- حزب البعث وعلاقته بسلسلة الاغتيالات
- تهمة الضلوع في اغتيال الحريري
- حزب البعث وعلاقته بالمنشقين على سوريا

سامي كليب: مرحبا بكم أعزائي المشاهدين إلى حلقة جديدة من برنامج زيارة خاصة، حين كنت أبحث في أرشيف ضيفنا كنت أفاجأ بأن حزبه كان يصدر بيانا قبيل اغتيال كل شخصية تم اغتيالها في العام الماضي في لبنان، هل أن في الأمر صدفة أم أن ما يقوله أمين عام حزب البعث السيد عاصم قانصوه من أن هناك مؤامرة ضد سوريا وربما ضد لبنان هو الصحيح؟ هذا ما سوف نعرفه منه في هذه الحلقة الثانية والأخيرة مع عاصم قانصوه.

عاصم قانصوه: إيه بعد عندي أمل.. أنا بعد عندي أمل أن حزب البعث هو الفكر اللي بعده بيضخ على هذه الأمة العربية الحلم.

سامي كليب: حين وصلت إلى منزل الأمين القطري لحزب البعث العربي الاشتراكي في لبنان عاصم قانصوه لإجراء هذه الحلقة الثانية والأخيرة معه كان كالكثير من اللبنانيين يتابع كل التلفزات المحلية والعربية، فالتطورات في لبنان تتلاحق بوتيرة مقلقة ودموية بعد الاغتيالات الكثيرة التي وقعت في العام الماضي وبما أن التحالف مع سوريا صار هذه الأيام تهمة كبيرة في لبنان فإن الأحزاب أو الشخصيات التي لا تزال تدافع عن هذا التحالف تجد نفسها في وضع صعب وليس غريبا والحالة هذه أن يرى عاصم قانصوه في حزب الله وحركة أمل شريكين أساسيين وحليفين له في الوضع الراهن.

عاصم قانصوه: طبعا ضمانتنا اليوم هو بهذه المرحلة اللي سيد التحرير اللي هو حسن نصر الله.. السيد حسن نصر الله ضمانة مش بس للبنان ووحدة لبنان وأنه قدم أكبر جائزة بتحرير الجنوب وإنما للأمة العربية كليتها.

سامي كليب: عاصم قانصوه الأمين القُطري لحزب البعث العربي الاشتراكي في لبنان كان وزيرا للعمل في حكومتين سابقتين وهو انتظر طويلا قبل أن يصبح وزيرا رغم تجربته الطويلة في العمل الحزبي والسياسي، فهو كان عام 1980 قد وصل إلى نائب رئيس المجلس السياسي للحركة الوطنية بعد ثلاثة أعوام على اغتيال قائدها كمال جنبلاط والذي له أيضا في بيت عاصم قانصوه صورة على الجدار ولو كان للمنزل أن ينطق بما شهد وسمع لنطق بالكثير، فعاصم قانصوه رافق كثيرين منذ قيام الجبهة الوطنية القومية في لبنان حتى عضوية القيادة القومية لحزب البعث في سوريا، البعض يقول إن حزب البعث لم يعد يضم أكثر من بضع مئات من الملتزمين الحقيقيين وأنهم في تضاؤل مستمر، فماذا يقول عاصم قانصوه؟

عاصم قانصوه: نحن هلا في حدود إحدى عشر ألف، اثني عشر ألف هلا يعني لأنه..

سامي كليب [مقاطعاً]: منتسبين؟

عاصم قانصوه [متابعاً]: إيه منتسبين أو من أربع سنين لحد هلا يعني بالمؤتمر الأخير بس..

سامي كليب: بعد الانسحاب السوري كم واحد استقال من الحزب؟

عاصم قانصوه: لسة ولا واحد ولكن فيه أكثر من واحد قعد على جنب صحيح..

سامي كليب: شو نسبة المسيحيين بالحزب؟

عاصم قانصوه: شي 30% نحن.. بتستغرب بدي أقول لك يعني عملنا دورة الدكتور علي جابر أول أمين قُطري هو هلا كان بلبنان بالواحد وخمسين بالبوريفاج.. بالريفيرا من أصل ستمائة عضو عامل قسموا اليمين كان فيه من بينهم مائة وثمانية عشر واحد من كسروان أعضاء عاملين، نحن عندنا فرع كبير بالجبل بيبلش من بشكنتا لدور شوير لتحت للساحل لتوصل طبعا المنطقة الدرزية كبيرة وعندنا تنظيم كثير..

سامي كليب: عندك ثروة مالية؟

عاصم قانصوه: كاش ما كثير..

سامي كليب: شو عندك أملاك وأراضي؟

عاصم قانصوه: أما الحمد لله عندنا أملاك نحن، يعني اللي بقى لنا من الوالد الله يرحمه واللي بقى لنا من أخي غسان.. أخي غسان كان وضعه مليح عطاك عمره خلى لنا مليون وسبعمائة ألف دولار طبعا صرفناهم بها السنتين اللي مضوا، يعني ما عندنا ها الشيء المالي اللي تقدر تقول تعمل فيه مشاريع.

سامي كليب: أخذت أموال من الشهيد رفيق الحريري؟

عاصم قانصوه: أعوذ بالله.

سامي كليب: مشارك بسوليدير المشروع التجاري ببيروت؟

عاصم قانصوه: ما عندي.. ما بأعرف وين هو السوليدير ما بأعرف، أنا بس الحريري قلت لك الله يرحمه ساعدني بهاي الجرافة اللي قعد أخذها مني وليد جنبلاط، جرافة هنا كنت عم أعملها أخذها مني وليد جنبلاط صلح لي إياها، جاب لي قطع الغيار تبعها وبوقت اللي عملت حادث سيارة بسيارتي هاديك جاب لي سيارة يعني.

سامي كليب: شو هي هواياتك كنت تلعب رياضة على أيام الدراسة؟

عاصم قانصوه: (Basket ball)، (Volly ball) كنت ألعب، كنت أركض..

سامي كليب: الصيد؟

عاصم قانصوه: الصيد طبعا هاي تحصيل حاصل، هاي من طبيعة المنطقة يعني.

سامي كليب: مشهور بحبك للحياة والسهر؟

عاصم قانصوه: قليلة هلا، يعني كنت قبل بشبابي ما كنت أستحي.. ما بأستحي من تاريخي بأتمنى يعني كل الشباب ينبسطوا بحياتهم مثل ما انبسطت أنا ومثل ما يعني كنت أوافق بين المرح والدراسة والجدية بالعمل السياسي أثناء شغلي بيوغسلافيا.

سامي كليب: تزوجت مرتين؟

عاصم قانصوه: ثلاثة.

سامي كليب: ثلاث مرات.. كم ولد عندك؟

عاصم قانصوه: عندي صبيين وثلاث بنات.

حزب البعث وعلاقته بسلسلة الاغتيالات

سامي كليب: عمل عاصم قانصوه في مجال المياه في لبنان وسعى لتوظيف دراسته وخبرته في الجيولوجيا وحفر الآبار للإفادة من مياه الجنوب التي سيطرت إسرائيل على جزء منها ولكن السياسة أخذته إلى عالم أكثر تعقيدا ولم يعرف لبنان قضية في خلال أكثر من ثلاثين عاما إلا وكان لحزب البعث دور فيها وحين اختلفت سوريا مع بعض حلفاء الأمس كان عاصم قانصوه وحزبه إلى جانبها ضد الحلفاء خصوصا حين قرر بعض هؤلاء وضع السفن اللبنانية بعكس الرياح السورية وبين هؤلاء أحد رفاق العمر جورج حاوي الأمين العام السابق للحزب الشيوعي اللبناني الذي شكل اغتياله صدمة كبيرة نظرا لغموض أسبابه والدوافع.

عاصم قانصوه: هايدي أول واحد بأقول إن إسرائيل قتلته هايدي اللي بأكد عليه.

سامي كليب: كنت صديقا له؟

عاصم قانصوه: أنا كنت أخ.. كان لي أخ هو أكثر من..

سامي كليب: كنت على علاقة جيدة معه؟

عاصم قانصوه: فيه علاقة ود وعلاقة اجتماعية، أنا قبل بأسبوع هو حكاني وأنا بالشام كنت وعلى بالنا بدنا نلتقي كنا.. بقي اتحرق قلبي أنه ما شفته وما بأعرف شو بده..

سامي كليب: طب شو السبب أنه حزبك حزب البعث أصدر بيانا رسميا يعتبر جورج حاوي متقاعدا ويخرج إلى الشمس فقط للتنفس وينتقده بشده إذا كنت صديقا له ومؤيدا له وحليفا له؟

عاصم قانصوه: هايدي قد ما.. ما خلوا لا بقى فينا هواء يعني كمان يعني حبينا نقول على الكلمتين هاي أنا مثل ما قلت له على الـ(LBC) بالزمان، قلت له يعني أترك لي إذا بدك تفوت على المنتدى الطائفي في لبنان كروم أرثوذكس حط لي كابوت الماركسية بره وخلينا نفوت كليتنا نحكي بشكل يعني كل واحد على حقيقته.

سامي كليب: يعني انزعجت من مواقفه بمرحلة معينة؟

عاصم قانصوه: طبعا.

سامي كليب: يعني سوريا انزعجت من مواقفه؟

عاصم قانصوه: لا سوريا ما انزعجت، عم أحكي أنا عن شخصي أنا انزعجت لأنه كان صديقي، واحد يعني طبعا مش أنه بوقت اللي بينزعج الواحد من صديقه من أخوه يعني معناته ثاني يوم ما بيحكي معه لا.. لا بالعكس بعد ما بتنزعج وأنا وقت اللي طلعوا.. معروفة يعني ما حدا استقبل الأسرى.. الأسير الشيوعي..

سامي كليب: الأسير الشيوعي، نعم..

عاصم قانصوه: جورج..

سامي كليب: أنور ياسين يعني..

عاصم قانصوه: ياسين، على بيته لجورج حاوي بتغريم أنا الوحيد اللي كنت عم بأستقبله أنا وميشيل سماحة.. يعني مستعد أقول لك قد إيش العلاقة ما بين بعضنا يعني مع جورج وحتى مع الحزب الشيوعي بشكل عام يعني فيه دم بينتنا يعني دم مشترك بينتنا..

سامي كليب: طيب الصحافي جبران تويني النائب زميلك في مجلس النواب وأيضا مدير جريدة النهار رحمه الله كمان أيضا قُتل في تفجير سيارته، كنت انتقدته مرات عديدة وفي الواقع اغتيل فيما بعد، الأمر الذي دفع بعض الناس إلى تحميلك أيضا كما حُملت سوريا مسؤولية اغتياله.

عاصم قانصوه: جبران أنا بس شيء بالشيء يذكر يعني أول واحد وقت اللي رحت لما صار مع مروان مع خاله الحادث..

سامي كليب: مروان حياتي.

عاصم قانصوه: كنت أنا بالمستشفى بمستشفى الجامعة الأميركية كنت أنا وجبران عنده يعني.. يعني ما كل ما تشوف الكلام البراني يعني، أنا ما كنت أحب أطلع معه على التليفزيون..

سامي كليب: بس كان له علاقة بسوريا، كان معارضا للسوريين.

عاصم قانصوه: شو يعني أنا كل معارض لسوريا يعني لازم أروح أنا أقتله يعني.

سامي كليب: طب حضرتك يعني حزبك أيضا بيان يصفه بأنه أحد أبرز الأبواق التي تعمل لمصلحة العدو.

عاصم قانصوه: مضبوط.

سامي كليب: شو؟

عاصم قانصوه: مضبوط يعني شو كل ها الكلام هذا اللي كان عم يحكيه وين بيصب؟ بمصلحة مين؟ لمصلحة مين حتى بعد شوي هلا كان..

سامي كليب: مصلحة حرية البلد.

"
حرية لبنان تتحقق بالحفاظ على المقاومة والجيش الوطني اللبناني ومؤسساته، وهذا يعني إلغاء الطائفية السياسية
"
عاصم قانصوه: أي حرية بلد هلا حرية البلد هي بالحفاظ على المقاومة والمحافظة على الجيش الوطني اللبناني والمحافظة على مؤسساته ويعني إلغاء الطائفية السياسية بلبنان وهلا بدها تضل تتكرر..

سامي كليب: طيب سيد عاصم قانصوه يعني أنا أطرح عليك كل هذه الأسماء..

عاصم قانصوه: مين اللي حمى هذه؟ مين اللي حمى هذا الموضوع غير السوري في لبنان؟

سامي كليب: اسمح لي أطرح عليك كل هذه الأسئلة؟

عاصم قانصوه: أنت وقت بتهاجمه يعني خليني بس أنه وقت بتضل تهاجم هذا السوري، الله طب ما السوري حمى المقاومة اللي حررت الوطن والسوري اللي بنى المؤسسات والسوري.. بنحكي كثير عال طول النهار ما فيه..

سامي كليب: طب وهم يقولون السوري صادر القرار.

عاصم قانصوه: على عيني صادر القرار على عيني، إسرائيل ما عملت شيء، أربعة وعشرين سنة قاعدة إسرائيل على قلبنا وما حدا حكي ولا كلمة منهم.

سامي كليب: اضطرت للانسحاب.

عاصم قانصوه: ها؟

سامي كليب: اضطرت للانسحاب والبلد كله..

عاصم قانصوه: اضطرت، وين كان دورهم؟

سامي كليب: والبلد كله كان خلف المقاومة.

عاصم قانصوه: هلا صاروا أباضيات، هلا صاروا كلهن في.. يعني كلهن يعني بيفهموا بالوطنية وبالتالي أنه كل البورة مثل ما بيقولوا عندنا من النصراني يعني هلا صار كل اللي عملته سوريا ما له علاقة شيء إسرائيل ما فيها منها، إسرائيل انسحبت.. انسحبت إسرائيل هي أكلت قتل لحتى اهترت إسرائيل وإلا ما بتطلع إسرائيل، ليش ما طلعت بالقرارات الدولية ومتحمسين لي على القرارات الدولية ها القد بها الشكل هايدا لإدخال لبنان بالتدويل بعملية التدويل بشكل أو بآخر ليه؟

سامي كليب: سؤالي سيد عاصم قانصوه يعني أنا أطرح عليك الأسئلة حول الاغتيالات لسبب بسيط، كلما حزبك أصدر بيانا ضد شخص يغتال الشخص، يعني شو ها الصدفة؟

عاصم قانصوه: لا يعني هلا كمان ما تحملنا..

سامي كليب: طب شو ها الصدفة؟

عاصم قانصوه: يعني يغتال شو بأعمل له يعني تقريبا بيكونوا ناطرينه اللي بدهن يقتلوا بيكونوا ناطرين البيانات تبعنا إذا هيك عن.. لا.. لا يعني هيك عم تقول لنا أنه ما بقينا نستجري نطلع ولا بيان.

سامي كليب: البيانات التي كانت غالبا ما تصدر عن حزب البعث العربي الاشتراكي في لبنان قبيل اغتيال عدد من الشخصيات سلطت أنظار الشك على هذا الحزب فالبعض اتهمه بالتحريض والبعض الآخر بالمساهمة في الجريمة بينما قال آخرون أنه هو الآخر ضحية لتلك السياسة الفوضوية التي قامت بين لبنان وسوريا على مدى السنوات الماضية أو ضحية المشروع الغربي ضد سوريا وزاد في الطين بلة العثور على سيارة في مرآب منزل عاصم قانصوه قيل إنها تعرضت لتمويه يشبه تمويه السيارة التي فُجرت بالوزير مروان حميدي.

عاصم قانصوه: يا سيدنا هاي السيارة صارت تحقق من دائرة المعلومات، حققوا مع 35 شخصا بما فيهم شوفيريتي والبنية ومنين اشتريناها لحتى وصلوا كانوا بيعرفوا بيعتقدوا إنه اشتريناها من بريطانيا من واحد ما بات المظلوم وإنه هاي السيارة لحدية مثل ما بيقولوا يعني أيام الفترة..

سامي كليب: أيام أنطوان لحد..

عاصم قانصوه: أنطوان لحد وقت اللي يعني بمعنى ثاني اللي بعد التحرير.

سامي كليب: فقط للتذكير إنه أنطوان لحد كان رئيس الجيش اللبناني الجنوبي المتعامل مع إسرائيل.

عاصم قانصوه: مضبوط إنه بعد ها الفترة فترة التحرير إشي ألفين.. ثلاثة آلاف سيارة كانت موجودة هناك بالمنطقة بالجنوب وبدون نمر وفاتت وها الناس اشترت وباعت فيها مش أنا الوحيد يعني فيه شيء ألفين سيارة، أنا اشتريت سيارة من السيارات هذه بأربعة آلاف دولار علنا بدون.. و132 صفحة بالتحقيق حتى يلاقوا بس شغلة حول هاي السيارة إنه هي.. طيب ما فيه مثلها ألفين سيارة أما راحت مثل ما قلت لك نفس الشيء راحت لعند السياسة القوتلية وجاءت من السياسة القوتلية لعند..

سامي كليب: شو القضية تبعها.. شو قضية إنه كانت مموهة؟

عاصم قانصوه: ما إنها مموهة ولا شيء بعد هي موجودة بسجن الحلو إذا مموهة إذا بيشوفوها مموهة فيها لما.. أنا كنت أحط عليها 99، رقمي 99 بمجلس النواب وآخذ فيها الأولاد على المدرسة لا طويلة ولا قصيرة هلا..

سامي كليب: طيب معقول إنه رجل سياسي مثلك ومحترم وزعيم حزب طويل عريض ووزير يشتري سيارة مسروقة؟

عاصم قانصوه: ما إنها مسروقة هي سيارة مثل سيارات كل الناس اشترتها على أمل إني كنت.. وأنا نزلت على الميكانيكي وحاولت إنه.. وجابوا حتى الناس اللي حاولوا يعني يعطونا نمرة بشكل شرعي بدي أشرعها مش..

سامي كليب: طيب بس حتى اليوم لم تُبرأ من هذه القضية بعد؟

عاصم قانصوه: لا أبدا شو بدي أعمل أنا امبارح عند صرت مرتين طالب من وزير العدل وهلا بأحكيها له وآخر اجتماع مع رئيس الجمهورية طلبته لها الموضوع إنه يحاولوا هلا بقى من عند سمير شحادة لا عند المدعي العام التميزي كان لعند الميرزائي ولا لكان عند المعماري اللي بدي أخلص منها أنا كمان حاجة..

سامي كليب: الرئيس لحود..

عاصم قانصوه: حكي فيها وما إنه نفس السيرة..

سامي كليب: الرئيس لحود وعدك بإنهاء الموضوع؟

عاصم قانصوه: ما تدخل، قال لي بأحكي لك بعد مع وزير العدل.



تهمة الضلوع في اغتيال الحريري

سامي كليب: بانتظار حل هذه القضية المتعلقة بالسيارة المموهة في مرآب منزل الأمين القُطري لحزب البعث العربي الاشتراكي في لبنان عاصم قانصوه فإن الشكوك التي دارت حول قانصوه وحزبه بشأن اغتيال رئيس الوزراء اللبناني السابق رفيق الحريري دفعت قاضي التحقيق الدولي ديتليف ميليس لإرسال محققيه للاستماع لشهادة قانصوه في مكتبه، فهل كان في الأمر مجرد شهادة أم وُجهت اتهامات؟

عاصم قانصوه: رحت شاهد أنا ما مش متهم.. مش.. أنا حققوا معي أو بالأحرى وقفوا على أقوالي اثنين من.. واحد أيرلندي وواحد إسباني، كان فيه مترجمة لبنانية.

سامي كليب: شو نوع الأسئلة اللي طُرحت عليك؟

عاصم قانصوه: أول شيء مين بتعرف.. ما بتعرف من اللي بلشوا من رستم غزالي وجورج؟ قلت له طبعا بأعرفهم معنا بالحزب وباليوم الواحد بنشوفهم مرة واثنين وثلاثة اللي.. قال لي بتعرف عاصم شوكت؟ قلت له تماما ما بأعرف عاصم شوكت، بتعرف بهجت سليمان في وقت وما وقت؟ قلت له ما بأعرفه، غازي كنعان؟ قلت له أوف بأعرفه وكثير صاحبنا وكان يومها وبنعرفه قبل ما ييجي للبنان ده غازي كنعان فيه صداقة عائلية بيني وبينه وجامع جامع؟ قلت له الجامع جامع يعني فيه طريق بس بيفصلني بيني وبينه المفرج اللي تبعته ونروح على الصغيرة والكبيرة بدنا شغلا بدنا عاملة بنطلبها منه يعني خدمات للناس لكذا هاي اللي كنا بنعملها، سأل إنه تلفن لك أو قبل اغتيال رفيق الحريري قبل بوقت كيف هذا؟ قلت له ها الكلام هذا مانه صحيح، إذا تلفن لي أول شيء تليفونات نحن كان عندنا جلسة مجلس النواب، بها الجلسة ممنوع تدخل التليفونات وأنا أصلا ما بأدخل تليفونات معي، بدي يكون التليفون مع المرافق تبعي إذا حكيوا، قال لا قبل بدقيقة من الاغتيال قلت له شو شايفني أنا عمري عشرين سنة حتى أتذكر لك أنا قبل دقيقة ولا قبل دقيقتين ولا ثلاثة، قلت له موجود عندك أنت عم تقول مضبوط.. مضبوط قلت له تخمين أنا بهاي الفترة معي يا أنا حكيت معه يا هو حكي معي..

سامي كليب: مع جامع جامع؟

عاصم قانصوه: مع جامع جامع..

سامي كليب: الضابط السوري اللي كان مكلف أيضا بالأمن في..

عاصم قانصوه: مضبوط جارنا هو يعني، قلت له هلا تذكرت وقت اللي طلعته.. طلعت أنا من المجلس بالفترة اللي كان بعده فيه عم يحكي طلعوا والحريري طلع وكنت واقف أنا وأبو طارق يعني.. أبو طارق أنا وهو مثل الأخوة يعني مرافق الحريري..

سامي كليب: مرافق الحريري.

عاصم قانصوه: معه دائما يعني رفيق العمر مثل ما بيقولوا أو إنه من أيام الحركة الوطنية هو شاب الله يرحمه أبضاي يعني وصديق يعني وراح لحاله يعني وأنا طلعت على البيت ما بدي أكمل الجلسة ما فيها شيء الجلسة، طلع الانفجار ورائي كنت صرت فوق على سليم سليم منا عارف فين لمين تلفنت ساعتها على جامع أو لحدا حتى أعرف شو هذا اللي.. عمود دخان كبير، قلت له تخمين ساعتها أنا تلفنت، قال لا هو تلفن قلت له لا أنا تلفنت له لأنه هلا تذكرت لأنه بدي أسأله ليش تلفنت لي11.30؟ قال لي المرافق طبعا أنا عم شو قال لي تلفن لك جامع الساعة 11.5 بقى نضبط ساعتها قلت له هلا تذكرت إنه منشان اللي اتصل قال لي شو صار الحديث؟ قلت له شو بأعرف شو صار الحديث بيني وبينه ولا.. لا عم بتذكرني قال لي هذه حدوده هلا كان حدوده السؤال هيك، بآخر الحديث يعني بعد شيء خمسة ساعات ونصف من التحقيق قال فينا نطلع على المكتب؟ قلت له بعض الوثائق اللي أنتم المنشورات؟ قلت له أهلا وسهلا، قال فينا نروح هلا؟ قلت له على 3.5 تروح هلا تذكر المكتب وإذا مدير مكتبي حتى يفتح لك المكاتب يعني بده إلى الساعة ستة أعطيني بدكم الساعة ستة أهلا وسهلا، حكيوا مع بعضهم وقالوا لك خليها بكره الساعة العاشرة والله جم ثاني يوم الساعة العاشرة بدهم يطَّلعوا على ما فيه عندي شيء مخبي يعني..

سامي كليب: بس حضرتك اتهمت ديتليف ميليس إنه سرق ملف ولا..

عاصم قانصوه: ما أكمل لك أنا، هلا قال بدهم يعني وثائق بأيلول شو انحكى بالقيادة يعني؟ قلت له عندنا بالقيادة؟ قلت لهم بدي أجيب لكم ساعتها محضر الجلسة تبع بأيلول، جبت لهم إياه، طلع إن عاملين اجتماع إحنا واحد بثمانية أيلول في القيادة القُطرية وما فيه شيء يعني، بلشت ترجمون لي بلشت ترجم ليهم يعني بالأسباني يعني هو وافق واجبوا مرة ساعتها معهم مترجم ترجمان مصري عم بيترجم لهم بالإنجليزي شو المحضر، لقيت إنه هذا الأيرلندي إن الصحفيين تحت ضيعوه هو معي معدل إنه يلاقي صحفيين تحت شو ثلاثين أربعين واحد كانوا تحت شو بده ييجوا لجنة التحقيق لعندنا على الحزب إنه هي عشان القصة كبيرة يعني وقال شوفوه تحت وهو ضايع، ما قلت لك هلا لقط المحضر من المحاضر هلا قعد يعني خمس.. ستة أشهر حطه وراء ظهره هون وقال له إحنا بنترجمه فورا وبأبعت لك هيك بعدها حطه وراء ظهره هيك وسَكِّر عليه القميص ودار شو بدي أقول له أنا؟ هذا ما حصل، حمل حاله وراح جه بده الصحفيين يسألوه وكذا صار يضربوا على السيارة إلى ما هيك أما دخلني فيها طبعا، تلفنت له بعد فترة قلت له وين أعطاني هو اسمه ويلتون ما أعرف شو اسمه أعطاني رقم تليفونه اليوم وبكره اليوم بيعطيني إياه، لحد هيك هلا ما أعطاني إياه.

[موجز الأنباء]

سامي كليب: خمس ساعات تحقيق فقط هذه الأسئلة؟

عاصم قانصوه: شو بدي أقول لك يعني عن.. طبعا ما هي الترجمة وبتعرف يعني بتحكي أنت حتى بعدين قرؤوا وبالعربي..

سامي كليب: سألك متى آخر مرة التقيت بالحريري؟

عاصم قانصوه: لا ما جاب سيرة الحريري، ما جابوا لي سيرة الحريري يعني هيك آخر مرة كنت يوم ما سلمت عليه وهو طالع سلمنا على بعضنا بعد ما كان جوه وطالع من.. على يوم الاغتيال.

[تعليق صوتي]

سامي كليب: يوم اغتيال رئيس الوزراء اللبناني الراحل رفيق الحريري لا يزال سراً كبيرا فماذا حصل في الدقائق واللحظات التي سبقت الاغتيال؟ مَن أعطى إشارة الانطلاق؟ مَن أخبر عن كيفية سير موكب الحريري من مجلس النواب حتى مكان الاغتيال؟ أسئلة موجودة في ملفات لجان التحقيق وكلما تم الحديث عن شاهدٍ جرى حديث آخر عن تكذيب الشهود وتلفيق الشهادات ولبنان يدفع الثمن والعلاقات اللبنانية السورية تدفع الثمن، اغتيل كثيرون في لبنان وانتحر غازي كنعان في سوريا وأما الأسماء التي يوردها عاصم قانصوه على غرار عاصم شوكت وبهجت سليمان ورستم غزالي وغيرهم تبقى تحت دائرة الضوء والأسئلة وحين ينظر عاصم قانصوه اليوم من شرفة منزله في بيروت لا شك يذكر جاره وصديقه الضابط السوري الكبير، ضابط المخابرات جامع جامع فهو كان هنا يسكن بالقرب منه ومن هنا كان يقود شبكة واسعة من المخابرات واللافت أنه في خلال حديثنا عن المسؤولين السوريين سمعت من عاصم قانصوه رواية غريبة عن رئيس الأركان السابق في الجيش السوري حكمت الشهابي الذي ابتعد هو الآخر أو اضطر إلى الابتعاد عن السلطة في سوريا.

عاصم قانصوه: حكمت قبل ما يموت حافظ الأسد بشهرين أُخرج من سوريا وراح على إجي ما راح على رفيق الحريري على القصر هون لحقه عبد الحليم ووصله على المطار خلينا نتذكر يعني كمان..

سامي كليب: يعني برأيك الأبعد هو حافظ الأسد وليس بشار الأسد؟

عاصم قانصوه: هاي طبعا.

سامي كليب: شو كان السبب؟

عاصم قانصوه: أسباب يعني إنه هل إنه كان قد الثقة اللي كان طالبها منه أو صُدم فيها حافظ الأسد بحكمت الشهابي حول المعامل، التريكو، عرشور صار فيه حكي..

سامي كليب: شو معامل التريكو؟

عاصم قانصوه: عنده معامل قالوا لي عليها يعني هيك حكي وسمعنا على طريق المطار فيه عمال كتير من السوريين بيعملوا الخدمة تبعهتن كعمال بقلب المعمل..

سامي كليب: الخدمة العسكرية؟

عاصم قانصوه: الخدمة العسكرية.

سامي كليب: معامل لحكمت الشهابي؟

عاصم قانصوه: لحكمت الشهابي.

سامي كليب: هذا سبب الخلاف مع الرئيس الراحل حافظ الأسد؟

عاصم قانصوه: هذا اللي آخر شيء، قبله بشهرين هو توفى، نهره كتير وزعل تخمين الله يرحمه من هذا الموضوع كما نما إلينا من كمان ما فينا نقول الله يرحمه محمود معايطه عضو قيادة قومية إنه هو عم يحكي لي هذا الموضوع بكى حافظ الأسد لهذا الموضوع، لذلك قال له يعني اتيسر ما حب يأخذ بحقه أي إجراء آخر، حمل حاله وراح على بيروت وبيروت قال إنه من مطاريد حكمت وكمل مشواره على أميركا وبعدها.. وقت أن رجع بعد ما مات حافظ الأسد، صار فيه يومها عن الحديث عن غازي كنعان..

سامي كليب: حديث بين مَن ومَن؟

عاصم قانصوه: بين غازي كنعان وحكمت الشهابي طلب من ابنه يومها يرجع على سوريا، قال له شفت الدكتور بشار قل لأبيك إني شفت الدكتور بشار وأهلا وسهلا يرجع لازم يرجع على.. هاي من الشواهد اللي أنا كنت سامع، هاي النهاية هاي العلاقة هاي ما عم بأقول قدامك مع وليد جنبلاط اللي كانت تضغط على رفيق الحريري لأخذه باتجاه آخر ما ننسى إن إحنا..

سامي كليب: طيب خلينا، لنتوقف عند هذا الأمر يعني لو سمحت تحديدا يعني السيد وليد جنبلاط يعني وقف إلى جانب سوريا في أحلك الظروف وذهب إلى الرئيس حافظ الأسد في عز الاجتياح الإسرائيلي للبنان وذهب إليه في عدة مرات وتحالف معه ووقف إلى جانبه واحد، اثنان إنه كل خطيئة وليد جنبلاط اللي حضرتك اتهمته فيها وقامت قيامتك وقيامة السوريين إنه طالب بإعادة الانتشار وكان الأمر لصالح سوريا أيضا، طيب شو.. أين أخطأ وليد جنبلاط؟

عاصم قانصوه: يعني هلا اللي إعادة الانتشار للجيش اللبناني والمقاومة في ذلك الوقت يعني تقليل دورها وبحث وضعها وبحث مزارع شبعا في ذلك الوقت كانت يعني كلام مستهجن..

سامي كليب: طب بس كان جنب السوريين ما وصلوا إليه..

عاصم قانصوه: ليش طالب بذاك الموضوع في ذلك الوقت؟ كنا بعد عاملين انتخاباتنا جريت وجيت على ها الجلسة.

سامي كليب: ليش، شو السبب؟

عاصم قانصوه: هل هي نحن كما نعرف كنا وليد جنبلاط هيك ما هيك مش رأيه ولكن يعملوه بدك وين بيصب بخانة مين؟ خانة.. وضح بعدين بالقرار 1959، هذا الكلام ترجم بشكل أو بآخر بقرار 1959 بعد أربع سنين وقت اللي صار الضغط الأميركي والفرنسي على..

سامي كليب: طيب لو سمعوا السوريين وليد جنبلاط لم يصلوا إلى القرار 1959 ربما؟

عاصم قانصوه: إنه يعني نضرب يعني..

سامي كليب: إنه إعادة الانتشار..

عاصم قانصوه: شو إعادة الانتشار ضرب ومقاومة..

سامي كليب: إنه إعادة النظر..

عاصم قانصوه: ولو هل إعادة الانتشار ليش؟ بنعمل إحنا حرس حدود لإسرائيل ما بتظبط مع سوريا..

سامي كليب: يعني هل يمكن سيد عاصم قانصوه إنه حضرتك تعرف وليد جنبلاط ووقوفه إلى جانب المقاومة، الرئيس الحريري ووقوفه إلى جانب المقاومة، هل يمكن يعني إنه شخصين مثل وليد جنبلاط ورفيق الحريري يعني كانا ينويان ضرب المقاومة؟

"
رفيق الحريري كان هو الضمانة للجيش وللمقاومة اللبنانية، وهذا ما أكده أمين عام حزب الله حسن نصر الله بنفسه
"
عاصم قانصوه: أبدا، رفيق الحريري لا، أنا بأقول رفيق الحريري هو اللي كان ضمانة بكل هاديك الفترة وقالها السيد حسن نصر الله ضمانة للجيش وللمقاومة.

سامي كليب: يعني أنا أذكر أول زيارة قام بها وليد جنبلاط إلى فرنسا ومن أمام قصر الإليزيه طالب بحماية المقاومة.

عاصم قانصوه: هذا كلام.

سامي كليب: يعني وفي كل تصريحاته كان يطالب بحماية المقاومة.

عاصم قانصوه: هذا الكلام بده يشوف أفعاله كان شو؟ ما الأفعال ما كان عملها عامل معركة ضد التمديد وأقام الدنيا ما قعدها.. وكل الانقلاب اللي حصل لصالح مين هذا؟ لصالح 14 آذار؟

سامي كليب: لا هو الشعب اللبناني كان كله معظم الشعب اللبناني كان ضد التمديد.

عاصم قانصوه: ها الحكي ده؟

سامي كليب: والمجتمع الدولي ضد التمديد.

عاصم قانصوه: مين كان فيه طلعوا يوم 23 يناير..

سامي كليب: والدليل إن خطيئة دولية أدت إلى حصار سوريا فيما بعد.

عاصم قانصوه: يا أستاذ سامي اللي 28 نائب اللي وقفوا ضد التمديد ولا حد ضربهم على إيدهم إلا البقايا بما فيهن جماعة المستقبل أو جماعة الحريري، التمديد كان له ظروفه ولكن الإصرار على قصة التمديد إنه هو أساس كل المشكلة، هذه اللي هيك كان يشتغل عليها عبد الحليم خدام عندنا بالقيادة عم يشتغل عليه بها المنطقة هذا هلا وليد جنبلاط.

[تعليق صوتي]

سامي كليب: في أثناء تصويرنا لهذه الحلقة الثانية مع الأمين القُطري لحزب البعث العربي الاشتراكي في لبنان عاصم قانصوه كنا نعبر شوارع بيروت التي كانت شاهدة ولأكثر من 15 سنة على تقاتل اللبنانيين بين بعضهم وتقاتل الآخرين على أرضهم وبهم، هذه الشوارع سألنا بعض الناس عن رأيهم بعاصم قانصوه وحزب البعث.

مشاركة أولى: بأقول إنه لازم ها الأطراف المعنية بلبنان يتفاهموا على المستقبل الجديد لكن حزب لبنان في وسط حزب البعث يرجع إذا كان فيه خلل إذا فيه إشيه مثلا يمكن ما عاش فيه بأطرف بلبنان يحاولوا قد ما بيقدورا يتقربوا لوجهات النظر ليوصلوا لنتيجة.. إلى نتيجة بحزب يكون مقيم على الأرض اللبنانية ويكون مرغوب فيه من الكل يعني لأنه طبعا ما فيه حزب ليه ناس معاديين وناس حابين.

مشارك ثاني: والله السيد عاصم كان نائب هون بالمنطقة وخدمنا كذا مرة بس شيء جديد ما عم يحضر ما عدنا نشوفه أو نطلب منه شيء طلب، بالأول كنا نطلب منه يساعدنا كتير صراحة.

مشارك ثالث: عاصم قانصوه لازم إنه يتحاكم مثل ما اتحاكموا الأربعة ضباط، لازم ينسأل عن كتير إشيه هو وغيره من اللبنانيين لازم ينسألوا عن إشيه كتير صارت بها النظام مش كل شويه نعمل عفو وإنه عفا الله عما مضى ولازم يتحاكموا كلهم سوا ولازم ينحط كل النقط على الحروف.

مشارك رابع: أستاذ عاصم قانصوه من الناس اللي ساعدوني قدموا لي منحة مدرسية.



حزب البعث وعلاقته بالمنشقين على سوريا

[تعليق صوتي]

سامي كليب: تختلف الآراء بعاصم قانصوه الأمين العام لحزب البعث الاشتراكي في لبنان ولكن الأكيد أن الرجل الذي تستهدفه اتهامات كثيرة هذه الأيام بأنه جزء من المشروع السوري السابق على الأراضي اللبنانية يعرف الكثير عن بعض الذين كانوا بالأمس يخطبون ود سوريا بُغية منصب أو مصلحة وصاروا اليوم في الموقع الآخر محملين دمشق جزءا كبيرا من مصائب الوطن ولكن ماذا بشأن أولئك الذين كانوا ضد سوريا وصاروا اليوم أقل عدائية حيالها، السؤال يتعلق مثلا بالعماد ميشيل عون الذي كان نُفي إلى فرنسا لسنوات طويلة بعد أن دُحر عسكريا بغطاء ومشاركة سوريين وعاد من منفاه يقول إن خلافه مع دمشق قد انتهى بعد أن خرجت من لبنان، عاصم قانصوه كان يقول عن ميشيل عون في أواخر الثمانينات أنه أحرق لبنان ويحرقنا معه فهل غيَّر رأيه اليوم؟

عاصم قانصوه: هلا ميشيل عون طبعا بأعرفه ورحت لعنده وقت كان رئيس أركان مرتين هذا القصر الجمهوري.

سامي كليب: شو رحت تعمل، مبعوث من السوريين؟

عاصم قانصوه: لا أنا يعني كان فيه نوع من الود بيني وبينه يعني وأنا بالتالي.. أنا ما حد بيبعتني على فكرة ولا كُلفت ولا يوم من الأيام من سوريا وكل الناس بتعرف ما تشوف اللي عم يكلفوهم غيري، من محسن دلول إلى ألبير منصور إلى رياض راضي، كل الناس ما عدا أنا ما كنت أتكلف، أنا بالنهاية عضو قيادة قومية وأنا أمين قُطري حزب البعث، أنا اللي أسست حزب البعث في لبنان.

سامي كليب: طب، هل فكرت سوريا بإيصاله إلى الرئاسة آنذاك لأنه فيه كلام يعني فيه طبعا وثائق إنه مرقت وفدا إليه؟

عاصم قانصوه: ما بأعتقد يومها إذا كان بها الموضوع لأنه ما كان وارد من بين الأسماء اللي أنا كنت إلى حد ما على إطلاع، أنا ما بأتذكر إلا يوم اللي ترشح خالد ظاهر راحوا شبابنا عملوا له حماية ووقفوا معه صحيح وبعدين وقت اللي ترشح.. يعني رشح حافظ الأسد خلينا نحكي هكذا وعلى مسمع من الأذن يعني عبد الحليم حيكيماو، رينيه معوض، إلياس الهراوي.

سامي كليب: رغم أن رينيه معوض حين اغتيل طبعا ذهبت الاتهامات ضد سوريا.

عاصم قانصوه: كل هذا كذب بكذب وبلا طعم هذا الحكي بلا طعم هذا، أنا سمعت أذني مين أنت مخصم حد ييجي بدون رأي سوريا على رأس الجمهورية وبالذات رينيه معوض اللي هو صديقنا والكلام عم بتسمعه إذ ست ليلي معوض مني تسمعه وبتعرف ها الشيء هي وإن كل الكلام اللي عم بتعمله هلا إنه هذا هلا بروبجندا إنه هلا مثل ما يقولوا نزلت البقرة على الذبح يكثر الدباحين، يكون فيه شوية أخلاق.

سامي كليب: ست ليلى معوض كانت صديقة لسوريا؟

عاصم قانصوه: مين؟ مازالت تطلع من عند غازي كنعان.

سامي كليب: حضرتك كنت شاهدا على ها اللقاءات؟

عاصم قانصوه: آه يعني مش بعيد من هون بالروينة عند النائب السابع علي حمد جعفر، عندي صورة معه تشوفها هي وغازي كنعان على الغداء وكيف كان قاعدة، اللي كان فيه بينها وبين سوريا ما كان بيني وبين سوريا أنا اللي أنا محسوب على سوريا..

سامي كليب: شو كانت طلباتها من سوريا؟

عاصم قانصوه: شو اللي ما طلبته خاصة بعد موت زوجها يعني..

سامي كليب: يعني الغريب إنه..

عاصم قانصوه: نحن بالنسبة لنا رينيه معوض نحن اللي خسرناه يعني كيف هيك؟

سامي كليب: الغريب السيدة ليلى معوض يعني اليوم من أبرز زعماء معارضة سوريا في لبنان؟

عاصم قانصوه: صحتين على قلبك بتعرف تركب الموجة، صحتين على قلبك.

سامي كليب: العماد ميشيل عون منذ عودته من فرنسا هل حصل اتصال وفق علمك بينه وبين السوريين مباشرة؟

عاصم قانصوه: أبداً وإنما فيه رضا عن تصريحاته، عن موقفه يعني وبالتالي كدولة أنا هيك عم بأقرأ يعني ما حدا قال لي..

سامي كليب: يعني لو كان لسوريا اليوم قرار في لبنان تدعم ترشيح ميشيل عون؟

عاصم قانصوه: آه حتماً، أنا بها المرحلة هاي يعني ميشيل عون في النهاية صاحب قرار، خلينا نقول أكثر من كل ها القصص.

سامي كليب: تتذكر في السابق أن تقول عون هو جزء من قرار إسرائيلي عراقي؟

عاصم قانصوه: يومها ما كان معروف، مين كان عم بيعطيه مصاري للكتائب ولقواته ولاَّ لميشيل عون؟ مين كان بيوقفهم على رجليهم؟

سامي كليب: العراق.

عاصم قانصوه: طيب.

سامي كليب: بس مش إسرائيل، ميشيل عون لم يتصل بإسرائيل.

عاصم قانصوه: يعني يومها يعني شو يعني.. كانوا يعني خلاص خلينا بدون ما نحكي كثير..

[تعليق صوتي]

سامي كليب: لا يريد عاصم قانصوه الأمين العام لحزب البعث العربي الاشتراكي في لبنان الحديث عن كل ما يعرفه والوقت غير مناسب في مرحلة يعيش لبنان وسوريا على مفترق طرق خطير وحين كنا نصور هذه الحلقة مع عاصم قانصوه كان الحديث كثيراً عن وساطات سعودية ومصرية وعربية أخرى لتقريب وجهات النظر بين بيروت ودمشق ووقف مسلسل التدهور الخطير ولكن لماذا هو عاصم قانصوه لم يتحرك حتى الآن للصلح بدلاً من أن يكون طرفاً في الصراع بين الدولتين؟

عاصم قانصوه: أنا من هون من الجزيرة من هذا الموقع المميز مثل ما بعت له لفضيلة الرئيس رفيق سنيورة يوم صارت أزمة الحدود بما يخص الكميونات وما إلى هناك يا عم أستفيد كان بيار جميل كل ما يشوفني بالزمانات، شو أخبار الإخوان ويسميني قاسم عوصه ما كان يحفظ اسمي حتى قلت له أنا هويتي اللبنانية يعني من بعلبك يعني بس كان دائماً يشوف يستفيد من هذه العلاقة اللي موجود فيها أنا عند حزب البعث في سوريا، يا دولة الرئيس سنيورة ليش ما بتستفيد من عاصم قانصوه هلا؟ اللي بيعرفني هو إن أنا لبناني بالنهاية وحريص على لبنانيتي وحريص على بلدي مثل ما حرصي على سوريا، طيب ما قادر تستفيد من هذه العلاقة من بعض الأشخاص أنا وغيري يعني، كلفنا إنه بدك تبعت الشخص اللي بينكرز، اللي بده يحل بيدور على الحل وفيه مجال للحل ومن هلا..

سامي كليب: بس راح هو بنفسه.

عاصم قانصوه: أنا عم أقول لك هلا راح..

سامي كليب: طيب رئيس الحكومة ذهب بنفسه لمقابلة..

عاصم قانصوه: راح وبنعرف شو صار بعدها..

سامي كليب: شو صار؟

عاصم قانصوه: خلاص يعني فيه ناس ما بدهم إن هذه العلاقة تتم بشكل جيد..

سامي كليب: اللي هي لبنان وسوريا؟

عاصم قانصوه: بلبنان بالذات بسوريا بدهُن مثل ما بيقولوا يعني بأي شكل من الأشكال يخلصوا من هذه الأزمة، شوف هذا الجو الموبوء في لبنان..

سامي كليب: طيب حضرتك..

عاصم قانصوه: كلياته اصطفاف كامل ده بالإعلام عنده الصبح والظهر قبل الأكل وبعد الأكل..

سامي كليب: طيب حضرتك قلت إنه سعد الحريري رئيس تيار كتلة المستقبل واللي هو عملياً المشرف المعنوي إذا صح التعبير على سياسة رئيس الحكومة فؤاد السنيورة، تقول يلتقي ببوش أو شيراك أو رايس أو بلير كل أربعة أو خمسة أيام ولم يبق لديه عقل ووصل إلى مرحلة ضاع فيها، طيب ما الناس بتفهم كلامك أيضاً جزء من الكلام السوري.

عاصم قانصوه: إنه يعني لا ما دخل السوري فيه أنا يا أخي ده جزء وده شيء أنا بدك أنا مسؤول عن كلامي وبكل كلمة بأقولها شوف كيف، أنا مسؤول عن كلامي أنا بأقول ما حدا بيعطيني وشوف أنا ما بأسمح لحد إنه يعطيني..

سامي كليب: طيب شو سبب اتهامك لسعد الحريري بهذا الاتهام؟

عاصم قانصوه: يا أخي لأنه تفضل شو عم بنوصل له إحنا؟

سامي كليب: طيب إزاي..

عاصم قانصوه: مين اللي عم بيأزم مين عم بيأزم بيناتنا؟ هو..

سامي كليب: طيب يا أخي يبحث عن حقيقة من اغتال والده.

عاصم قانصوه: هلا بقتاله لسوريا قبل الظهر وبعد الظهر؟

سامي كليب: يبحث بكل الوسائل.

عاصم قانصوه: يا أخي هاي الوسائل ما هي الاصطفاف هذه، ما أنت عم بتسألني عن تحسين العلاقات بين لبنان وسوريا، هذا الخطاب السياسي هو ومروان حماده ووليد جنبلاط ما بيحسن العلاقات..

سامي كليب: طيب مروان حماده كاد يُقتل بتفجير سيارته..

عاصم قانصوه: طيب أنا اللي فجرت له سيارته؟

سامي كليب: هو يعتقد إنه سوريا وراء الأمر.

عاصم قانصوه: بالأول ما كان هيك..

سامي كليب: كيف ما كان؟

عاصم قانصوه: بالأول الوقت اللي كنت عنده بالمستشفى ما كان هذا رأيه..

سامي كليب: ماذا قال لك؟

عاصم قانصوه: ليش؟

سامي كليب: اشرح لي.

عاصم قانصوه: ما بدنا هلا ندخل ننتقل من موضوع لموضوع..

سامي كليب: ما هذا الأهم؟

عاصم قانصوه: أنا اللي بيهمني..

سامي كليب: قال لك إنه ما بيتهم سوريا وقتها؟

عاصم قانصوه: يومها ما كان ما حدا اتهم حدا يومها.. يومها ما اتهم حدا بالعكس كان بعد العلاقات مليحة وكان بعده رفيق الحريري طيبه الله يرحمه الجو كان ثاني يعني كانوا بعد كلهم مع سوريا كلها كانت عم بتنحط بالاتجاه الثاني يعني، مين ما استنكر بسوريا قصة مروان حماده في ذلك اليوم؟ أقول لك أنا كنت بعد خمس دقائق عنده بالمستشفى أنا وجبران تويني، يعني الظروف تغيرت هلا عال، فيه مخطط بده يمشي، أنا عم بأقول نحن حاضرين بأي مساعدة لرئيس الحكومة واستفادة من هذه الإمكانيات لتحسين العلاقات لأنه تحسين علاقات هي إعادة الود بين الشعب اللبناني والشعب السوري وتدريجياً كمان بين الدولة اللبنانية والدولة السورية حتى نوصل على.. أنت يا أخي بدنا نعمل انتخابات جديدة في لبنان نوصل على انتخابات مثل ما يقولوا رائدة وبدون تشنجات وبدون يعني مداخلات كبيرة لنوصل لحل، أما هلا بهذا الجو المتوتر..

سامي كليب: فيه رغبة عند السوريين بالحل؟

عاصم قانصوه: حتماً.

سامي كليب: كيف، لمستها حضرتك؟

عاصم قانصوه: هنا هلا شو اللي مضيعه السوريين يا أخي، ضيعوا قصة التدويل وإيه اللي يضيرني أنا كلبناني من قصة التدويل؟ إنه هلا على كل كبيرة وصغيرة إن هنا يجيبوا لي فلان يستدعوا فلان..

سامي كليب: طيب بس كانوا قابلين بالتدويل حين كانت المسألة لصالحهم..

عاصم قانصوه: ليه؟

سامي كليب: يعني لما كان فيه تسوية أميركية سورية بشأن لبنان كانوا ينسقون مع الأميركيين ومع الفرنسيين..

عاصم قانصوه: نحن عم بنحكي على استشهاد الحريري هلا والمطالبة هلا بالمحاكم محكمة دولية وبالتالي تعالوا جيبوهم خذوهم يعني وبالتالي يعني نحن هلا بهذه القصة طيبين لحتى ينعرف تخمين مين قتل الحريري تخمين تروح السجن سنتين وثلاثة والتخمين ما ينعرف مين، شايف كيف أنا بأجمد البلد والعلاقات وبأطرش الأمور كلياتها بأقتل الناس ببعضها كلتها يعني..

سامي كليب: حضرتك موافق على خطابات الرئيس الأسد؟

عاصم قانصوه: 100%.

سامي كليب: حتى حين قال عبد مأمور لدى عبد مأمور؟

عاصم قانصوه: كان شرف لي ما مسألة كبيرة شو قليل جداً حكوا هنا ضدي يعني أنت بتسمع كلام وليد جنبلاط اللي بيحكيه ضد بشار الأسد ولا هنا يعني الباقي كلهم..

سامي كليب: طيب حضرتك سيد..

عاصم قانصوه: كمان يعني هلا طبعاً ما بدي أقول لك إنه ما كان لازم يحط يعني ينزل لها المستوى معهم بس يعني كمان الناس يعني الدكتور بشار الأسد بشر.. بشر يعني..

سامي كليب: بس رئيس دولة.

عاصم قانصوه: طيب رئيس دولة إذا دار طول النهار بيسبك رئيس دولة يعني ما..

سامي كليب: الرئيس، رحمه الله الرئيس حافظ الأسد يعني لم يصل ولا مرة في حياته بخطاب استخدم فيه هذه العبارات..

عاصم قانصوه: إيه ما كان، بس كمان بنفس الوقت أيام الله يرحمه حافظ الأسد ما وصلت الأمور بالطحشة الأميركية الفرنسية على سوريا مثلما وصلت هلا واستُخدمت فيها كل الأدوات المسموحة واللي مش مسموحة، البشرية منها وغير.. سمعت لك شي كلمة أيام حافظ الأسد منهم كلياتهم؟

[تعليق صوتي]

سامي كليب: عاصم قانصوه الذي يحتفظ بصور كثيرة كان يحدثنا عن التاريخ بكثير من المرارة، كيف لا والكثير ممن تحملهم هذه الصور صاروا إما خصوماً أو شهداء وأما الصور العربية فهي قليلة باستثناء صور الرئيس السوري الراحل حافظ الأسد.

عاصم قانصوه: هذه كانت زيارتنا لليبيا فيها أنا مع معمر القذافي العقيد.

[تعليق صوتي]

سامي كليب: صورة العقيد معمر القذافي تكاد تكون صورة القائد العربي الوحيد لدى عاصم قانصوه إلى جانب صور الرئيسين السوريين الراحل حافظ الأسد والحالي بشار الأسد، هي الجغرافيا حتماً ولكن أيضاً الالتزام، التزام مجهول المستقبل والمصير حيث لغة الاتهامات والتهديد والوعيد وصور الدماء صارت اللغة شبة الوحيدة بين البلدين منذ اغتيال الرئيس رفيق الحريري وقد سألت عاصم قانصوه الأمين القُطري لحزب البعث العربي الاشتراكي في لبنان في ختام هذه الحلقة عما إذا كان يخشى تجدد الحرب؟

عاصم قانصوه: تكرار هذا الوضع القتالي في لبنان سنة 1840 1860 1950 1952 1975 وما نعرف مين آت، هذه التركيبة الطائفية بلبنان إذا ما انحلت الحرب بدها ترجع بأي مظهر من المظاهر، مرة بيقولوا لك حرب الآخرين كلهم.. العلة هون العلة بوجود الطائفية السياسية ما بتُلغى الطائفية السياسية ما بيصير الحال ما بيطبق اتفاق الطائف عشان هذا إلغاء الطائفة السياسية شايف كيف أقل شيء، هاي الحرب بدها تتولد من ولد لولد.

[تعليق صوتي]

سامي كليب: هنا في منطقة الهرمل حيث لعاصم قانصوه منزل آخر كان بإمكاننا أن نرى الحدود السورية التي لا تبعد سوى بضعة كيلومترات وكنا في الوقت نفسه نسمع أصواتا كثيرة من بيروت تطالب بترسيم هذه الحدود، غريب أمر هذين البلدين كم تباعدا وكم تقاربا عبر التاريخ، لم يحسنا يوماً استخدام التقارب بينما الآخرون أحسنوا دائماً استغلال تباعدهما، فإلى اللقاء.