاورة أو صوب أميركا الشمالية وأميركا الجنوبية فكل الاتجاهات صالحة للبحث عن لقمة العيش طالما أن البقاء في الوطن يعني الموت من الجوع، كان العالم لا يزال تحت وطأة الحرب العالمية الأولى والسلطنة العثمانية تتنافس مع الحلفاء والألمان على اجتذاب أو قمع الشعوب الواقعة تحت سيطرتها بغية استخدامهم كوقود للحرب وكانت الحرب العالمية الثانية تستعد هي الأخرى للاندلاع لتأكل في طريقها أبناء دول اعتقدت أنها بانضمامها إلى هذا الطرف أو ذاك تتخلص من تركة الاستعمار الثقيلة، وسط تلك الأجواء القاتمة ركب ضيفنا البحر باحثا هو الآخر عن أفق أفضل إنه معروف جعجع المولود عام 1912 في منطقة النبطي في الجنوب اللبناني كان من سوء طالعه أن يولد بين الحربين فلا الوطن المستعمر كان يحمله ولا الغربة قدمت له ما أراد ففي لبنان كانت المجاعة تقضي على كل أمل وفي المغرب حيث ذهب بداية قبل التحاقه بالجيش الفرنسي كان والده يستقبله بكل صنوف القهر والإذلال.

معروف جعجع: كانت أمي الله يرحمها ويرحم والديك..

سامي كليب: الله يرحمها..

معروف جعجع: كانت أمي هي تعمل طبخ للأيتام وتفرق للأيتام الأكل ما يكفيش جوع تمام.. كان جوع تمام يعني كانت العالم تموت من الجوع أنا عندي أخت توفت من مدة عميت من الجوع.. عميت من الجوع يعني..

سامي كليب: فقدت نظرها من الجوع..

معروف جعجع: فقدت نظرها..

سامي كليب: طب شو السبب كان يعني ما كان في ما الواحد يشتغل ما كان في محل؟

معروف جعجع: مفيش شغل ما فيه لا شغل ولا فيه عمل ولا فيه مصاري..

سامي كليب: وهايده السبب اللي خلاك تسافر؟

معروف جعجع: خلاني أسافر كنت ولد 14 سنة كان عندي عمري لما سافرت على المغرب كان بيِّ بالمغرب..

سامي كليب: يعني سافرت سنة 1926 على المغرب..

معروف جعجع: إيه 1926 طيب 1927 ستة وعشرين سبعة وعشرين..

سامي كليب: نعم.

معروف جعجع: سافرت على المغرب، المغرب بيِّ كان بالمغرب كان يتزوج كثير كان كل بده كل جمعة يتزوج اثنين حمدت حالي وفليت ورحت على الجيش.


كانت فرنسا تختار مقاتلين من المستعمرات وتذهب بهم إلى الجبهة، وهكذا تم اختيار جعجع بعد أن تلقى تدريبات بسيطة وتم تسليحه ببندقية وبعض القنابل اليدوية
سامي كليب: التحق معروف جعجع بالجيش الفرنسي كانت فرنسا آنذاك تماما كالعديد من دول التحالف تختار مقاتلين من المستعمرات وتذهب بهم إلى الجبهة وهكذا تم اختياره للذهاب أولا إلى الجزائر ثم إرساله إلى تونس بعد أن كان قد تلقى تدريبات بسيطة وتم تسليحه ببندقية وبعض القنابل اليدوية، البعض كان يقول عن هؤلاء المقاتلين الغرباء إنهم لحم المدفأة ذلك أن الكثير منهم كان يُرمى في الجبهات وعند الخطوط الأمامية فكيف كان يتم اختيار مجند؟ وهل كان هناك فرق بين طائفة وأخرى من دول الشرق الأوسط أو المغرب العربي؟

معروف جعجع: راحوا كثير مع الجيش الفرنسي أكثر شيء راحو العلوية بسوريا أو العلوية كانوا أكثر شيء العلوية بالجيش الفرنسي..

سامي كليب: طب كيف كانوا يختاروه للجندي؟ يعني كان لازم يكون جسمه مليح لازم يكون..

معروف جعجع: ولا شيء يروح عند شو أسمه يقيده لبناني يقوله لا لبناني مع السلامة مبدناش لبناني..

سامي كليب: ما كانوا يخدوا لبناني بالجيش الفرنسي؟

معروف جعجع: مكنش يخدوا..

سامي كليب: ليش شو السبب؟

معروف جعجع: السبب إنه كان في معاهدة بين فرنسا ميخدوش أنا بالمغرب رحت بدي اتجند بالجيش الفرنساوي قلت له لبناني قالوا لي مع السلامة رحت قلت له اسبانيولي رحت جار مشوار وجيت وقلت له اسبانيولي..

سامي كليب: أخذوك.

معروف جعجع: أخذوني إلى وين..

سامي كليب: لأنك كنت سابقا بإسبانيا وأتعلمت اللغة الأسبانية بالاسبالماس..

معروف جعجع: إيه قلت له منين من أسبانيا قلت له من ملجة..

سامي كليب: من ملجة..

معروف جعجع: ملجة قلت له من ملجة أوام أخذوني وسجلت أسمي أخذوني على أول ما أخذونا على الجزائر..

سامي كليب: بس كنت تحكى إسباني بالأول؟

معروف جعجع: أيه كنت أحكي شوية أسباني كنت أحكي شوي وهلا لحد دلوقتي شوي بحكي إسباني أخذونا على لما اتسجلت أخذونا وين على الجزائر..

سامي كليب: أول مرة رحت على الجزائر؟

معروف جعجع: الجزائر رحت على الجزائر..

سامي كليب: يعني بالمغرب أدربت بس.

معروف جعجع: بعد ما ادربناش رحنا رأسا على الجزائر لما وقعت الحرب اختارونا.. يلا انتووا تعالوا.

سامي كليب: وكنت أنت اللبناني الوحيد؟

معروف جعجع: أنا كنت اللبناني الوحيد..

سامي كليب: اختاروكم بالجزائر؟

معروف جعجع: نعم.

سامي كليب: تم اختيارك بالجزائر؟

معروف جعجع: بالجزائر لما رحنا على الجبهة.

بطولات وأوسمة


الجنود العرب في الجيش الفرنسي من أكثر المجندين شجاعة، وحازوا بفضل شجاعتهم على أوسمة كثيرة
سامي كليب: وهكذا وبإجراءات شكلية كان يتم اختيار المجند إلى ساحة الحرب العالمية الثانية، فالحرب كانت آنذاك بحاجة إلى أعداد بشرية كبيرة وكان الجيش الألماني متفوقا بالأسلحة فتطلب الأمر صده بالأجساد كان الجنود العرب في الجيش الفرنسي من أكثر المجندين شجاعة وهم حازوا بفضل شجاعتهم على أوسمة كثيرة وثمة معارك لم تكن لتحسم لولا تضحياتهم الكبيرة التي لا تزال حتى اليوم راسخة في أذهان المؤرخين لو أنصفوا والغريب أن ضيفنا الذي قاتل واستبسل في كل الحرب العالمية الثانية لا يزال حتى اليوم لا يعرف لماذا ذهب إلى الحرب ولماذا قاتل لا بل لا يعرف لماذا بدأت الحرب وكيف انتهت، فماذا أولا عن هذه الأوسمة؟

معروف جعجع: هذا الوسام تبع الجنرال ديغول..

سامي كليب: هو اللي سلمك إياه بنفسه؟

معروف جعجع: أيه.

سامي كليب: وين؟

معروف جعجع: بفرنسا اللي شو أسمه مش هو ديغول هذه اللجنة تبع ديغولست عندهم هذا..

سامي كليب: كل قدامى المحاربين التابعين لديغول كان عندهم هذا الوسام.

معروف جعجع: إيه.

سامي كليب: وهذا اللي هو ماضيه بأيده يعني.

معروف جعجع: أيوه.

سامي كليب: وهوده الأوسمة الموجودين على الجهة الثانية؟

معروف جعجع: هوده الأوسمة اللي عندي هذا الوسام هذا تبع الجرح وتبع الهريبة..

سامي كليب: كان في وسام للهريبة كمان؟

معروف جعجع: إيه.

سامي كليب: طيب وسام وأخذت شو وسام بطولة بالمعركة ولا لا؟

معروف جعجع: ما هذه وسام البطولة.

سامي كليب: هو الأوسمة هون.

معروف جعجع: هون أي هذه تبع اللي شو..

سامي كليب: وسام الشجاعة هيك.

معروف جعجع: وسام الشجاعة..

سامي كليب: طيب بحق بدي أسألك لما بدأت الحرب سنة 1939 كنت تعرف ليش بلشت الحرب ولا لا؟

معروف جعجع: أنا كنت طبعا نعرف.

سامي كليب: شو بتتذكر ليش بلشت الحرب؟

معروف جعجع: بلجت الحرب ضد الألمان وضد الفرنسيين بالأول بعدين صارت ضد الأميركان هجم الأميركان على الجزائر على شو أسمه على المغرب..

سامي كليب: بس أنت بتعرف ليش صارت الحرب ضد ألمانيا شو السبب؟

معروف جعجع: ضد بعض شو..

سامي كليب: بس كنت تعرف شو السبب؟

معروف جعجع: شو أعرف السبب..

سامي كليب: ما كنت بتعرف إنه ألمانيا احتلت بولونيا مثلا وإنه فرنسا وبريطانيا بعدين عملوا لها تحذير وبعدين..

معروف جعجع: أي بعدين إجه شو أسمه أميركا دخلت آخر شيء بالحرب..

سامي كليب: إيه صحيح.. تعرف قد إيش راح خسائر بالحرب..

معروف جعجع: راحوا كثير بدنا نعدهم كثير..

سامي كليب: تعرف كم فرنسي مات بالحرب؟

معروف جعجع: نعم.

سامي كليب: بتعرف كم فرنسي أنقتل بالحرب؟

معروف جعجع: لا كم فرنسي مبعرفش بس إنه ما أعرف إنه راح بالجبهة قتلة راح من هون ومن هون.

سامي كليب: راح شي خمسمائة وخمسين ألف فرنساوي.

معروف جعجع: خمسمائة وخمسين ألف.

سامي كليب: تقريبا.. كان أكثر دولة خسرت روسيا.

معروف جعجع: روسيا إيه مضبوط..

سامي كليب: لما كنتوا بالجبهة بالمعارك لما كنت شو تعمل كنت تحاول تتخبأ منشان ما تموت؟

معروف جعجع: لا أعوذ بالله أتخبأ وين أتخبأ فين أتخبأ هناك اللي بيتخبأ بيقوسوه..

سامي كليب: مين الجيش الفرنسي؟

معروف جعجع: الجيش الفرنسي بيقوسوه..

سامي كليب: كيف كانت تصير المعركة؟

معروف جعجع: إيه المعركة تصير هاي جبهة هون وجبهة هون أوقات يقعدوا شهر ما يقوسوش رصاصة أكثر من شهر كمان.

سامي كليب: وشو كانت المسافة بينكم وبين الألمان؟

معروف جعجع: مسافة مثلا اثنين كيلومتر.

سامي كليب: 2 كيلومتر كنتوا تسمعون ويسمعوكم؟

معروف جعجع: إيه أسمع زي بعض..

سامي كليب: كنتوا تغنوا منشان يسمعوكوا وتعملوا أناشيد..

معروف جعجع: أي كنا نغني وظلنا نغني عالطول..

سامي كليب: وكان في شتائم ولا لا؟

معروف جعجع: نعم.

سامي كليب: كان في مسبات؟

معروف جعجع: لا مسبات ما في.. بعاد هم.

سامي كليب: وبعدين كيف تبدأ المعركة؟

معروف جعجع: تبدأ المعركة بيبلش يا بيبلش أكثر شيء كانوا يبلشوا هن الألمان يبلشوا الألمان بالمعركة يا يهجموا يا يظلوا مطرحهم شوف أقواس بس بالقنابل اليدوية..

سامي كليب: كانوا يهجموا كثير عليكم؟

معروف جعجع: إيه آخر هجموا علينا روحوا من العترة ورحوا من هناك وروحوا أخذوا أسرى كثير..

سامي كليب: كان الجيش الألماني أشجع من الجيش تبعكم؟

معروف جعجع: أشجع بصحيح أشجع.

سامي كليب: كيف كنت تشوف؟

معروف جعجع: كان يهجم يعني يهجم هجوم قوي وأسلحة قوية شو كان إحنا عندنا قنابل يدوية وعندنا بارودة كل ما بدنا نقوس رصاصة..

سامي كليب: كان عنده رشاشات هم ودبابات..

معروف جعجع: مفيش رشاشات مكنش عندنا رشاشات..

سامي كليب: هم الألمان؟

معروف جعجع: الألمان إيه عندهم كل شيء تمام، الأميركان مكنش حتى العسكر مكانش في عندهم أسلحة، المتريوز تبع الأميركان لما يقوس فيه سبعة عشرة خمسة عشرة ضربه يصير الضرب يجي قدامنا قالك يبولوا بالريادتير تبع الرشاش كي يبرد شوي كان يبولوا فيه..

سامي كليب: أنت شو كان معك سلاح؟

معروف جعجع: شو كان معي سلاح..

سامي كليب: بارودة؟

معروف جعجع: بارودة طويلة..

سامي كليب: بعد عندك ولا لا؟

معروف جعجع: لا.

سامي كليب: لما سألت عنك قبل ما إيجي أشوفك خبروني إنك كنت من الجنود الشجعان جدا بالحرب شو السبب؟

معروف جعجع: والله الحقيقة ما بعرف كنت أنا بايعها مش سألان على الحياة.

سامي كليب: طيب لما روحت على تونس والمغرب والجزائر كانوا يعرفوك أهل البلاد إنك عربي وإنك لبناني؟

معروف جعجع: لا.

سامي كليب: ليه أنت كنت ترفض؟

معروف جعجع: لا نتعرف على حدا ولا حدا يتعرف علينا نحن جيش فرنسي وخلاص مكناش نعرف بس عربي في عرب كثير كانوا مغاربة كلهم كانوا بالجبهة وبنعرف إنه مغاربة وأكثر شيء المغاربة الشلوح أو تبع الجبال..

سامي كليب: هم كانوا شجعان كثير.

معروف جعجع: هودي بيحاربوا شيء يحاربوا كانوا يعيطوا لبعضهم البعض..

سامي كليب: ويهجموا على..

معروف جعجع: ويهجموا..

سامي كليب: ما كانوا يخافوا؟

معروف جعجع: كانوا قوي كثير هول الشلوح تبع المغرب أقوى جيش كانوا..

سامي كليب: المغاربة كانوا أشد من الفرنسيين من الجيش الفرنسي؟

معروف جعجع: إيه.

سامي كليب: كان في منكم أنتو العرب يصيروا ضباط بالجيش الفرنسي وقتها ولا لا؟

معروف جعجع: بلا في ضباط بالجيش الفرنسي.

سامي كليب: من أصل عربي كانوا؟

معروف جعجع: إيه

سامي كليب: من أصل عربي؟

معروف جعجع: نعم من أصل عربي فيه ضباط كثير مغاربة.

الزوجة والأم وذكرى الأب


لم تكن الأوسمة تعني الكثير لجعجع، كان الأهم أن يحصل على لقمة العيش، وأن يهرب من الظلم وأن تنتهي الحرب ويتزوج ويؤسس منزلا
سامي كليب: ضباط مغاربة وضباط مشارقة كانت الرتب تُمنح للعرب المنضوين في الجيش الفرنسي وفق استبسال هؤلاء فكلما كان الخطر كبيرا كلما ازدادت النياشين والأوسمة ولا يزال ضيفنا معروف جعجع يحتفظ ببعضها حتى اليوم ولكن الأوسمة لم تكن تعني بالنسبة له الكثير فالأهم كان أن يحصل على لقمة العيش وأن يهرب من الظلم وأن تنتهي الحرب ويتزوج ويؤسس منزلا بل أن زوجته التي كان تستمع إليه يحدثنا عن تاريخه في الحرب العالمية الثانية أكدت لنا أكثر من مرة أنه لم يكن يخبرها شيئا عن كل ذلك التاريخ وكأن ما طواه إلى غير رجعة، خَبِّرك أشياء أكثر هو؟

معروف جعجع: خبرتها شو بيصير..

زوجة معروف جعجع: حكينا قليل إحنا مع بعض..

سامي كليب: والله ليه وين تعرفتِ عليه على الحاج؟

زوجة معروف جعجع: صدفة.

سامي كليب: كيف؟

معروف جعجع: شو قال..

زوجة معروف جعجع: بيقولي على وين اتعرفتي على الحاج بقوله صدفة.

معروف جعجع: يلعن السيارة..

سامي كليب: كيف؟

زوجة معروف جعجع: راح يلعن السيارة.

سامي كليب: هي تعرفت عليه في إفريقيا فمعروف جعجع كان قد سافر بعد الحرب إلى هناك بغية البحث عن لقمة العيش وعمل في إفريقيا سائق تاكسي ذلك أن ما كان يتقاضاه من الجيش الفرنسي بعد الحرب لم يكن كافيا لإعالة عائلته والحديث مع زوجته قادني لسؤاله عما كان يغريه في الحرب وعن كيفية خروجه شبه سالما من المعارك الضارية وعن زواجه، وهنا بالضبط عادت زوجته إلينا بصورة ربما تقول الكثير ولكن نظره كان يخونه وهو يطلعنا على بعض ما أحتفظ به حتى ولو أن ذاكرته لا تزال حاضرة على ما شاهدت فإلى أي عام تعود هذه الصورة؟

معروف جعجع: 1952 هي أعطتني إياها معرفش هي مرتي أنا..

سامي كليب: يمكن إيه.

معروف جعجع: هذه في عندي صور تاني هي دي هذه أنا وأنا صغير 1958..

سامي كليب: لما روحت على الحرب ما كنت متزوج؟

معروف جعجع: لا لا مجوز ولا عندي كان صور كثير كله راح..

سامي كليب: طيب حاج معروف لما روحت أول مرة على الحرب من المغرب والدك كان يعمل بالمغرب وتوفى ودفن في المملكة المغربية لما روحت على الحرب كان أهلك عارفين إنك رايح على الحرب؟

معروف جعجع: لا ما يعرفوش..

سامي كليب: يعني الوالدة كانت بعدها طيبة على قيد الحياة؟

معروف جعجع: الوالدة لا بعد طيبة..

سامي كليب: شو خبرتها الوالدة؟

معروف جعجع: لا الوالدة عرفت وبيِّ كمان عرف بس أكثر شيء هون بلبنان عرفوا حتى أبعث لها المعاش اقبضه وأبعته لأمي على لبنان أتوفت أمي من سنة 1968.

سامي كليب: 1968 يعني لما رجعت أنت على لبنان؟

معروف جعجع: إيه رجعت وأنا قعدت أنا وياها سنتان.

سامي كليب: أول مرة شفتها لما رجعت من بعد الحرب كانت تعرف هي إن رجلك مقطوعة؟

معروف جعجع: إيه كانت تعرف كنت أقولها كانوا يقولولها كنت أبعث لها كل شيء كانوا يقولولها.

سامي كليب: وكيف لما شفتها أول مرة؟

معروف جعجع: يا لطيف إيش لون والدة وقعدت عندي وبالآخر سافرت على أذربيجان وتوفت بغيبتي وبعثوا لي على بكر بعثوا لي على بكر كان بيِّ هالشاب طيب كان ببكر راح على البوسطة وشاف تلغراف من البوسطة.

سامي كليب: طيب أنت لما كنت في الجيش الفرنسي وعلى الجبهات عم بتقاتل بالمغرب العربي ولا بفرنسا كان عندك مرتب شهري بيوصلك كل شهر؟

معروف جعجع: لا ليش..

سامي كليب: كيف كنت تعيش؟

معروف جعجع: كنت بعدني عسكري بأكل وبشرب بالعسكر..

سامي كليب: بس بدون أي راتب شهري؟

معروف جعجع: مفيش راتب كانوا يعطونا ثلاثين فرنك بالشهر ثلاثين فرنك..

سامي كليب: طيب لما كنت دخلت على الجيش الفرنسي كنت تعرف ليش داخل ولا بس بدك تحارب لتأخذ فلوس كنت حابب الجيش الفرنسي؟

معروف جعجع: لا لا يعني هيك كانت ولدنة.. كنت أكثر شيء بنتقم من بيِّ لأن بيِّ كان ظالم كان ظالمني كثير وكان يتجوز كثير نسوان كل جمعة له جوازة..

سامي كليب: كان ظالم عليك لما روحت عنده على المغرب..

معروف جعجع: إيه كان ظالم..

سامي كليب: كيف؟

معروف جعجع: لان عنده تعرف لما كان عنده اثنين ثلاثة نسوان ما يهتمش بي مكنش يهتم فيا كان يهتم بالنسوان أكثر شيء الله يرحمه الحقيقة كان أنا ما كنت عنده كان عندي 12 سنة لما روحت روحنا بعد سنتين سنتين ونصف ورجعت على لبنان مكنش عنده نسوان رجعت بعد شهر أنا رجعت لاقيت عنده اثنين مغاربة وفي الآخر كان ظالمني..

سامي كليب: كنت ولما دخلت على الجيش كنت تشعر أن الجيش هو عائلتك الجديدة الجيش الفرنسي؟

معروف جعجع: آه الحقيقة أنا زلمة كنت مش بسأل عن أمي ولا عن بيِّ بدي أروح بالهم..

سامي كليب: وكنت تخاف أنك تموت؟

معروف جعجع: لا مكنتش خايف أبدا ما كنتش خايف من الموت أبدا كنت أطلب الموت..

سامي كليب: ليش شو السبب؟

معروف جعجع: ما.. كنت معذب بحياتي..

سامي كليب: بسبب العذاب دخلت على الجيش الفرنسي؟

معروف جعجع: إيه حقيقة..

سامي كليب: وتعرضت للموت بالحرب؟

معروف جعجع: أتعرضنا كثير للموت مش مرة واثنين وثلاثة تعرضت..

سامي كليب: وأنت على الجبهة مفيش مرة تعرضت للموت غير الإصابة اللي انصبت فيها..

معروف جعجع: هذه مفيش إلا الإصابة هذه..

سامي كليب: بس فيه مرات حاج لما كنت تكون على الجبهة تشعر إنه ممكن تموت بها اللحظة؟

معروف جعجع: أبدا مكناش نفكر بالموت يعني إحنا رايحين على الموت..

سامي كليب: طيب وكنت تشعر أنك أنت راح تموت لقضية معينة ولا بس كحرب تسلية؟

معروف جعجع: أبدا مكنتش معرض ولا شيء أبدا.

سامي كليب: كان عذاب معروف جعجع من والده كافيا لمغادرة منزله في المغرب والالتحاق بالجيش الفرنسي ومن الجزائر حيث تلقى بعض التدريبات انتقل إلى تونس، فتونس كانت الجبهة الأكبر في منطقة الشمال الأفريقي في خلال الحرب العالمية الثانية ففي التاسع من تشرين الثاني نوفمبر عام 1942اشتعلت سماء تونس وارتفع غبار الصحراء، القوات الألمانية بدأت بالوصول إلى تونس عبر الطائرات وسيطرت على المطارات وجاءت قوات دعم أخرى من ألمانيا كان هتلر يرمي بثقله هناك في المعركة التي ستؤسس لأحد انتصاراته ثم لإحدى أبرز هزائمه، وفي اليوم التالي اخترقت القوات الألمانية الدفاعات الفرنسية واجتاحت المناطق غير المحتلة هناك، لم تجد القوات الفرنسية مخرجا سوى الالتحاق بالحلفاء فالجيش الفرنسي كان منقسما في حينه بين قوات متعاملة مع الألمان وأخرى تابعة لفرنسا الحرة بقيادة الجنرال شارل ديغول كانت جبهة تونس آنذاك مسرحا لكر وفر كبيرين بين قوات التحالف من جهة والجيش الألماني من جهة ثانية ودارت فيها وعلى تخومها معارك ضارية.

تقدم الجيش الألماني بسرعة في البداية وسيطر على القوات الفرنسية فقتل منها الكثير وأسر الكثير أيضا وكان نصيب ضيفنا معروف جعجع الأسر في عز المعركة في تونس ونُقِل إلى معسكر الألمان في إيطاليا.

[فاصل إعلاني]

روايات الحرب والأسر

معروف جعجع: لما روحنا على الحرب فرقونا جبهات وبعدين قالوا لنا يالا الجبهة هلا أخذونا مشينا روحنا ماشيين لمسافة بعيدة شيء عشرة خمسة عشر كيلو متر حواليك الجبهة كانت الجبهة هناك، الساعة 12 في الليل بلش الحرب..

سامي كليب: وأنت كنت في الجبهة بتونس؟

معروف جعجع: بالجبهة حطوني أنا بأول جبهة حطولي حرس بالليل هادي بالليل صارت حطوا لي حرس الساعة خمسة الصبح طيب بلش..

سامي كليب: الرصاص..

معروف جعجع: بلش الضرب كنا إحنا أعلى منهم، الساعة خمسة أنا كنت عم بفتح علبة سردين وهجموا علينا الألمان..

سامي كليب: كان الأكل علب سردين؟

معروف جعجع: سردين ومعلبات..

سامي كليب: معلبات.

معروف جعجع: معلبات.. بلش الحرب انسدم الأنوار هادي أول مشوار روحنا على الحرب..

سامي كليب: هذه أول مرة كنت تشتبك مع الحرب؟

معروف جعجع: أول مرة روحنا على الحرب أسرونا..

سامي كليب: بس يعني كنت بعد ما أطلقت ولا رصاصة..

معروف جعجع: لا عم نقوس..

سامي كليب: صار حرب.

معروف جعجع: صار فيه حرب بس إنه بس أسر هجم الألمان أسرونا كلنا..

سامي كليب: كم واحد كنتوا؟

معروف جعجع: كنا شي ألف ياله أسرونا كان معنا الكوماندو سان جور اسمه سان جور..

سامي كليب: سان جور؟

معروف جعجع: سان جور.

سامي كليب: شو كان فرنسي؟

معروف جعجع: فرنساوي سان جور كوماندان انأسر معنا انصاب أخذته أنا معي أربعة وعشرين ساعة كان فينا ركبته على البغلة ومشيت هيك..

سامي كليب: والألمان معكم.

معروف جعجع: لا إحنا صرنا وراء هربنا منهم من الألمان بعد ما مكلبشين لما صرنا على جبهة قالي الكوماندان قالي هون الفرنسيون قلت له ياله روح أنت على البغل وأنا ببقى هون طلع الفال لاقى الألمان هناك كبشوه الألمان نزلت أنا تحت بعد هنا نزلوا الألمان حاطينه محملينه على اللي شو اسمه وكنت أنا موجود هنا وكمشوني ورحنا وياهم..

سامي كليب: وين كنت متخبي؟

معروف جعجع: أنا كنت متخبي تحت في أكل الفرنسوية في بعد طبخ موجود طبخ يعني النار مُشتعله فيه شوي قعدت أنا صرت أنا أكل والكوماندان مع الألمان نزلوا لاقوني هناك أخذوني معهم مع الكوماندان..

سامي كليب: هادي كنتم بعدكم بتونس.

معروف جعجع: بعدنا بتونس من هناك ظللنا رايحين ماشيين لوصلنا على تونس..

سامي كليب: مع الألمان؟

معروف جعجع: مع الألمان.

سامي كليب: وصلت على تونس العاصمة؟

معروف جعجع: على تونس العاصمة..

سامي كليب: نعم.

معروف جعجع: نزلونا مطرح لا أكل ولا شرب.

سامي كليب: كم ساعة.

معروف جعجع: يومين ثلاثة بلا أكل أخذونا من غير..

سامي كليب: وكانوا يضربونكم وهم أسرينكم ولا لا؟

معروف جعجع: إيه؟

سامي كليب: كان فيه ضرب ولا؟

معروف جعجع: لا ضرب ما فيه ما بيتعاطوا ولا ضرب ولا غيره روحنا هناك من تونس أخذونا على إيطاليا صرنا ببلد اسمها سان جوزيف هناك قعدنا بأشلاء..

سامي كليب: بمعسكر يعني..

معروف جعجع: ايه معسكر يعطونا معاش ورقة روحنا نشتري فيه البندرين مرزام أخذنا جابولنا كل واحد عشرة كيلو مرزام من جوعنا يلا بلشنا نأكل نأكل دوخنا كلنا..

سامي كليب: إيه نعم.

معروف جعجع: بعد أربعة خمسة أيام أخذونا على المعسكر على إيطاليا خذونا بهذه الـ (Train) اللي بيمشي على الباي على إيطاليا، في إيطاليا لما إجت الحلفاء دخلوا على إيطاليا إحنا هربنا من الـ (Camp)..

سامي كليب: أد أية الفترة اللي استمر اعتقالكم فيها في إيطاليا؟

معروف جعجع: يجي خمس ستة أشهر بس لما بدؤوا..

سامي كليب: طيب بهاي الخمس ستة أشهر حاج كنتم بتعرفوا شو عم بيصير بالخارج ولا لا؟

معروف جعجع: ولا شيء لما هربنا لما دخل الحلفاء كل الإنجليز والفرنسوية وكلهم هربوا..

سامي كليب: طب كيف عرفتوا إنه دخلوا الحلفاء؟

معروف جعجع: لما.. معرفناش إنه دخل الحلفاء بس عرفنا إنه الحرس اللي تبع الـ (Camp) كلهم هربوا..

سامي كليب: كل الألمان؟

معروف جعجع: لا الـ (Camp) ده الطليان الجيش الطلياني..

سامي كليب: هم كانوا حراسكم من الإيطاليين مش من الألمان.

معروف جعجع: إية مش من الألمان من الإيطاليين الحرس كلها هربت بقينا مفيش حدا كمان يلا كلنا نرحل على الإنجليز والفرنسويين كل راح على.. بقينا تسعة أشهر هاربين بالأحراج.

سامي كليب: تسعة أشهر وأنتوا هاربين بالأحراش والشمال؟

معروف جعجع: بالأحراش.

سامي كليب: طيب حاج أنت كنت تحكي لغة أجنبية ولا لا؟

معروف جعجع: كنت أحكي شوية طلياني صرنا نروح من مطرح إلى مطرح..

سامي كليب: وكان فيه معك عرب ثانيين ولا لا؟

معروف جعجع: مفيش حد كل واحد في حالة حتى مال فيش اثنان مع بعضهم كل واحد لوحده..

سامي كليب: طيب وكيف كنت تأكل كيف كنت تشرب؟

معروف جعجع: نفوت على القرى صرن أتعرفنا على القرى الطليان طيبين كانوا كلهم ضد الألمان صرنا روحنا يعطونا أكل.

سامي كليب: لما هربتم في الأحراش وفي الغابات كان تدخلوا على البيوت ويعطوكم أكل كل البيوت وما فيه حد تشكا عليكم؟

معروف جعجع: ما حد أتشكا علينا اللي مر علي بإيطاليا ممراش بحدا مخلاش خرم في إيطاليا إلا لما..

سامي كليب: أتخبيت فيها.

معروف جعجع: أتخبيت فيها إية والله.

سامي كليب: كانوا الإيطالية اللي كنت تروح تتخبأ عنده.

معروف جعجع: إيطالية إية..

سامي كليب: بس كانوا الإيطالية اللي تتخبأ عنده كان بيحبوا موسوليني ولا لا؟

معروف جعجع: ما بعرفش شو أسألهم..

سامي كليب: ما كنت تحكي أنت وياهم شيء؟

معروف جعجع: أنا كنا نحكي حرب وما حرب ونحن أسرة وربنا شو اسموه.. وكانوا أكثر شيء يساعدونا البيزون يعني.

سامي كليب: أية أهل الريف..

معروف جعجع: أهل الريف ما فيه..

سامي كليب: كانوا يعرفوك إنك لبناني بإيطاليا؟

معروف جعجع: لا ما يعرفوش إني.. فرنساوي..

سامي كليب: وشكلك مبين كأن فرنساوي وقتها.. في جبال إيطالية وفي عز فصل الشتاء كان معروف جعجع يهرب من مكان إلى آخر كانت الثلوج في فترة هروبه تغطي معظم الجبال الإيطالية ولا يخفف من صقيعها سوى نيران الحرب كان يهيم على وجهه كل يوم بحثا عما يأكل وعن مكان يختبئ فيه من عيون الألمان كانت إيطاليا في تلك الفترة تضم نقيضا هائلا من القوات ففيها الجيش الموالي لهتلر بقيادة موسوليني وفيها الهاربون من الحرب من بعض جيوش الحلفاء وفيها أيضا المقاومة التي ولحسن حظ ضيفنا معروف جعجع أنه غالبا ما كان يقع عليها وليس على الألمان أو الإيطاليين المؤيدين لهتلر ولكن هل كان هذا المجند اللبناني الأصل يعرف شيئا بالأساس عن هلتر أو عن موسوليني؟ هل كان سمع بالرجلين؟ كنت تعرف شيء عن هتلر وقتها حاج؟

معروف جعجع: لا ما أعرف شيء كنت أشوفه وقتها بالصور..

سامي كليب: كنت تشوفه بالصور؟

معروف جعجع: إية.

سامي كليب: بس شو كانوا يخبروكم عنه هتلر؟

معروف جعجع: مجرم بس الأسلحة اللي عنده بألمانيا كان بيحارب العالم كلته.

سامي كليب: هتلر.

معروف جعجع: إية.

سامي كليب: كيف كنت تعرف؟

معروف جعجع: كنت بعرف من الهريبة بالأحراش أربع خمس أمتار من الأسلحة سيارات ودبابات وأسلحة نووية كنا نشوفها بعينا.

سامي كليب: ولما روحت على إيطاليا هربت لإيطاليا كنت تعرف مين موسوليني ولا لا؟

معروف جعجع: إية؟

سامي كليب: كنت تعرف مين موسوليني؟

معروف جعجع: كان نعرف مين موسوليني حتى لما أخذونا لموسوليني من الجبل كنا بإيطاليا لما أخذوه الألمان خطفوه.

سامي كليب: كيف شو بتتذكر عن ها الحادثة؟

معروف جعجع: كثير بكثير يعني.

سامي كليب: وين كنت؟

معروف جعجع: كنا (كلمة غير مسموعة)

سامي كليب: وكيف عرفت إنه أخذوا لموسوليني؟

معروف جعجع: خذوه إنه يحكوا لنا الصبية.

سامي كليب: طيب كانوا بخلال الجيش بخلال عملك على الجبهة كان يجي فيه ناس يعملوا لكم توعية سياسية يخبروكم مثل إنه شو الوضع العام بالعالم ولا بس أنتم محاربين على الجبهة؟

معروف جعجع: لا ولا شيء محاربين بس ما بيخبرون شو فيه وما يخبرونا..

سامي كليب: كنت بكل ها الفترة بخلال الحرب أنت بقيت خمس سنوات بالجيش الفرنسي مش هيك؟

معروف جعجع: خمس سنوات إية.

سامي كليب: بكل فترة الحرب كنت العربي الوحيد يعني ما شفت ولا عربي ثاني معك؟

معروف جعجع: مغاربة.

سامي كليب: كنت تشوف مغاربة؟

معروف جعجع: إية كثير.

سامي كليب: وكانوا كيف المغاربة أقوياء بالحرب شجعان؟

معروف جعجع: أقوى ناس المغاربة كانوا هم يحطوهم على الجبهة إية المغارب كثير.

سامي كليب: تتذكر شو واحد منهم؟

معروف جعجع: لا دول كتير ما بتذكرش دلوقتي بس مغاربة كان فيه كتير مغاربة.

سامي كليب: كنت أصحاب معهن ولا لا؟

معروف جعجع: لا.

سامي كليب: ليش شو السبب؟

معروف جعجع: مكنش في الجبهة تبعنا..

سامي كليب: لم تكن التوعية السياسية واردة في خلال الحرب فالمطلوب كان حشد أكبر قدر ممكن من الجنود ولذلك تم الاعتماد على قدرة المقاتل أكثر من الاعتماد على فكره وانتماءه السياسي وكان كل يوم يمر يترك خلفة عشرات الآلاف من القتلى والمشوهين والأسرى واللافت في خلال روايات من لا يزال على قيد الحياة من الجنود والضباط وبينهم ضيفنا معروف جعجع هو أن الجبهات لم تكن تفرق بين دين وعرق فالمهم هو العدد وليس أي شيء آخر وهكذا فإن أول قتيل في المعركة شاهده معروف جعجع إلى جانبه كان يهودي الجنسية ذلك أن فرنسا آنذاك كانت تضم في صفوف فرقها الأجنبية يهودا تحت لواء فرنسا الحرة كان معروف جعجع قد وصل آنذاك مع القوات الفرنسية إلى منطقة الالزاس حيث دارت أعنف المعارك بعد الإنزال الشهير في منطقة النورمادندي فماذا عن أول قتيل يهودي.. هو كان يهودي منين من تونس كمان؟

معروف جعجع: لأ يهودي من (كلمة بلغة أجنبية) هو كان يقول عني أنا يهودي مرة قالي خمس رصاصات ببطني قلت له شو بدي أعملك.

سامي كليب: ومات؟

معروف جعجع: مات أه في ساعتها مات وهذا الكولونيل أتصاب ببطنه معرفش شو صار ليه في بالمستشفى بتونس حتى معرفتش إيش صار فين.

الحادثة والإصابة

سامي كليب: وأنت كيف أنصبت؟

معروف جعجع: أنصبت أنا الساعة ستة عشية.

سامي كليب: وين كنت؟

معروف جعجع: كنا بالالزاس.

سامي كليب: كنتم بالالزاس بالحدود مع ألمانيا على الخط؟

معروف جعجع: على الجبهة.

سامي كليب: على الجبهة؟

معروف جعجع: على الجبهة.

سامي كليب: لأنه مثل ما بتعرف الألزاس هي المكان الفاصل بين ألمانيا وبين فرنسا بنهر بس.

معروف جعجع: لا هي قبل.. كنت بعشية بالليل إجت لي قذيفة (RPG) أجت لي قذيفة صابتني في هون برجلي.

سامي كليب: كنت لوحدك ولا كان حواليك فيه..؟

معروف جعجع: لا كان الجيش كثير أجو وقاموا لي وأخذوني حطوني بـ (Ambulance) وأخذوني على المستشفى دخلوا على المستشفى هونيك عملوا لي عملية ليلتها الإنجليز مستشفى إنجليزي..

سامي كليب: والعملية شو صار فيها؟ قطعوا لك رجلك؟

معروف جعجع: إيه في ساعتها.

سامي كليب: طيب حاج بس صحيت ثاني نهار عرفت إنه رجلك مقطوعة؟

معروف جعجع: بليلتها الصبح ثاني يوم الصبح سألت إيش يصير، الممرضة عم بتقولي لي بكرة تلعب رياضة ومعلش قلت لها ليش حاطين لي شاش على رجلي حسيت إنه فيه شيء طلعت لقتها مقطوعة.

سامي كليب: زعلت؟

معروف جعجع: رجلي طبعا زعلت واتوجعت كثير يعني أصرخ مثل.. في الآخر ثاني يوم أجو عانوا لي اللاصقة 24 ساعة أصرخ مثل القرد وجع مؤلم.

سامي كليب: وما كان فيه حدا من أهلك معك؟

معروف جعجع: مفيش حدا.

سامي كليب: ولا عارفين أنت وين؟

معروف جعجع: ولا شيء أبدا آخر شيء مشيت لشو أسمه ده ثاني يوم بدهن يعملوا لي شو أسمه يعني خفت أنا الموت أحسن ما يعملوا لي كده عملوا لي إياها ما وجعت..

سامي كليب: شو عملوا لك؟ علمية ثانية يعني؟

معروف جعجع: لا غيروا لها ما وجعت قلت عال أخذوني من هونيك على مستشفى تلوز..

سامي كليب: أخذوك من مستشفى الالزاس أخذوك على مستشفى تلوز بفرنسا..

معروف جعجع: أه تلوز بالتريم هيك تار كله هونيك بتلوز مبعرفش حدا ولا عندي لا صحاب ولا.. يجوا الزوار يزوروا (كلمة غير مسموعة) في يوم أنا فيه زوار إجو عم يزوروا أنا غطيت رأسي بالحجاب صرت أبكي الحقيقة إلا إجت واحدة عمرها شو أربعين 45 سنة رفعت لي هذا قالت لي بتحب تكون مريض تبعك.

سامي كليب: يعني تكون هي الراعية تبعك؟

معروف جعجع: قلت لها إيه.

سامي كليب: قلت لها بسعادة؟

معروف جعجع: إيه يعني عاملتني معاملة هالمرأة وهي متجوزة معندهاش ولاد عندها جوز وعنده سريره يعني عاملتني معاملة كولد تقول لي شو بدك تيجي تزورني كل يوم بعد يوم بالمستشفى قالت لي شو بتريد شو بتعمل قالت لها والله ما بدي شي راحت جابت لي شنطة قمصان وبنطلون و.. وما بعرف كل البضاعات.. في مرة متجوزة عنده بيت أربعين سنة جايبه تفتحه أخدوه إجو طلبوا من المستشفى يدوروا له عن باب ظهروه له عندهن اتبسطت وأكلت وشربت ورقصوا لي.. وانبسط وكل شيء على كل حال.

سامي كليب: وبعدين ركبوا لك رجل اصطناعية؟

معروف جعجع: إيه؟

سامي كليب: مباشرة ولا بعد..

معروف جعجع: لا بعد تلات أشكال أول هذه رجلي هذه مش رجلي بس قاعدوا يعملوا لي.. أربع خمس في آخر شيء هي دي اللي عملوها مليح.. نفس هالمرأة عملوا لي عجين يعني في البيت وجيت أنا جابوا لي الساعة 12 بالليل أنا مبسوط وعمبرقص بوب بقع على رجلي رجعوا عملوا لي عملية من جديد بتلروز وبعدها قلت لها تريدي تحبني كثير.

سامي كليب: وبعدين رجعت شفتهم للعائلة بعد الحرب؟

معروف جعجع: آخر شيء من أربع خمس سنين كتبت لها مكتوب ما بعرفش راح وين بعرف صار عندهن من برة كتبت لهم مكتوب البكير وكتبت على الظرف بوستة استانس إنه للبريد قلت له تعملوا معروف طلعوا لي على الاسم بيوصل المكتوب إليكم وبتقرأه وتجاوبوني عليه.

وسام شرف ووسام الاستحقاق الفرنسي

سامي كليب: فقد معروف جعجع قدمه وكان قد استبسل في المعارك كان يحمل جسده المترنح على قدم واحدة ويحاول أن يعتاد على وضعه الجديد ربما في تلك الفترة بالضبط شعر أن الحرب ليست لعبة وأنه سيمضي بقية حياته برجل واحدة، فهل أن كل الأوسمة تعوض له عما فقده وما هو عدد الأوسمة التي حصل عليها؟


حصل جعجع على وسام الحرب، ومن ثم وسام الجرح، وثالثهما كان وسام الأسير
معروف جعجع: خدت أول شيء وسام الحرب وثاني وسام الجرح وبعدين وسام الأسير..

سامي كليب: (كلمة بلغة أجنبية).

معروف جعجع: ها؟

سامي كليب: (كلمة بلغة أجنبية).

معروف جعجع: نعم ما كل أسر هذه كلها ما لهاش أي إيبي هذا ما لده أي إيبي.

سامي كليب: هل ده وسام شو اللي بعضه عندك وين الأوسمة التانيين ما شوفناهم؟

معروف جعجع: مش عارف وين راحوا.

سامي كليب: راح كمان بالسنغال ضاعوا بالسنغال؟

معروف جعجع: راحوا بأبيجام.

سامي كليب: على كل حال راح نشوفهن على الصورة اللي عندك موجودين معظم الأوسمة بس هذا الوسام شو هو وسام شو؟

معروف جعجع: هذا ميدالية (كلمة بلغة أجنبية).

سامي كليب: الميدالية العسكرية.

معروف جعجع: الميدالية العسكرية.

سامي كليب: وحسب ما فهمت إنه هذا مش كل حد عنده إياها.

معروف جعجع: جنرال ما عندوش.

سامي كليب: جنرال ما عنده؟

معروف جعجع: جنرال ما عندوش منها.

سامي كليب: مين جنرال ديغول يعني؟

معروف جعجع: ديغول كله ما عندوش ديغول جنرال.

سامي كليب: ليه وشو السبب أنت حصلت عليها؟

معروف جعجع: لا ما بعرف هذا إحسان.. مجروح.. الجرح.

سامي كليب: يعني كل الجرحى عندهن إياها؟

معروف جعجع: كل شيء بحسب الجرح جرح مثل هذا أيوه له حق فيها الضباط كلها ما له الحق فيها يعني لكن المجروح بيعطوه مش مجروح ما بيعطوه أنا (كلمة بلغة أجنبية) اللي يعطوه..

سامي كليب: وسام الشرف.

معروف جعجع: ولو ما لي حق باطلع الدوسيه كده عندك الدوسيه كله موجود نطلع بده شيء وإذا له حق بيعطوك هذا.

سامي كليب: على كل حال أنا لما جيت شوفتك سألت الضابط الفرنسي اللي هو مسؤول عن قدامى المحاربين اللي هو الكولونيل ماليه موجود بالسفارة الفرنسية.

معروف جعجع: أيوه وإجي لعندي.

سامي كليب: وخبرني إنه راح تاخد وسام جديد بعدها.

معروف جعجع: أيوه وسام مع بعد..

سامي كليب: شو هو الوسام؟

معروف جعجع: بهذا الشيء اسمه بداية هذا أعلى نيشان.

سامي كليب: هذا بده يكون وسام الاستحقاق الفرنسي.

معروف جعجع: الاستحقاق أيوه (Yes).

سامي كليب: هذا الوسام ه هالشهادة هي نفسها هالوسام؟

معروف جعجع: أيوه هو نفسه.

سامي كليب: طيب أنا راح أجرب أقرأ شو مكتوب عليها باسم يعني أنا هانترجمها مباشرة هي الميدالية العسكرية وباسم رئيس الجمهورية الفرنسية حصلت على وسام شرف.

معروف جعجع: وسام الشرف أيوه هو.

سامي كليب: من رتبة بيسموها بالفرنسي (كلمة بلغة أجنبية).

معروف جعجع: أيوه.

سامي كليب: مين سلمك إياه هذا الوسام؟

معروف جعجع: سلمني بعثوا لي مع (كلمة بلغة أجنبية).

سامي كليب: مين سلمك مع (كلمة بلغة أجنبية) السفير الفرنسي؟

معروف جعجع: سلموني الكومندا الموجود بهذا الوسام.

سامي كليب: بس بتعرف إنك حاصل على هذا الوسام سنة بـ 17 حزيران سنة 1947 واللي ماضيه هو الجنرال ما عم بعرف أقرأ اسمه بس يعني مش واضح كثير اسمه بس ماضيه جنرال بالجيش الفرنسي كمان، كيف كان شعورك لما تلقيت الوسام؟

معروف جعجع: جابولي والله جابولي هذا الوسام جابولي النيشان وجابولي هذا الوسام فأخذته حطيته مكنش فيه الشعور لا في الشعور ولا في شيء.

سامي كليب: يعني أنت بالنسبة إليك كانت حرب بس ليعيش الواحد ويتسلى ويروح ويجي كنت بتكره لهتلر ؟

معروف جعجع: مين مكنش بيكرهش والله كله كان يحبونه.

سامي كليب: كانوا يحبون هتلر مين كان يحبه؟

معروف جعجع: والله كانوا ضده ولا كانوا يحبونه.

سامي كليب: كنت بالجيش اللي كانوا معك كانوا يحبوه؟

معروف جعجع: لا ما كنش حد يحبه بس كان يعني أوي يعني يطرفه إنه أوي.

سامي كليب: وامتى سمعت أول مرة بالجنرال ديغول؟

معروف جعجع: نعم؟

سامي كليب: امتى سمعت للمرة الأولى بالجنرال ديغول؟

معروف جعجع: الجنرال ديغول سمعناه من أول أيامهم من أول أيام ما راح هرب على انجلترا.

رحلات في أفريقيا


سافر جعجع إلى أفريقيا السوداء بحثا عن لقمة العيس بعد أن فقد ساقه، وعمل هناك سائق تاكسي
سامي كليب: رغم أن ضيفنا المجند اللبناني السابق في الجيش الفرنسي كان قد فقد قدمه في المعارك وعلى أرض فرنسا نفسها إلا أنه اضطر بعد الحرب للذهاب إلى إفريقيا السوداء بحثا عن لقمة العيش وعمل هناك سائق تاكسي تارة في دكار وأخرى في أبيجان.

معروف جعجع: رحت على دكار.

سامي كليب: على دكار.

معروف جعجع: ومن دكار رحت على أبيجان، بأبيجان اشتغلت.. هذه 14 راكب، شو تخيل فيها.

سامي كليب: يعني شوفير تاكسي.

معروف جعجع: أيوه شوفير تاكسي.

سامي كليب: ما كان عندك مرتب من الجيش الفرنسي بعد خرجت؟

معروف جعجع: لا بعدها كان عندي مرتب بس شيء بسيط.

سامي كليب: أيوه وبعدين تحسن وضعه؟

معروف جعجع: وبعدين تحسن وضعه لما تقدمت وتحسنت لما كانت العملية مش محسنة ولا شيء فمرة رحت بدي أقبض معاشي كنت أقبض أربعة آلاف ليرة بالشهر.

سامي كليب: أربعة آلاف ليرة لبناني.

معروف جعجع: لبناني بالشهر.

سامي كليب: أيوه.

معروف جعجع: في مرة رحت على السفارة فجاؤوني بأربعين ألف ليرة أربعين ألف ليرة كان إيش بيدري هاي البداية باشتغل بثلاثة ألف ليرة بثلاث.

سامي كليب: وليه عطوك أربعين ألف شو السبب؟

معروف جعجع: شو ما بعرف أعطوني جابوا لي ورقة من خمس فرانكات وعشر فرانكات وعشرين فرانكات

حفيد معروف جعجع: كنت تخاف من الحرب؟

معروف جعجع: لا مكنتش أخاف مش أنتم عم بتحاربوا أنتم عم بهالشيء اسمه بالأسلحة اللعب.

حفيد معروف جعجع: بتخليني أحارب؟

معروف جعجع: لا معادش حرب.

حفيد معروف جعجع: ليش؟

معروف جعجع: مش مليحة الحرب؟ الحرب مش مليح يا حبيبي.

حفيد معروف جعجع: من شين كنت أنت عم بتحارب؟

معروف جعجع: نحن كنا عم بنحارب نحن اللي ضدنا.. الألمان.

سامي كليب: عندك تسع أولاد؟

معروف جعجع: أيوه.

سامي كليب: وأد ايش عندهن الأولاد هن؟

معروف جعجع: أد إيش عندهن شي 24..

سامي كليب: اسم الله يعني أنت جد الأربع وعشرين واحد؟

معروف جعجع: أكثر من 24.

سامي كليب: جيش جديد.

سامي كليب: عمل معروف جعجع سائق تاكسي ولكن أحفاده الذين كان يطلعني على صورهم وصور أولادهم باعتزاز كبير يعرفون أن سائق التاكسي الذي عمل في أبيدجان ودكار بغية البحث عن لقمة العيش كان قد عاش تاريخا مجيدا فهو إن أدرك أو لم يدرك فقد قاتل لقضية كبيرة وساهم في انتصار الحلفاء على النازية ولم يكن يبالي بحياته لو فقدها طالما أنه في الجبهة ولكنه اليوم وحين يحتضن حفيده فإن أولى النصائح التي يسديها إليه هي ألا يذهب إلى الحرب، ففي الحرب المنتصر مهزوم والمهزوم قادر على أن يقوم مجددا من تحت أنقاضه. اليوم ينصح معروف جعجع حفيده بعدم الذهاب إلى الحرب لو وقعت فتجربته علمته أن الحرب لم تكن يوما جيدة لبني البشر حتى ولو أنها تعلم الإنسان أشياء كثيرة، قد يكون انتصار الحلفاء مهما للإنسانية ولكن بأي ثمن فالحرب العالمية الثانية تركت خلفها ستين مليون قتيل كان بينهم واحد وعشرون مليونا لروسيا وأربعة ملايين وأربعة ألف لألمانيا وثلاثة ملايين لليابان ومليونان وستمائة ألف ليوغوسلافيا ومليون بالصين وأربعمائة ألف لبريطانيا وأربعمائة ألف للولايات المتحدة وأما فرنسا التي قاتل فيها ولأجلها ضيفنا معروف جعجع فهي فقدت خمسمائة وخمسين ألف رجل وقبل أن أغادر ضيفي كان يطلعني مرة ثانية على قدمه التي فقدها في الحرب ويريني عينه التي كاد أن يفقدها أيضا حين أصابتها شظية وكأنما يريد بعد كل تلك السنين بعد مرور أكثر من نصف قرن على الحرب أن يستيقظ من حلم أو بالأحرى من كابوس وسألته قبل أن أودعه عما علمته الحرب.

معروف جعجع: علمتنا الحياة وعلمتنا العيش وعلمتنا الموت وعلمتنا كل المسائل دول علمتنا الحرب.

سامي كليب: شو عندك بعد شي أمنية بالحياة ما حققتها لحد هلا؟

معروف جعجع: بعدي بدي أتجوز.