- داني شمعون وكتيبة النمور
- مجزرة الصفراء.. داني وبشير وجها لوجه 

- سمير جعجع واغتيال داني شمعون


داني شمعون أعزل في جو من الخوف، نعم في جو من الخوف ماذا عساه يفعل؟ أسئلة طرحها على نفسه داني، أيلتحق بإحدى السفارات لتنقشع الحالة الضبابية فيتدبر أمره؟ أيعود داني إلى مسكنه في الأشرفية؟ ذلك المسكن الذي حرم العودة إليه سابقاً قبل أن تتوسع رقعة الخلاف بينه وبين من يسمك بزمام الأشرفية؟ أيذهب داني إلى فقرا؟ فقرا في كسروان وكسروان تحت سيطرة القوات ويلزم لذلك إذن مسبقاً من قائد القوات وهذا الإذن يعز على داني طلبه، سيما وأنه المتيقن من شعور قائد القوات تجاهه، ماذا يفعل داني؟ أيذهب إلى دير القمر؟ انتقل داني يا سادة إلى دير القمر، انتقل داني إلى دير القمر بنعوش أربعة، اتخذت الأبيض وشاحا من طيبة قلبه ومن صدق زوجته ومن طهارة طفليه.

داني شمعون وكتيبة النمور

[تعليق صوتي]

هكذا انتهى السياسي الشاب داني شمعون بعد رحلة طويلة أمضاها في المعترك العسكري والسياسي اللبناني المزدحم بالكثير من التفاصيل الإنسانية، عاد داني إلى دير القمر البلدة الجبلية اللبنانية التي ولد فيها في آب أغسطس عام 1934 لعائلة قدر لها أن تلعب دوراً كبيراً في البلد الصغير، فأبوه الرئيس الأسبق للجمهورية اللبنانية كميل شمعون ووالدته زلفت هانم، برز داني خلال الحرب الأهلية التي أدت إلى انقسام في الشارع اللبناني وسمحت لقوى إقليمية وخصوصاً إسرائيل بالتدخل واستخدام التناقضات المتجذرة في الكيان اللبناني من أجل تنفيذ مصالحها، وسط هذه الأجواء استعادت الأحزاب اليمينية وتحديداً حزبا الكتائب والأحرار بريقهما في المناطق الشرقية، في حين فعلت الأحزاب اليسارية والإسلامية حركتها في المناطق الغربية بالتعاون مع المقاومة الفلسطينية في عملية استقطاب حاد أدت إلى تمزيق لبنان إلى مجموعة كنتونات طائفية منقسمة على نفسها ومتحاربة فيما بينها.

مشارك أول: بالثلاثة وسبعين مثلاً وصلت الأمور بالصراع الداخلي حيال القضايا الوطنية اللبنانية والقومية بالإضافة للقضايا الاجتماعية إلى حالات تصادمية، مش بس تصادم أحياناً ببعض الجامعات أو ببعض الأماكن وصلت لتصادم بين الدولة.. بين السلطة الرسمية وبين المقاومة الفلسطينية والقوى اللي عم تأخذ موقف متضامن يمنع تصفية هذه المقاومة.

[تعليق صوتي]

هذا الانقسام بين اللبنانيين سمح لإسرائيل بالتدخل مباشرة وتأجيج نار الصراع من خلال تحالفها مع الأحزاب اليمينية.

مشارك ثاني: نحن نُحمل إسرائيل المسؤولية الكبرى للحرب الأهلية في لبنان بطبيعة الحال، من حيث التدريب والتسليح والتمويل.

دوري شمعون- شقيق داني شمعون: الموضوع.. موضوع كان أو إنك بدك تقدر تدافع عن نفسك أو ما تقدر تدافع عن نفسك، وقت اللي لقينا إنه الجيش مثل ما قلت لك والقوات النظامية ما عم بتقوم بها الواجب هذا فرض علينا إن إحنا نجيب سلاح، جاء مين يقول تفضلوا هذا سلاح؟ هلا وين وقفت القصة بينا وبين الإسرائيليين وقت اللي الإسرائيليين قرروا أنهم يستعملونا إن إحنا حتى بس لأن منافعهم لمصلحتهم هما.. يعني إحنا شغلتنا صف أنه نحارب الفلسطينيين عنهم، هون توقفت القصة، هون ما عادت مشيت.

[تعليق صوتي]

"
أسس داني شمعون كتيبة النمور معتمدا على إرث والده وجعل منها الذراع العسكرية لحزب الوطنيين الأحرار
"
وصل الصراع اللبناني اللبناني عشية الحرب الأهلية حول القضايا الوطنية الداخلية إلى التصادم وإلى انتشار عمليات التسليح والتدريب بين المليشيات اليسارية واليمينية ومثل كثير من الشباب المنتمين إلى عائلات سياسية أسس داني شمعون كتيبة النمور معتمداً على إرث والده جاعلاً منها الذراع العسكرية لحزب الوطنيين الأحرار، قاد داني شمعون تنظيم النمور طوال حرب السنتين وخاض معاركها الكبرى وفق سياسية مختلفة عن نظراءه من قادة المليشيات

جورج الأعرج- رئيس أركام حزب الأحرار: وجوده كان هو النور تبع هؤلاء الشباب لأنه الآن ما حدا كان عارف شو عم بيصير، كانت القصة أكبر بكثير من مستوى الشباب المقاتلين كانوا موجودين ولا بال هو كان يبقى حدهم للشباب كضمان.

مشارك أول: كان له دور بارز بالنمور الأحرار.. بتشكيل النمور وبقيادة عملهم، خصوصاً أنه أبيه كميل شمعون بسن وبموقع كان رئيس جمهورية.. يعني مانه كان حاضر كي يقوم بدور مباشر بهذا العمل فكان داني هو اللي عم يلعب هذا الدور بشكل أساسي.

مشارك ثاني: سنة 1974 بدأ النمور الأحرار يقيمون حواجزهم في كل مناطق بيروت خاصة التي تؤدي من وإلى تل الزعتر، يعني على سبيل المثال الفنار، الجديدي جبل سمعان، كل هذه المناطق، في البداية كانوا يعتقلون الفلسطينيين والعمال الفلسطينيين المدنيين وهم.. يعني راجعين من أعمالهم ويوسعونهم ضرباً، ضرباً مبرحاً.

جورج الأعرج: هلا ما فيش شك أنه صار فيه قتلى من الجانبين وصار فيه ضحايا من الجانبين وصار فيه مأساة وصار فيه كثير بشاعات من الفريقين والبادئ دائماً أظلم مثل ما بيقولوا، البادئ أظلم لأن لسوء الحظ الفلسطيني أفتكر حاله أنه هذه أرضه ولسوء الحظ أنه الفلسطيني أفتكر أنه هو قادر يحكم هالأرض هايدي، مانه عارف أنه عم بيواجه شعب أبي وتعلم منه أنه ما راح يترك بلده مرة ثانية مثل ما هو ترك بلده بالماضي.

[تعليق صوتي]

كرس اعتماد الحل العسكري للأزمة بدلاً من الحوار الانقسام الطائفي في الساحة اللبنانية ومع رجحان هذا الخيار في جانب هذا الفريق أو ذاك فإن مسلسل الأحداث المأساوية اعترضته فصول من العنف الطائفي السافر كالقتل والخطف على الهوية والتهجير بين المناطق اللبنانية.

مشارك أول: النمور لعبوا دور في هذا المجال.. النمور الأحرار إلى جانب قوى الكتائب اللي كانت القوى الأساسية، هلا في هذه العملية يبدو أنه أحسست بقوى المشروع وخصوصاً الكتائب بالمتن بالدرجة الأولى، أنه كي ينجح مشروعهم اللي صار طابعه الطائفي طاغي أكثر فأكثر لازم يصفَّوا المناطق هون كي يصير فيه صفاء مسيحي بالدرجة الأولى ثم صفاء بالرأي له.

جورج الأعرج: بينت تحب السلطة لحزب الكتائب من بعد تل الزعتر فوراً ومن هونيك ومن رايح بعد ما خلص تل الزعتر صفت الأرض مقسومة بشكل جغرافيا ما انقسمت الأرض تواجد النمور الأحرار الوطنيين الأحرار كثر وكبر بشكل كبير وانتشر بكل الأقضية وبكل المناطق اللبنانية.

مشارك أول: تناقضات والتنافس بقي، مش بس في موضوع السلاح والحصول على سلاح بيحصل أكثر، بقي بمسألة الحصول على المال مثل ما قلنا والفرائض وبقي على موضوع السطو وبقي بموضوع السيطرة على القرى وعلى المواقع وعلى الحواجز، مين بيكون هون ومين بيكون هونيك.

[تعليق صوتي]

في مطلع عام 1978 أخذت العلاقات بين سوريا والجبهة اللبنانية تتجه نحو التوتر وغادر الرئيس سليمان فرنجيه الذي كان يرأس الجبهة آنذاك إلى بلدته زغرتة في شمال لبنان، انفصال الرئيس فرنجيه عن حزبي الكتائب والأحرار فاقم الخلافات بين الكتائب وتنظيم المردة الذي كان يرأسه نجله الرئيس النائب طوني فرنجيه.

بوب عزام- رئيس جهاز أمن حزب الأحرار: بشير جميل بفكرة القوات اللبنانية بلش الخلاف مش مع الأحرار بلشه بالأول مع الكتلة الوطنية سنة ال 1975 وال 1976 يعني دقوا بالعميد.. دقوا بجماعته بالأول صار فيه قتلى وجرحى بعدين كملوا مع التنظيم يعني اللي كان أسمه الرابطة المارونية، بعدين كملوا مع جمعية فرنجيه يعني المردة ولو وصلوا طبعاً معروفة مع قتل طوني فرنجيه.

[تعليق صوتي]

أقلقت الشعبية التي كان يحظها بها آل فرنجيه في الشارع المسيحي الشيخ بشير الجميل، فقرر وضع حد لما اعتبره تهديداً لمسيرته السياسية، فجرد حملة عسكرية في الثالث عشر من حزيران يونيو عام 1978 ضمت عشرات المقاتلين وعلى رأسها ابن الشمال سمير جعجع لشن هجوم على زغارتة أسفر عن مقتل توني فرنجية وزوجته وابنته.

جورج الأعرج: ما في داعي للشداد بها الموضوع هايدا لأن حزب الكتائب حكى عن الموضوع هايدا بشكل أو بآخر بأثنائه ومن بعدها وحتى سمير جعجع مؤخراً، مؤخراً سمير جعجع بأحد مقابلاته التلفزيونية بالوقت.. بعد الحرب بين الجيش والقوات قال بشكل علني وعلى التلفزيون وهذه مسجلة على أشرطة التلفزيون وموجودة على فيديوهات أنا قتلت توني فرنجية.

[تعليق صوتي]

أدى اغتيال توني فرنجية إلى قطع أي اتصال بين سوريا والجبهة اللبنانية، انفجر بعدها الوضع العسكري بين الجانبين وأسفر عن خروج الجيش السوري من المناطق الشرقية بداية عام 1979، توج الانسحاب السوري الشيخ بشير زعيماً على الساحة المسيحية ومع إنكفاء آل فرنجية إلى الشمال لم يعد في مواجهة بشير سوى زعامة داني شمعون الذي لم ينجح قائد القوات في ترويضه.

جورج الأعرج: بدأت المنافسة وبدأت المناحرة وبدأت الأجواء تتوتر بس كان في حكمة الرئيس شمعون اللي كانت دائما موجودة.

فؤاد مالك- رئيس أركام القوات اللبنانية سابقاً: العلاقة بين داني وبشير كانت سخن وبارد، يعني كان بعض الأحيان يكونوا سمن وسكر وبعض الأحيان يكونوا مختلفين، كمان برضه يختلفوا على نظرة إلى الأمام من سيكون الزعيم في المستقبل.

[تعليق صوتي]

ضجت المناطق المسيحية باشتباكات حزبي الوطنيين الأحرار والكتائب التي أصبحت أكثر دموية وبينما كان كل حزب يحاول الإمساك بالأرض والتحصن بها في مواجهة الآخر بدأ مشروع الشيخ بشير يأخذ اتجاهاً آخر، إذ عبر في كل مناسبة عن رغبته في أن يصبح رئيساً لجمهورية لبنان وعن اعتقاده بأن وصوله إلى هذا الهدف يمر عبر الإمساك بالقرار داخل المنطقة الشرقية لكسب الشارع المسيحي والظهور بمظهر الزعيم القادر على صوغ تحالفات لم تكن إسرائيل بعيدة عنها.

دوري شمعون: هلا يمكن نصيحة إسرائيلية لبشير ضع حد لكل شئ واستلم أنت كل شئ حتى نعاملك رئيس جمهورية.. معقولة.

مشارك أول: الدور الإسرائيلي إذا بدنا نحكي عنه باختصار، بنقول كان له مصلحة.. إنه يعني بتزخيم المشروع الطائفي من ميل يترد عليه من ميل ثاني وهون وحدة البندقية شعار بشير والأمر له كانت تهدف تزخيم هذا المشروع والقول للناس إنه نحن بدنا نتجنب المشاكل اللي بيننا حتى ننقض أكثر بفاعلية أكبر على الخصم الداخلي.

[تعليق صوتي]

اتخذ بشير قراراً بما سماه توحيد البندقية المسيحية وشنت قواته هجوماً على مراكز الأحرار كافةً.

جورج الأعرج: معركة الصفراءء هي ترجمة لمقال بجريدة الأنوار، حكي داني شمعون بخمسة حزيران 1980 وهذا المقال عنوانه الكبير بالجريدة المناشيت تبع الجريدة بيقول إسرائيل ستمتص دماء المسيحيين في لبنان، يجب فتح حوار مع الفلسطينيين وضبط بندقيتهم، هذه هي معركة الصفراءء.

عبده سمعان- مرافق داني شمعون: كنت أنا والرئيس بالصفراء بالبيت وظهرنا بحوالي 7:30 يمكن أو ما بتذكر الوقت بالضبط وطلعنا على فقرا، شوفنا تحركات عسكرية مش طبيعية على الطريق بس ما فكرنا إن ممكن تكون علشان يعملوا هجوم على الصفراء.

جورج الأعرج: نزلوا من الكميونات وفتحوا النار عشوائيا على كل الموجودين بمبنى.. اللي كان فيه نسوان وأولاد عم بيسبحوا وفاق عدد القتلى الـ 100

[مقابلة مع داني شمعون سنة 1990]

أيوه بتذكر مرحلة سبعة تموز، مرحلة مؤلمة جدا وبالنسبة إلي أنا جريمة بحق المواطن اللي حصلت سبعة تموز وكان.. كنا مانا بحاجة إليها أبداً، وجريمة لأنه الواقع بيصير مهم بستة تموز اللي حصل واللي ما انعطى الإعلام بعد سبعة تموز، بستة تموز حصل لقاء ما بين الرئيس شمعون والشيخ بشير..

دوري شمعون: حس إنه فيه خيانة كبرى صارت تجاه، خصوصاً إنه قبلها بالنهار صار في اجتماع ما بين.. كنا حاسين بالجو مانه مضبوط أبداً وصار في اجتماع ما بين الرئيس شمعون ما بين بشير جميل بالنسبة للموضوع على أساس إنه انتهت كل شيء وثاني يوم تكون الأمور على ما يرام وبعدين صار الهجوم على الصفراء.

عساف الهاشم– محامي عائلة شمعون في قضية الاغتيال: كان بشير جميل اغتاله أكيد كان اغتاله، شو بشير جميل يعني بالنسبة له داني شمعون أغلى من السيد فرنجية.. من طوني فرنجية.

مشارك ثان: بشير جميل كان فيه عنده مشروع.. طموح أنه يصير هو.. يعني كونه ماسك القوة.. قوة القوات اللبنانية بالتالي إنه ممكن إنه يوصله هذا لرئاسة الجمهورية والإمساك بيد من حديد للقوات اللبنانية لهذه المليشيات المسيحية بطبيعة الحال يجب أن لا يكون فيه هناك شذوذ أو شواذ بالنسبة للشارع.. للمليشيات المسيحية وبالتالي هو عمل مجزرة الصفراء وعمل برضه مجزرة بسابا وبدادول بها.. بساحل المتن الجنوبي وطبعاً حتى المصريين اللي شغلهم داني شمعون بالاكو مارينا ما سلموا من هذه المذبحة.

فؤاد مالك: مش معناتها بنعتبرها غدر، بنعتبرها عملية عسكرية لتوحيد البندقية لمصلحة الاثنين.



مجزرة الصفراء.. داني وبشير وجها لوجه

[تعليق صوتي]

وضعت مجزرة الصفراء داني وبشير وجهاً لوجه وبدت مثل رصاصة قطعت آخر الخيوط على بين علاقة متوترة بين شابين طموحين في جو يسيطر عليه العنف اللا محدود، لقد خلقت مجزرة الصفراء شعوراً بالمرارة وبالهزيمة لدى داني شمعون ولكن ما آلمه أكثر كانت دعوة والده إلى حل مليشيا النمور ونسيان ما حصل حرصاً على المسيحيين.

جورج الأعرج: كان داني كثير مغتاظ وكان كثير معبي وكان كثير.. تحديداً هنا محل ما قاعدين عم نحكي على هذه الطاولة هايدي عصب الرئيس شمعون، داني كان عم يعيط بيصرخ كان البيت مليان وكانوا مجموعين كثير.. مجموعة كثيرة كبيرة من كل الأحرار.. وين ما كانوا فيه أحرار بلبنان كانوا موجودين بهذا البيت وبره البيت وبهذه المنطقة كان التجمع هنا، كان الرئيس شمعون موجود مع كثير أركان موجودين بعضهم أحياء موجودين هنا وداني عم بيعاتب أبيه كيف بيعمل هيك بيأخذ القرار وهالأشياء هذه وين الكرامات والمعنويات، بيصرخ الرئيس شمعون بيقوله اسكت بأخسرك وبأخسره بس ما بأخسر خمسة آلاف مسيحي أنا وطيه وشحطنا من البيت أنا وداني وفلينا، بنهاره فلينا من البيت، فلينا من هنا وروحنا من هنا وروحنا سافرنا.

[تعليق صوتي]

بعد مجزرة الصفراء غادر داني لبنان إلى الخارج، فيما استمر والده على تحالفه مع آل جميل وبعد اغتيال بشير جميل وانتخاب شقيقه الشيخ أمين رئيساً للجمهورية عاد داني إلى لبنان لاستعادة ما خسره.

"
مجزرة الصفراء كانت فاصلا في العلاقة بين حزب الأحرار وداني على رأسه وكميل شمعون وبين قيادة الكتائب
"
مشارك

مشارك أول: يعني هو بالحقيقة مجزرة الصفراء كانت مفصل كبير بالعلاقة بين حزب الأحرار وداني على رأسه وكميل شمعون حتى وبين قيادة الكتائب وخصوصاً بشير وأدت إلى نوع من انكفاء لحزب الأحرار ومثل ما قلت سفر للخارج لداني، إلا أنه استشهاد أو مقتل بشير.. اغتيال بشير الحقيقة رجع فتح شيء من الأمل عند قيادة الأحرار.. عند كميل شمعون وعند ابنه داني وعند لاحقا دوري.

بوب عزام: من بعدها رجع داني شمعون وصار فيه نشاط لحزب الأحرار بس طبعاً ما كان عنده مقاتلين كان فيه بس القوات اللبنانية.

مارون الحلو – قيادي سابق في حزب الأحرار: يعني رجع حتى يلعب دور سياسي، هلا ما رجع لأن طلبت منه.. كان في برنامج خارجي طلب منه يرجع، بأعتقد هذا من نسج الخيال أكثر مما هو واقع.

[تعليق صوتي]

في الثاني عشر من آذار مارس عام 1985 تمردت القوات اللبنانية على سلطة أمين الجميل وأحكمت سيطرتها على المناطق الشرقية، زامن هذا التمرد تنازل من الرئيس شمعون في الـ 24 من آب أغسطس من العام نفسه عن رئاسة حزب الوطنيين الأحرار لداني شمعون.

دوري شمعون: سلمناه عملت كل شيء حتى يستلم داني الحزب بوجود كميل شمعون، حتى كميل شمعون يرعى أول مرحلة من استلام داني للحزب.

مارون الحلو: طبعاً وجود الحبيب على رئاسة القوات الأجنبية ما كان محبذ يمكن أن داني شمعون يستلم رئاسة حزب الأحرار.

[تعليق صوتي]

مهد تسلم داني لرئاسة الحزب السبيل أمامه إلى الدخول مجدداً إلى وسط الساحة السياسية المسيحية من خلال تعيينه عضواً في الجبهة اللبنانية، لكن الرياح لم تجري كما تشتهي سفن داني شمعون، فجميع أعضاء الجبهة اللبنانية كانوا على علاقة طيبة بسمير جعجع الذي كانت علاقته بداني يشوبها الحذر

[فاصل إعلاني]

[تعليق صوتي]

اختلف سمير جعجع عن من سبقه في قيادة القوات في أنه جعل منها مجموعة أجهزة يقودها أشخاص نشأ معهم وربطتهم به علاقات وثيقة أقلها صلة النسب والقرابة والجوار، كرست هذه السياسة جعجع قائداً يمنع على أيٍ كان أن يخرج عن نطاق سلطته، وحدة داني شمعون خرج عن هذا السياق وأعلن ترشيحه للرئاسة الجمهورية في السابع من أزار مارس عام 1988.

[خطاب داني شمعون 1988]

يوم داني شمعون مع المواطن للوصول إلى رؤية كاملة ممكن تنفذ في المستقبل بعد إشراك رأي المواطن انطلاقاً من الحزب والحكومة وليس كحكومة وحاكم يفرض رؤيته على الشعب.

جبران تويني- عضو سابق في الجبهة اللبنانية: واقترحت أنا يكون داني شمعون مرشح الجبهة اللبنانية لرئاسة الجمهورية، هلا أكيد علنا ما حدا فتح فمه بس حسيت بعيون سمير بالاجتماع إنه مضايق.

فؤاد مالك: دكتور جعجع ما كان معارض ترشيح داني لو استمر ترشيحه، حتى لو يمكن ضمناً مش مواقف إنما ما بيعارض، يعني كان بيهمه يوصل للناس من حجم داني بشكل داني.

مارون الحلو: سمير جعجع لا أتعاطى معه بكل إيجابية وطرح برنامجه وقاله إذا أنت قادر تحقق انتصار بالرئاسة نحن إلى جانبك.

[تعليق صوتي]

بعد فشل إجراء الانتخابات الرئاسية عام 1988 دخل لبنان مأزقاً دستورياً، خرج الشيخ أمين الجميل من قصر بعبدة وكلف العماد ميشيل عون برئاسة حكومة عسكرية، لم ينل هذا التصرف رضا جعجع فأمر قواته بعد أيام باجتياح منطقة المتن ودفع الرئيس الجميل إلى مغادرة لبنان، بعد هذه العملية أمسك قائد القوات بالمناطق الشرقية في حين وجد داني شمعون في الأحداث التي تلت الثاني والعشرين من أيلول سبتمبر فرصته للثأر من القوات وزعيمها فأنحاز إلى جانب الجنرال ميشيل عون، اقلق هذا التحالف سمير جعجع وبدأت المفاوضات لإقناع داني بالعودة عن التحالف مع عون، غير أن رئيس حزب الوطنيين الأحرار رفض ذلك واستمر الأمر على هذه الحال من التوتر بين جعجع وشمعون حتى انفجر الصراع بين عون والقوات في الواحد والثلاثين من كانون الثاني يناير عام 1990.

مشارك أول: حرب الإلغاء.. يعني كانت بسببين أساسيين، سبب سياسي وسبب عسكري، ما في سبب عسكري صرف وحده فقط، السبب السياسي هو بروز تميز كبير بالقيادات إذا بدنا نسميها المسيحية من ضمنها جعجع بالموقف حيال الطائف ومن ضمنها بكركي ومن ضمنها أوساط واسعة، اللي كانوا يسموا بالمسيحيين المعتدلين هؤلاء اللي كان بدهم وقف الحرب واللي كانوا عم يتعاطوا مع الطائف بإيجابية.

فؤاد مالك: قلنا إنه بس بلش الحرب بينا وبين عون، داني أخذ طرف ميشيل عون وظهر على التليفزيون إنه عم بيجتمع مع ميشيل عون وبيأخذوا قرارات وتوجيهات معينة من أحدهم للآخر.

عبده سمعان: كان على طول.. يعني نجرب نعمل اتصالات للتهدئة مع سمير جعجع، بس كان على طول يصلنا أخبار ما بتطمن كثير إنه خلاص ما بقى في لزوم يشتغل سياسة فيه يروح يعمل رياضة، فيه يشتغل، فيه يلعب تنس، فيه هذا بس مانه بقى يشتغل سياسي.

دوري شمعون: وقت اللي صارت في مشاكل فيما بعد ما بين سمير جعجع وما بين عون، داني كان طبيعياً وتلقائياً مع الشرعية، مش مع ميشيل عون كشخص، مع الشرعية مع البندقية الشرعية وهون كان خلاف كبير بينه وبين جعجع.

مشارك أول: الأمر لي للجنرال عون، يعني بده يلغي القوى الميليشياوية الثانية وسلاحها، فيصير كله تحت عنوان أمرة الجيش بأمرة الجنرال عون، ساعتها بيكون عنده وزنة.. منطقة معينة كبيرة ممسوكة بأيده وحده ما حدا بيعود يعني يتقدم عليه أو يزايد عليه أو ينافسه بالتفاوض إن كان حيال الطائف أو أي شكل من أشكال المشاركة بالسلطة.

دوري شمعون: مشروع جعجع مثل مشروع بشير، يعمل دولة على ذوقه هو ويكون هو اللي مستلم الدولة هيك.

[تعليق صوتي]

عززت هذه الأحداث افتراق داني عن جعجع، كما عززت في المقابل تحالف داني مع عون وصعد رئيس حزب الوطنيين الأحرار من مواقفه السياسية ضد قائد القوات وتمثل هذا التصعيد في انسحاب داني من الجبهة اللبنانية وتحريض بعض أحزاب الجبهة مثل حراس الأرز والتنظيم على الخروج منها ولم يكتفي داني بهذه الخطوات فعمد إلى إنشاء جبهة جديدة موسعة برئاسته ضمت فاعليات سياسية واجتماعية ساهمت في سحب بعض الغطاء المسيحي عن القوات وعززت من قوة داني في المناطق الشرقية.

جبران تويني: ابتدت الجبهة اللبنانية برئاسة داني شمعون بعد ما صار في المشكل بين سمير جعجع وميشيل عون بكانون الثاني وبعد ما انقسمت المنطقة الشرقية إلى منطقتين، منطقة تحت سيطرة سمير جعجع والقوات اللبنانية ومنطقة تحت سيطرة الشرعية برئاسة ميشيل عون.

مشارك أول: كان من جهة عم يعني يشجع عون أو عم يقف إلى جانب عون وهنا كان عم يصطدم أو عم يتناقض مع جعجع اللي كان موافق صاير على الطائف، لكن من جهة ثانية كان منفتح وبأمل يستفيد من الانفتاح ليشكل بنفسه زعامة مسيحية جديدة تورة أبيه وتصغر الباقيين بالوسط المسيحي.

[تعليق صوتي]

واصل داني شمعون هجومه على جعجع وقواته العسكرية واتهمه بتنفيذ بمجزرة نهر الموت التي ذهب ضحيتها عشرات المدنيين.

مارون الحلو: صار إطلاق نار بنهر الموت على المتظاهرين وأتوبوس كمان صار فيه إطلاق نار ولكن كل هذه الأمور وكل الحوادث هذه أنا بحطها في بسياق الحرب الجارية.. يعني مانها حادثة بحد ذاتها.

جبران تويني: ونحنا بالمظاهرات فوق بالمناطق عرفنا أنه انفتح النار على مظاهرة نهر الموت، أنه عناصر من قوات الثمانين كانت موجودة بمعمل الوسيط.

فؤاد مالك: هذا عسكري بتقوله إذا حدا بيقطع مركزك، بيقطع موقعك، بقطع لك رقبتك، مسؤول عن حياته وعن حياة اللي ورا منه، بتجيبله ناس بالليل مش معروف مين فيهم، فيهم مدني وفيهم عسكري وكان فيهم عسكريين كي يخرقوا خط الجبهة ويقوصوه بظهره ومع هذا كله أكيد إن نحنا فتحنا النار أكيد.

جبران تويني: ونزلنا على المستشفيات كان شيء.. يعني شو أقول لك شيء.. يعني ما بيتصوره العقل، بالمستشفيات اللي نزلناها حالة الناس وحالة العالم.



سمير جعجع واغتيال داني شمعون

[تعليق صوتي]

ألهبت مواقف داني شمعون رأس سمير جعجع، فجيَّشت القوات اللبنانية أجهزتها ضد رئيس حزب الوطنيين الأحرار، بدأً من وسائل الإعلام، مروراً بتشجيع بعض قادة الأحرار على الانفصال عن الحزب وتشكيل حزب جديد، انتهاءً بتدبير أكثر من محاولة اغتيال جرى اكتشافها قبل حدوثها وجميعها كان من تدبير القوات.

جورج الأعرج: بها الفترة هايدي تعرض داني لمحاولات اغتيال، أنا كنت موجود بواحدة، كان فيه حقل للرماية نروح كل نهار أحد أو نهار سبت نعمل رماية على الأطباق.. على الصحون نأخذ ولادنا أولاده وأولادي ونروح، نقوص كان فيه مجموعة كثير من الناس، من ضباط الجيش اللبناني يلاقونا وأصحاب نروح للرماية.. يعني الصبحية ومنقوشة وفنجان شاي وأقواس ويرجع كل واحد يروح على بيته، بأحد الأحادات اللي كنا رحنا إلى هونيك، نحنا هونيك بها الحقل الرماية هذا بنمشي كي نقوص بنرجع بنيجي بنرتاح بساحة فيها بير، ما بنلاقي إلا داني بعلمي قاعدين نحنا وعم بنقوص بعد ما قعدنا نرتاح يعني على.. لاقينا داني بيأخذ الفرد وبوم بوم عم بيقوص، قوص على الحرج، قلنا له شو هيك ما الصحون هون قال ما شفتوا هذ الأخ الهيك والهيك، قلنا له لا إحنا ما شفنا هلا ما شفنا، ما شفنا بساعة القوص بس أكيد شفنا هو عم بيركض على رصاص.. يعني شوفنا شخص عم بيركض على رصاص بس ما شوفنا هو عم بينوضر لأن هو معه ناضور ركضوا الشباب وكان فيه ضباط من الجيش ومن المغاوير، ركضوا بالحرج.. يعني عملوا تمشيط على الحرج، يا لطيف بيظهر تلقطوا بحدا وأتاخذ على التحقيق هون ما عدنا سألنا نحن، كملنا وارتحنا وإذ بيجوا يخبرونا محل ما أنتو قاعدين يا شباب خدوا الأولاد فلو الأولاد، شيلوا الأولاد من هون، فلوا من هون، وإذ محالنا بنقعد نرتاح، بها الجزء من البير 200 كيلوا متفجرات موجودين بهذا المحل هايدا، محل ما كل المجموعة.. يعني بدك تعتبر المجموعة تقريباً كلنا نكون خمسة وعشرين لخمسة وثلاثين شخص مع أولادنا يعني، كنا كلنا قاعدين هونيك محل ما بنرتاح وفعلا يمكن ما ارتحنا.

جبران تويني: كنا ننزل كلنا نزور تحت جماعة داني وأصحابه وكان فيه واحد عنده طير صغير، كنا نقوص الطيور، انبعث لتحت تليفزيون مفخخ على أساس التليفزيون مفخخ أو شيء، مر لهون حدا وقال إن التليفزيون مفخخ، صار فيه عدة محاولات اغتيال نعم.

[تعليق صوتي]

فشلت حرب الإلغاء في تقليص نفوذ جعجع، كما أخفقت في منع تسويق اتفاق الطائف الذي دعمه جعجع وعمل على تثبيته من خلال خوض صراع عسكري مع عون استمر بضعة أشهر، صمود القوات في وجه العماد عون واستمرار الانقسام في المناطق الشرقية فرضا على الرئيس الياس الهراوي الذي انتخب رئيساً للجمهورية بعد اغتيال الرئيس المنتخب رينيه معوض اتخاذ قرار بوضع حد للاقتتال، فاجتاحت قوات عسكرية مشتركة تابعة للجيشين السوري واللبناني المناطق التابعة لنفوذ عون وتمكنت في الثالث عشر من تشرين الأول أكتوبر من العام 1990 من إحكام سيطرتها عليها بعد فرار عون إلى السفارة الفرنسية في حين كان حليفه داني شمعون يعيش حالة من الخوف وينتابه شعور بالخطر من كل الداخلين إلى المناطق الشرقية

بوب عزام: طيل النهار.. بالنهار طلعت نهار الاثنين، قضيت النهار فوق.. يعني وكان فيه ناس كثير أجا ناس كثير أجا الشيخ الخازن، أجا لعنده وهلا ما طبعا ما بعرف شو حكي وياه لأنه راح على البيت بس عرفت من داني أنه شدد عليه.. عرض عليه أنه يطلع على عنده على الكسروان

عبده سمعان: الشيخ رشاد كان عنده علاقة مع.. يعني كان يحكي مع سمير جعجع، قاله إذا فيك تسألني يا سمير إذا كان يطلع على البيت بنقعد بفقرا، فبتكون.. كان جايب الجواب يمكن أنا ما كنت حاضر ها السؤال بس بعدين قاله أنه الأولاد أهلا وسهلا بس أنت ما فينا نستقبلك هون.

بوب عزام: الأربع بعد الظهر ما رأيت سيارة عم بتفوت لعندنا.. يعني من شو أسبوع وفتح بابها وعم بينزل واحد منها، دغري أنا فردي حطوه.. سحبت فردي وصوبته عليهم، على هذا اللي عم بينزل، قام قلع الشيفور وبعده الباب مفتوح، راحوا وصاروا مرأوا شي أربع مرأات يعني هيك وهيك على الميلتين وعندها اختفت السيارة، ساعتها داني كان يطلع وينزل حسب مين يجيه، ينزل يتمشى وهيك، قعدت شرعت معه كانت الساعة صارت شي تسعة بالليل، شرعت معه شي ساعة إنه الليله ما فيه نوم هون.

عبده سمعان: أخذ قرار وطلع على بيت القنصل الفرنساوي، بذات الوقت كان فيه شخص عم بيجرب يعمل اتصال لأنه الاتصال كان مع اليه حبيقة ليعمل اجتماع مع اليه حبيقة والشخص ما قدر، جاب الجواب بسرعة.. يعني فما كان بيعرف وين بده يتصل.

بوب عزام: بيوصل إليه حبيقة وأسعد الشفتري ومعهم شخصين كبار شويه بالعمر، دام الاجتماع تقريباً ثلاثة ساعات.. يعني للواحدة إلا ربع يعني ساعتين ونصف وصلوا متأخرين شوي، هلا وهما فالين عرض إليه حبيقة على داني قال له بدك أبعت لك شابين من عندي يقفوا هون على البيت بره، ما بيضايقوك على الرافعة حرس معهم بطاقات ما حدا بيسترجي يحكي معهم وكذا، قال لأ، نهار السبت طلعت مثل العادة كمان لأول مرة إنجلي تعصبت بشكل ما بيتصوره العقل، يعني كان ليلة قبل ما.. آخر ليلة قبل مماته، شوية تخانقت معه وما بقى فيا وعصبت وكذا، قالها روقي وما روقي وهيك، قلتله دخلك طب ليش ما بتسافر أنت شوية بتفل إنه بتريح الكل وباترتاح؟ قالي أنت كمان لاحقني، قلت له لا مش قاصد ألاحقك، أول مرة عم بحكيك، تعرفني أنا إنه ما بضايقك، قال لي يا خي أنا تعبان.. تعبت، قالي أنا تعبان، نفسياً تعبان.. يعني ضائع، بدي آخذ قرار بس صدقني.. قالي أنا تعبان.. تعبت، بدي أسافر، بدي أرتاح ما بقى فيا.

ريموندا ناصيف- سكرتيرة داني شمعون: وأجا لعنده القنصل الفرنسي جو مارك سيمو أعطاه الباسبورات بتاريخ 19 شهر إنه صار فيه بيقدر يسافر، قاله (Ok) أنا بدي أسافر بس مش هلا، لأنه نهار الثلاثاء كان عنده موعد بوزارة الدفاع مع العماد إيميل لحود اللي هو اليوم رئيس الجمهورية، بس ما صار لأنه اغتيل بـ 21 تشرين.

جبران تويني: صحيح كان عنده داني موعد مع إيميل لحود، كان في علاقة كثير حميمة مع إيميل لحود وداني، إيميل لحود.. داني شمعون كان يقول طيب.

[تعليق صوتي]

أثارت الحركة السياسية التي قام بها شمعون جعجع، فسيطر عليه الخوف والهواجس من إقامة حلف جديد بين الداني والسلطة، خصوصاً بعد عملية الثالث عشر من تشرين الأول أكتوبر التي فتحت السبيل أمام إليه حبيقة العدو اللدود لجعجع للدخول إلى المناطق الشرقية وعودة الحزب السوري القومي الاجتماعي إلى مناطق نفوذه التاريخية في المناطق المسيحية، وسط هذه التطورات التي لم يكن جعجع قد حسب حسابها جيداً، قرر قائد القوات عدم القبول بها بعد أن خلت الساحة المسيحية وتحديداً الساحة المارونية من أي منافس، فالرئيس الجميل خارج البلاد وريمون إدي وميشيل عون أيضاً، فقرر وحسب ما أثبته القضاء اللبناني الخلاص من شمعون باعتباره الحلقة الأضعف في سلسلة أعدائه الجدد، أعطى أوامره لمسؤول الأمن في القوات غسان تومة بالتحضير للخلاص من داني شمعون، انشغل تومة بتشكيل المجموعة التي ستقوم بالمهمة، اختار أفرادها بعناية من المخلصين والمقربين إلى جعجع وطلب من نائبه توني عبيد الإشراف على تدريبهم وتشكيل مجموعة لمراقبة ما يحدث في سنتر الشاهين في بعبدة حيث يسكن داني شمعون، استغل تومة صدور مذكرة من قيادة الجيش تطلب من أفراد الحراسة الالتحاق بوزارة الدفاع، الأمر الذي دفع مسؤول أمن القوات إلى الإسراع في تنفيذ المهمة بعد أن بات داني شمعون من دون حماية وحدد يوم الأحد في العشرين من تشرين الأول أكتوبر موعداً لتنفيذ عملية الاغتيال، تنكر أفراد المجموعة بلباس الجيش اللبناني الذي سبق وصادروه خلال حربهم على ميشيل عون.

جانيت دكاش- مديرة منزل داني شمعون: دق الباب على بكره الساعة سابعة، مين؟ قالي أنا أبو جورج، أبو جورج دائماً ما عم بيجيب المناقيش للولاد بتاع بكرة، جيت فتحت، فيه اثنين شباب واحد طويل وواحد قصير، واحد وقف هونك على ذلك الباب وواحد وقف هون، واحد فات لجوة وواحد وقف هون، بانده للرئيس داني قلت له تفضل، إجى الرئيس داني سمعت لبيد جوا، رجعت بدي أشوف شو هايدا اللبيد، لقيت الرئيس داني بالأرض هوناك بالصالون ومدامته هون بالأرض، جريت لهون على البلكونة عم أصرخ لحدا ليجي.. يجي العسكري اللي على الباب إجا وحطني هون بالحمام فوتنا لهون على الحمام وسكر الباب.. غلق الباب وراه العسكري، رحت لهوناك ما في حدا.. ولا عسكري ولا حدا أبدا جوا.. ما في حدا مطبوش الباب وحالي بالأرض، عم بأتطلع الأولاد وين هم؟ بلاقي طارق هون بالأرض والدم عم ينزل من رأسه، بدي أشوف جوليان ركضت على الأودة عم أعيط يا جوليان بأعرفه بيخاف.. يا جوليان وينك؟ بلاقيه هون تحت التخت بسحبه من تحت التخت وبحمله وبمشي.

[تعليق صوتي]

أثار اغتيال داني شمعون وبعض أفراد عائلته كثيراً من الجدل بشأن الجهة التي نفذت عملية الاغتيال، فكثيرون من عائلة داني ومحازبيه شككوا في الحكم الذي أصدره القضاء اللبناني، كما أكد آخرون صوابية هذا الحكم.

مشارك ثالث: قتله عناصر الأمن.. مين قتله؟ القوات اللبنانية، مين قتله؟ طوني عبيد وجون سامية.. موضوع قرار الاتهام، مين قتله؟ شو هذا اللي قتلوه؟ أكيد مش اللي قتله الرئيس خير الله.

عبده سمعان: هلا نحن واقفين على البلكون، أجا لعنده صحفي أجنبي حكي وياه عمل معه حديث لساعة ونصف وكان نهار خميس حوالي الظهر، من بعد ما خلصنا واقف أنا وياه على البلكون كمان قالي خائف ما يجوا ليا بثياب جيش.. يأتي إلينا بثياب جيش، قلتله أكيد من هذا الشيء ولا خبرية، قالي خبرونا إياه أنه فيه فكرة من هالنوع، هيك عم يزود عن القوات اللبنانية.

فؤاد مالك: القضاء ما حاول يلبس وجه، لا في ملفات انفتحت بظروف معينة والقوات مفروض كانوا يفوتوا على الحبس، خطأ تاريخي ارتكبه العهد السابق.

مشارك أول: طبعاً في حلقة بعد مفقودة، هي غسان توما اللي كان بين سمير جعجع قائد القوات وبين الشبكات التنفيذية، هذه بعدها مفقودة حتى الآن.

جبران تويني: شوف بس مين قوص داني شمعون؟ عملية مثل هذه العملية هيك ما بتركب هيك بهذه السهولة، شو واحد مارر على الطريق عمله كمين أو عربية نطرته ورشته، أكيد العملية هايدي كان فيها أكثر من شريك.

جورج الأعرج: أنا كنت موجود عند داني لمدة ثلاثة أربعة أيام، بأحد الجلسات أنا وداني على البلكون والعسكري السوري عم يتمشى على الطريق وعم بيقوصوا بالعالي وماشيين، واقفين على البلكون بالبناية عم نطلع، ما عم بنحكي بشيء بس عم بنتفرج على هذا العسكري الماشي على الطريق، بيطلع في بيقولي منين تعتقد بيجي علي هذه المرة، قلت له مين؟ قالي سمير جعجع منين تعتقد بيجي علي هذه المرة؟ قلتله شو فيأك على هاي الشغلة؟ وين إحنا وين هو، شو فيك على هذه الشغلة؟ قالي فيه كثير أشياء.

دوري شمعون: أنا قلت لك لأنه بأعتبر حالي شوي رجل قانون، قلت أنا لأنه ما عندي الأدلة الكافية اللي هي بتخليني بالفعل أدل بالأصبع أن فلان ارتكب.. سمير جعجع ولا غيره أنا ما راح أجي حط القصة بسمير جعجع وأبرئ يمكن آخرين اللي هما كانوا ضالعين مئات سمير جعجع وأكثر منه بالموضوع.

[تعليق صوتي]

هذه هي مسيرة داني شمعون وقناعته منذ بدايات عمله السياسي، قناعة قاتل من أجلها ودفع ثمنها مرتين، الأولى عندما اصطدم بالشيخ بشير الجميل فخسر خيرة شباب حزبه وغاب سنوات عن الساحة السياسية ومرة ثانية عندما أنحاز إلى جانب الجنرال عون خلال حربه ضد القوات اللبنانية فدفع داني هذه المرة ثمنا غالياً.