صورة عامة - تحت المجهر - نعوش في لجة البحر - 19/11/2011
تحت المجهر

الاقتلاع من الغور

قبل ملايين السنين حدث تصدع أرضي كبير امتد من سوريا إلى الصومال، ليتشكل واد عميق، وأخفض نقطة فيه تقع هنا على الجانب الغربي من نهر الأردن: غور الأردن الفلسطيني. ورث الفلسطينيون هذه الأرض عن أجدادهم وعاشوا فيها آلاف السنين.
‪عبد الرحيم بشارات‬  عبد الرحيم بشارات
‪عبد الرحيم بشارات‬  عبد الرحيم بشارات
‪أبو سليمان‬  أبو سليمان
‪أبو سليمان‬  أبو سليمان
‪فتحي خضيرات‬  فتحي خضيرات 
‪فتحي خضيرات‬  فتحي خضيرات 
‪أم حسين‬  أم حسين
‪أم حسين‬  أم حسين
 
تعليق صوتي: قبل ملايين السنين حدث تصدع أرضي كبير امتد من سوريا إلى الصومال ليتشكل واد عميق وأخفض نقطة فيه تقع هنا على الجانب الغربي من نهر الأردن غور الأردن الفلسطيني، في هذه المنطقة قبل 12 ألف سنة نشأت أول مدينة في العالم أريحا، تقع أريحا في النصف الفلسطيني من الغور، ورث الفلسطينيون هذه الأرض عن أجدادهم وعاشوا فيها آلاف السنين ومرت بهم حروب وغزوات استوعبوا بعضها وصدوا بعضها الآخر ولكن احتلال إسرائيل للغور الفلسطيني عام 1967 جاء مع خطة فريدة فهو يريد طرد الفلسطينيين من المنطقة واستبدالهم باليهود ضمن عملية ممنهجة وهي سابقة تاريخية نفذتها وتنفذها إسرائيل في عدة مناطق فلسطينية هذه هي قصة أهالي الغور الفلسطيني.

عبد الرحيم بشارات
(أبو صقر)/ مواطن في الأغوار الفلسطينية: الطريق هاي اختلقناها جديد لما تسكرن الشوارع الرئيسية المؤديات للتجمع الحديدي من 1970 ومن 1969 بدأت بتجاربها علينا، كانت توخذ الرعيان تبعين الغنم لأنه جميع المنطقة كأنهم مربيين ثروة حيوانية وزراعة بعلية بتعتمد على نسبة الأمطار فكانوا يوخذوا الراعي من غنمه ويسجنوه ويعملوا له محكمة عسكرية فلما أنهم ما نجحوش بتجربتهم هاي صاروا يطخوا الغنم يلحقوها في طيارات هليوكوبتر وبالسيارات العسكرية ويطخوا الغنم وصارت الغنم زي الفرشات الفرارات برضه ما نجحوش في هاي التجربة اعتمدوا لسياسة هدم البيوت، فبدأت سياستهم في هدم البيوت من سنة 1997 وينتقوا أجواء مضرة في الساكن فينتقوها إما في طقس حار درجة الحرارة تزيد عن الأربعين درجة مئوية أو في الشتوية في طقس بارد درجة الحرارة بتنزل عن الصفر فييجوا يهدموا الخيم ويخربوا محتويات البيت ويصادروا كل ما يلقوه في وجوههم التراكتور زراعي من الترولة من صهريج مي يكبوا المي ما يخلوش للأطفال نقطة مي.

تعزيز المقاومة من أجل البقاء في الأغوار

تعليق صوتي: عبد الرحيم بشارات أبو صقر عمره 60 عاما وهو أب لثلاثة وعشرين شابا وشابة. يدافع أبو صقر عن حقوق المزارعين والرعاة في شمال الغور ويقود دفة صمودهم. إن مجرد بقاء الأهالي هنا هو فعل مقاومة.

عبد الرحيم بشارات (أبو صقر): يا الله تفضلوا بنكمل تحت هلا بيكم يا الله.

تعليق صوتي: يعيش أبو صقر وعائلته على أرضهم الرعوية هنا في قرية الحديدية، سيرين خضيري متطوعة في حملة أنقذوا الأغوار التي تأسست عام 2005 تتألف الحملة من بضع مئات من الناشطين المحليين الذين عقدوا العزم على حماية المزارعين ورعاة المواشي من الطرد.

سيرين خضيري/ متطوعة في حملة "أنقذوا الأغوار": يا الله يا أبو صقر شو بنقهر لما أشوف البير فاضي وبتشوف المستعمرات بيستعملوا ميتنا ليقلبوها لجنة خضرا.

عبد الرحيم بشارات (أبو صقر): هذا الشيء فوق طاقتنا لأنه هذول إلي هن مصدر المياه إلنا فكيف بدهم يرحلونا بيرحلونا بواسطة تخريبهن ومنع ترميمهن لأنه هذول بيساعدنا في مصدر المياه اللي بيثبتنا في المنطقة في 1978 بنوا المستوطنة هاي وقعدوا يهدوا فيها يبنوا في شجر من شان يعملوا غابة خضرا وإحنا محرومين من المي نشربها محرومين أنا نرممهن.

تعليق صوتي: مستوطنة روئي التي يفصلها عن بيت أبو صقر بضع مئات من الأمتار بنيت على أرض مصادرة تعود للحديدية، عندما أنشئت مستوطنة روئي أواخر السبعينيات كانت السلطات الإسرائيلية تمنع الفلسطينيين من البناء في المنطقة مدعية بأنها منطقة عسكرية، اليوم يقطنها نحو 200 مستوطن يهودي وهم يعتاشون من التجارة بأسماك الزينة التي يربيها عمال مستوردون في بيوت بلاستيكية، هذه المستوطنات جزء من مخطط ألون لعام 1967 نسبة للسياسي الإسرائيلي من حزب العمل يغال ألون كانت الغاية من مخطط ألون ضم الغور لإسرائيل وتسليم المناطق المكتظة بالسكان الفلسطينيين داخل الضفة الغربية بما فيها أريحا للأردن، في ذلك الوقت رفض العاهل الأردني الملك حسين الاقتراح الإسرائيلي وردد الموقف العربي بعودة كافة الأراضي التي احتلت بعد عام 1967.

عبد الرحيم بشارات (أبو صقر): الدولة الفلسطينية بدون منطقة الأغوار تعتبر جنين ميت ولا يمكن يلده عايش، ولا يمكن تقوم دولة بدون الأغوار وأساس الحياة هي المياه مش بس على مية الأغوار مستوليين وإنما على جميع مية الضفة الغربية بأكملها لكن الأغوار لأنه الحوض الشمالي اللي بيغذي المناطق هو أساسه الأغوار وأكبر منطقة زراعية موجودة منطقة الأغوار وشفا الأغوار فلما أنها تنمنع عنها المياه معناها ولا يمكن تقوم دولة بدون اقتصاد والعمود الاقتصادي لفلسطين هي الزراعة.

أبو محمود/ رئيس مجلس قرية العوجا: من هان يا ست التراكتور من هان بيمشي حوالي 20 كيلو لعين شبلي يروح يجيب تنك مية 4 كيلو الخط قدامه شرطة وقدامه كذا ومن هاي يلف كل هالمنطقة هاي حتى يجيب 4 كوب مية يمشي 20 كيلو يصرف فيهن 100 شيكل وأكثر من 100 شيكل سولار حتى يوصلها، والمي هذه لا تبعد 200 متر عن أبو صقر هيو الماتور وهيهم قاعدين يسقوا بالعنب وفي النجيل وكل شي لا تبعد عنا 200 متر نمشي 20 كيلو حتى تجيب 4 كوب مية.

عبد الرحيم بشارات (أبو صقر): 20 روحه و20 جاية 40..

أبو محمود: 40 كيلو رايح 20 وراجع 20.

تعليق صوتي: يكاد يكون لكل واحد هنا قصة خاصة به تروي معاناته وأبو صقر ليس استثناء.

عبد الرحيم بشارات (أبو صقر): كان ابني جاي عليّ من المدرسة كنت جايب تنك مية فلاقاني في أول النزلة ركب معاي على التراكتور وأنا مشيت عثر الولد ووقع عن التراكتور واقع جاي رأسه على حجر صار عنده نزيف فجيت زميت الولد مواصلات ما فش لأنها مقطوعة علينا الطرق مسكرة في بوابات وخنادق اتصلت في بلانسات ومليون مقسوم على الطريق قعد البلانس توصلني هان يمكن 6 ساعات بقى الولد صار ميت، السلطة مش مسموح لها أساسا تدعم وجودنا نهائي لأنها السلطة رواتبها من الدول المانحة والمؤسسات الداعمة اللي بتيجي تتدعم في مناطق السكان وبيصير عندها وبيشوف أرض الواقع ما بتقدرش إنها تحكي ولا تنفذ أي مشروع إلا في الموافقة الإسرائيلية والسياسة الإسرائيلية ترحيلنا مش تثبيتنا أو مساعدتنا.

السيطرة الإسرائيلية الكاملة على الأغوار بعد اتفاقية أوسلو

تعليق صوتي: وجود نفوذ للسلطة الفلسطينية أو غيابه مسألة تعود إلى صيغة اتفاقية أوسلو للسلام في أواسط التسعينيات تلك الاتفاقية قسمت الضفة الغربية إلى 3 مناطق محددة في المنطقة (أ) تتمتع السلطة الفلسطينية بسيادة أمنية ومدنية كاملة تشكل هذه المساحة قرابة 18% من أراضي الضفة الغربية في المنطقة (ب) أعطيت للفلسطينيين سيطرة مدنية بشرط الموافقة على إدارة أمنية فلسطينية إسرائيلية مشتركة إلا أن هذا لم يعد ساريا في غالبية المنطقة منذ العام 2002 إذ أصبحت السيطرة إسرائيلية فقط تشكل المنطقة (ب) ما مجمله 21% من الضفة ولكن غور نهر الأردن الذي تزود مياهه ومواشيه وأراضيه الزراعية أبناء الضفة الغربية بحاجاتهم الغذائية يقع في المنطقة (ج) التي تسيطر إسرائيل عليها سيطرة كلية تشكل أراضي المنطقة (ج) 61% من مساحة الضفة وبالنسبة للغور فخمسة وتسعون بالمئة من أراضيه من الفئة (ج).

عبد الرحيم بشارات (أبو صقر): اتفاقيات السلام اللي صارت هي اتفاقيات قوي مع ضعيف.

تعليق صوتي: أبو صقر وأبو محمد يسكنان في المنطقة (ج) وعليهما السفر إلى المنطقة (أ) لشراء حاجاتهم، وهذا يتطلب عبور عدد من الحواجز الإسرائيلية، يسود الغور جو من الذعر بسبب الإرهاب المستمر الذي تفرضه الحواجز الإسرائيلية، إبان احتلال عام 1967 نزح معظم سكان الأغوار للأردن ولم يسمح بعودتهم مطلقا وبقي في الجانب الفلسطيني من الغور 10 آلاف فلسطيني فقط، باشر المحتل من اليوم الأول بضم الأراضي وطرد سكانها، شرع الإسرائيليون ببناء مستوطنة ميخولا على أراضي قرية عين البيضا بعد مضي بضعة أشهر على الاحتلال، يونا ضابط أمني في المستوطنة سألناه إن كان يعتقد بأن غور الأردن سيتم إرجاعه للفلسطينيين ضمن اتفاقية السلام.

يونا/ ضابط أمني إسرائيلي: أخبرتك ما رأيي في هذا إنه ليس حلا لن يوافقوا عليه وبالنسبة لنا لن يكون سهلا أن نمرره كذلك فقط عندما يعطونهم حقوقهم وينعمون في المساواة سيكون بالإمكان أن يحل السلام هنا، ولكن حتى مع ذلك لن يكون السلام أبديا لن يكون هناك أي حل دائم هل قرأت في التاريخ عن أي معاهدة سلام دامت للأبد؟

تعليق صوتي: هؤلاء العمال فلسطينيون يبنون بيت يونا المستوطن الإسرائيلي ويرفضون التكلم أمام الكاميرا يقولون إنهم يعلمون بأن هناك حظرا على العمل في المستوطنات ولكن ارتفاع نسبة البطالة إلى 30% في الضفة الغربية يضطرهم إلى ارتكاب المحظور، يعيش ديفد هنا منذ أن كان جنديا عام 1967 إلى أن أصبح مستوطنا عمل كمستشار زراعي وهو الآن مسؤول عن تضمين المحاصيل الزراعية التي ينتجها مستوطنو الغور.

ديفد/ مستوطن إسرائيلي- مستوطنة ميخولا – غور الأردن: يحضرونها هنا نعالجها ومن ثم نخضعها لعملية تبريد وبعد ذلك يتم إرسالها للتصدير للخارج إلى أين إلى كل دول العالم إلى تركيا اليونان ايطاليا ألمانيا ويوغسلافيا، عدد الدول المستوردة في ازدياد سنويا وبهذا فإن كميات التمور إلي ننتجها في ازدياد أيضا.

تعليق صوتي: إذا كانت هذه تمور من مستوطنات الغور وهو منطقة محتلة لماذا كتب على العلب صنع في أريحا فلسطين؟

ديفد: لا يمانع أي أحد الشراء من عندنا الانجليز فقط لديهم بعض التحفظات لكن الدول الأخرى لا تسبب أي إشكالات ما نفعله فقط هو تجنب كتابة إسرائيل على العلب، كل شيء يمكن فعله نحن نفعل كل ما يطلبه الزبون في كثير من الأحيان نجهز كتابة خاصة بالزبون ليتم طباعتها على العلب لا أعرف لديه أسبابه يمكن أن يتغير اسم البلد أيضا بل يمكن أن يتغير كل غلاف.

تعليق صوتي: أصبح هذا المستوطن الإسرائيلي غير مرتاح لأسئلتنا حول التمور التي يبيعها لأوروبا يصطحب أبو صقر سيرين إلى خربة راس الأحمر لمقابلة جيرانه السابقين، عزلت هذه الخربة الفلسطينية عن محيطها منذ عام 2003 عبر خنادق وبوابة يفتحها الجيش الإسرائيلي 3 مرات أسبوعيا فقط.

أبو لطفي/ مواطن في الأغوار الفلسطينية: التنظيم بده إخلاء المنطقة هدم.

عبد الرحيم بشارات (أبو صقر): ليش.

أبو لطفي: لأنها منطقة عسكرية.

عبد الرحيم بشارات (أبو صقر): وهسه شو ناوي تعمل.

أبو لطفي: هسه في معنا أمر احتراز يا أبو صقر وما دام الأمر الاحترازي ماشي مثل زي ما تقول بيظل كل شي مجمد يعني الواحد لما بيعكشوا عليه زي ما تقول بيخلوش فوقه ولا تحته.

عبد الرحيم بشارات (أبو صقر): طيب إذا بيظلوا يقولوا لك ارحل وبترحل منين بدك تعيشهم؟

أبو لطفي: بدي اضطر أبيعهن والواحد بقعد بالقلة، آه مصدر رزقنا من هالغنمات آه وين بدي أروح يعني ما فيش ملجأ إلا هون آه والله متحيرين يعني الواحد وين بده يروح وين بده ييجي، الله يجبر.

أم لطفي/ مواطنة في الأغوار الفلسطينية: إحنا عنا 6 بنات و3 ولاد ثلاث أربع مرات صاروا هادمين لنا وبقينا في الحديدية ويعني ما اضطريناش نظلنا في هالمقت قمنا غربنا هون ردوا لحقونا هون قال إنها منطقة عسكرية هاي وممنوع، والله منطقتنا طرونا من شرقة وجينا أول وسكنا هون على سبب من شان أنهم يدشرونا ولا فايدة ردوا هدولنا وردينا رحلنا وجينا هون بقينا فوق العشرة إحنا جينا هون بقى، آه فوق 10 جينا هون قعدنا 10 أيام بننصب والغنم تولد وخرفانها دوار وجايين بيعطوا فينا إنذار بقوله طيب ما إحنا بعدنا بننصب ولا وين نروح يعني هديتوا لنا غربا وجينا هون وبقينا حاطين في السهل والسهل أكلنا من الشتا واشي ولا وين نروح قال هاي منطقة عسكرية يا حجة تضلكمش هون إذا بدك ولادتك يعني وإذا بدك معينة على ولادتك ظلي هون.

الأغوار.. ثكنة عسكرية إسرائيلية للتدريب

تعليق صوتي: حول الإسرائيليون معظم غور الأردن إلى منطقة رماية، يتدرب الجنود يوميا هنا وتوجد الحواجز العسكرية في كل مكان أبو صقر وسيرين لا يردعهما جنود واصلا سيرهما لزيارة جار سابق آخر تم إبعاده إلى خربة راس الأحمر المغلقة، أبو سليمان صديق قديم وجار لأبي صقر أطلق سراحه مؤخرا من السجن الإسرائيلي.

أبو سليمان/ مواطن في الأغوار الفلسطينية: أجوا الجيش الساعة 3 العصر علينا، أجا تقريبا أربعة خمسة جيبات مع سيارات مخابرات، أخذوني أنا وأولادي اثنين وأنا الثالث ونسيبي الرابع اتهمونا بأن إحنا داخلين على معسكرات جيش وسارقيهم سجنونا في سجن هداريم 17 يوم حققوا معنا في 17 يوم مع رائيل أنا رحلت لأنه هم مش مدشرينا يعني إذا ما رحلتش أنا بدهم يهدوه بالجرافات ويهدوا الناس في يهدوا بيوتهم، الناس قلت كثير من الضغط اللي بيصير من الاحتلال يعني كانت الناس من هون تطل على المرج هاي كلها بيوت بس الاحتلال ضل يسوي مشاكل يطرهم ويسجنهم فمعظم الناس باعت الغنم يعني قليل جدا شو الناس ولا اشي هسه باعتبارهم عندهم غنم بالنسبة لقبل يعني.

تعليق صوتي: الخروج من خربة راس الأحمر أمر صعب فالجيش يغلق المنطقة بعد الساعة الرابعة عصرا مانعا أي أحد من الدخول أو الخروج منها هذه طريقة إضافية لإرغام السكان على ترك أرضهم.

[فاصل إعلاني]

سيرين خضيري: حاليا إحنا موجودين في منطقة عين الحلوة بالأغوار الفلسطينية الشمالية المحتلة بالقرب من نبعة عين الحلوة وين موجود منطقة إطلاق نار الدخول ممنوع إحنا مش عارفين كيف الدخول ممنوع للنبعة اللي المفروض الناس يستفيدوا منها ليشربوا منها جميع السكان بهاي المنطقة بيقدروا يسمعوا صوت المي بس ما بيقدروا يشربوا من النبعة الطبيعية اللي هي ربنا سخرها الهم.

المستوطنون واستيلاؤهم على أراضي المواطنين الفلسطينيين

تعليق صوتي: تعيش أم أيمن وعائلتها قرب عين الحلوة في وادي المالح توثق سيرين الإهانة التي تتعرض لها العائلة منذ سنة من المستوطنين المجاورين وجميعهم مسلحون.

سيرين خضيري: بتذكر مرة أم أيمن قلتِ لي إنهم المستوطنين تهجموا عليكم هون على الدار وهددوكم.

أم أيمن/ مواطنة في الأغوار الفلسطينية: آه والله وقتلوني وقتلوا البنات آه على المي على المية ليش نملي.

سيرين خضيري: ليش تعبوا من المية.

أم أيمن: ليش نملي من نبعة المي قال هي مية هاي أجوا وقتها بيجوز أنت بقيت بييجي 20 واحد يعني..

سيرين خضيري: شو عملوا؟

أم أيمن: صاروا يغلطوا علينا ويسبوا علينا يعني ويضربوا علينا ويقولوا لنا إن ألقيناكم بنقتلكم الدلو إلي بنحطه على العين نملي فيه صاروا يحملوا لنا إياه يجيبوا لنا إياه على العود ولا على اشي يصيروا يقولوا لنا هيو ها فش ما لكمش مي يعني لهسه يعني هسه بقوا الأولاد ما نستجريش نروح نملي إلا تيبقوا مش هون مش موجودين، إليّ حصان فلت مني يعني من هون من البيت إلي شافها مستوطن لبنتي يعني ولحقها ظل يسوي فيها انه يسوي فيها في منطقة يعني خلية بدون الناس ظل لاحقها يعني لاحقها كأنه أخد الحصان منها أخد الحصان منها ويعني شردت منه على أساس إنها خافت منه يعني.

تعليق صوتي: إن قتل حصان من عائلة قد خلق شعورا جديدا بالخوف بين أبناء عائلة أم أيمن، تقول أم أيمن إن الرجل الذي قتل حصان عائلتها هو المدعو رامي من مستوطنة مسكيوت المجاورة، أولا وجدنا زوجة رامي التي قالت لنا أنه يبني بيتا جديدا للعائلة في جزء جديد من المستوطنة، وجد فريق الجزيرة رامي وواجهناه بقصة الحصان وسألناه إذا ما كان هو من قتله.

رامي/ مستوطن إسرائيلي/ مستوطنة مسكيوت – غور الأردن: هناك قصص كثيرة أولئك الناس يحبون قول العديد من القصص في نهاية المطاف يظهر بأن كل قصصهم مجرد كذب نعم لا أريد الخوض في هذا لا أعرف من أنت؟ وماذا تعمل؟ أنا آسف ليس مسموحا لي أن أفعل ذلك لأنني رجل أمن لا يمكن إجراء مقابلة معي بهذا الشكل.

تعليق صوتي: أنكر رامي مسؤوليته بالكامل ولكن صديقه الذي يساعده في بناء بيته كان أكثر إقبالا على الإجابة.

يوناثان/ مستوطن إسرائيلي / مستوطنة مسكيوت – غور الأردن: هنا هو يريد أن يتولى فقط اليهود عمل البناء، هناك العديد من اليهود العاطلين عن العمل في غور الأردن يمتلئ الشباب بالغضب نحن نريد السلام معهم أعطيناهم السلاح وكل شيء الأراضي والمال كذلك أعطيناهم العلم في كل مجال في الزراعة وأعمال البناء وأيضا الجيش ليس الأمر في كونهم ينتقمون أين ترى أعمال الانتقام؟ في قتل حصان مقابل قتل عائلة بأسرها هذا هو الانتقام برأيك! هذا ليس سوى تعبير بسيط عن المشاعر، هذا ليس انتقاما، هذا ليس انتقاما أبدا لو كان انتقاما بالفعل لحدثت أمور مرعبة هنا، أترى كيف يمسك كل واحد هنا في سلاحه لو لم يمسك الشعب اليهودي نفسه لكان بالإمكان أن يخرج الجميع ويقتلوا ليس أحصنة فقط وإنما عائلات هل تعرف كم من رباط الجأش يمتلك الناس هنا.

تعليق صوتي: هذه المستوطنة هي إحدى ست وثلاثين مستوطنة سريعة التوسع في الغور الفلسطيني لنهر الأردن، لا يبدو أن هؤلاء المستوطنين سينصرفون قريبا، وصل عدد القتلى الفلسطينيين جراء اعتداءات المستوطنين والنشاطات العسكرية الإسرائيلية إلى قرابة ألف ومئتي فلسطيني مدني منذ العام 1967، وفق حملة منسقة تهدف لإرغام السكان الأصليين على هجر غور الأردن، توثق سيرين قضية الضحية الأخيرة، حسين عقاب، يبلغ من العمر أحد عشر عاما وقد داس على واحد من عشرات آلاف الألغام التي زرعتها إسرائيل في أرجاء الأغوار.

أم حسين/مواطنة في الأغوار الفلسطينية: يعني إحنا مستمرين نحاول نسعفه وينزف، فوصلوه الشارع، تجي سيارة، وقفوها، سيارة عربية يعني، وركبوه فيها حتى عند المحسوم، عند الحاجز وقفوا من شان إنهم طلبوا من الجيش إنهم يسعفوه، طلبوا منهم إنه هيه معانا واحد مصاب، الجيش رفض، قالوا له إن شاء الله بموت أنا بسعفوش..

حسين عقاب – ضحية ألغام: أول مرة ضربت بحجر، فقع..

سيرين: أنت بقيت عارف إنها قنبلة؟

حسين عقاب: لأ .

سيرين: شو فكرتها؟

حسين عقاب: إشي، يعني، بعرفش أول مرة أشوفها استغربتها وشتها شو بدي فيها..

سيرين: وبعدين شو صار بعدما شتها برجلك؟

حسين عقاب: انفجرت وما حسيت بشيء ولا حسيت بوجع ولا حسيت اشي وأجوا أخذوني كانوا معاي صحابي وظلوا رايحين ركبوني السيارة وما رضيوش يمرقوني على..

تعليق صوتي: حسين هو تاسع ضحية ألغام في عائلته، أحد أعمامه قتل بنفس الطريقة، بينما يعاني الآخرون من جراحهم إلى الآن، علاوة على ذلك أنشأ الجيش الإسرائيلي معسكرا آخر بالقرب من منزلهم.

أبو حسين: هاي البناية اللي هناك هذا تدريب للجيش، شايفه، تطلع قديش المسافة قريبة والضرب بصير مرات رصاص كله بيجي هون على البلد وبروحوا ولاد بكون هناك مزارعين هون وكل الرصاص بيجي لعندهم، يعني قبل شهرين أجت قنبلة انفجرت هناك وين القمح هذاك الموجود هناك انفجرت هناك، من تدريب الجيش..

تعليق صوتي: يعج غور الأردن بضحايا الاحتلال التي تحتاج إلى توثيق، اليوم تتجه سيرين إلى عين البيضا، محمد ضراغمة ابن السابعة والعشرين، أقعدته رصاصة مستوطن بعد أن استقرت في ظهره، وأصبح مشلولا شللا دائما..

محمد ضراغمة/ جريح فلسطيني: عنا، عنا حلال كنت أرعي في تلا المالحة، صاروا يطلعوا مستوطنين ييجوا على كل تاعين الحلال يغلبوهم كل يوم ييجوا يضربوا عليهم حجار يكسروا الغنم، ويسرقوا مواشي، يعني يوم يوم ييجوا، في أرضهم سارحين، فيش مطرح إلا هالمطرح، كل يوم يعني بيجو عليه وفيش الديرة غيره، أجوا علي صاروا يراجموا علينا حجار يسبوا، يغلطوا علينا، في إلي أخو أصغر مني، صار يطخ، صار يطخ على أخوي الصغير بقله شو عاملك بتطخ عليه؟ شو بدك منه؟ يوم قلت له شو بدك منه قام عين علي وأنا كنت راكب على فرس، قام صاوبني وأنا على ظهر الفرس، هسه تصاوبت قعدت بيجي ساعتين وأنا على الأرض مرمي وهم يتطلعوا من المستعمرة علينا، كيف متصاوب، هذا، متغلب وخالي بصيح عليهم بقلهم تعالوا أسعفوه مش قادر لي، تعو أسعفوه بتطلعوا من جوات المستعمرة، قبالي..

سيرين خضيري: والمستوطن اللي طخك شو صار فيه؟

محمد ضراغمة: المستوطن على قولهم، قالوا انحبس شهر وقاموا أطلعوه، هيك قالوا، الله أعلم أنا شو بعرفني شو عملوا فيه بجوز ما حبسوهوش، بجوز حطوا له نجمة..

الأغوار وشح المياه

تعليق صوتي: يجتمع رعاة المواشي ومزارعو شمال الأغوار برئيس سلطة المياه الفلسطينية شداد العتيلي، الذي جاء بدعوة من أبو صقر.

شداد العتيلي/ رئيس سلطة المياه الفلسطينية: كم بتجيبوا المي انتو يا عمي؟

عبد الرحيم بشارات (أبو صقر): خمسة وعشرين شيكل الكوب الواحد..

شداد العتيلي: كم كيلو بتمشوا عشان تجيبوه لهنا..

عبد الرحيم بشارات (أبو صقر): بنمشي سبعة وعشرين كيلو..

شداد العتيلي: الإدارة المدنية إحنا أخذنا لهم إحنا موافقة اللجنة عشان نعملكم فتحة لأنه مش معقول البير اللي موجود هون يوخذ ميتكم، هاي ميتنا، هاي من ضمن حقوقنا المائية اللي عم بسرقوها الإسرائيليين للمستوطنات، إحنا بدنا نعمل فتحة، ولا تضطروا تروحوا سبعة وعشرين كيلو ولا خمسة وأربعين كيلو بالصهاريج عشان تجيبوا، عشان تشربوا انتو والحلال تبعكم..

أبو رياض/مواطن في الأغوار الفلسطينية: هذا إشي صرنا سامعينه مليون مرة سيد الدكتور وما فيش ولا إشي تم من التنفيذ، من التنفيذ نهائي، فيش، لا في مية ولا في أعلاف ولا في رايحة ولا في دكاترة ولا ولا ولا، كله كله فاضي، بنسمع بكرة وبعد بكرة ما فيش..

شداد العتيلي: في عنا احتلال، في عنا مشكلة أنا بقلك المية حاولنا وجبنا إلنا ثلاث سنوات بنشتغل عليها.

أبو رياض: نعم.

شداد العتيلي: في حدا واقف لنا هون، بمنعنا ندخل، في حدا حاط لنا حواجز، انتو بالهم وإحنا بالهم، أنتو صامدين وإحنا بدنا ندعم هذا الصمود، قلت لك إحنا كلياتنا في المعركة مع بعض..

أبو رياض: طيب كويس..

شداد العتيلي: ولا أنا أكثر منك بقاتل ولا أنت أكثر مني، كل واحد بموقعه بقاتل كل واحد موقعه، دقيقة..

أبو رياض: أيوه، إذا سمحت لي، كل واحد بموقعه بقاتل مضبوط أنت بتقاتل بموقعك وأنت متغطي بس أنا مكشوف، أنا مكشوف لليهود، مكشوف للشمس، مكشوف لكل اشي، وعيونكم في الناظر..

شداد العتيلي: يا أبو رياض..

أبو رياض: تفضل.

شداد العتيلي: قضية إثبات الأرض، إحنا معركتنا مع الاحتلال لم تنته، ما خلصناش معركتنا مع الاحتلال، لما نخلص، يا أبو رياض..

أبو رياض: إحنا صامدين، إحنا صامدين، وبنينا وهدوا وقاموا وبنينا وهدوا وبنينا وهدوا وغرسنا زيتون وهدوا وبنينا..

عبد الرحيم بشارات (أبو صقر): إذا إسرائيل بتدعي علينا إنا إحنا شعب محتل ودولة محتلة تتفضل تعطينا اتفاقيات جنيف، تقوم بواجباتها الأساسية من الدولة المحتلة تجاه الشعب المحتل، وإذا بتعترف إنه في سلطة وطنية فلسطينية، حكومة بدها تساويها الدولة وبدها السلام تتفضل ترحل عنا على أساس ندق في رقبة السلطة ونحصل حقوقنا..

شداد العتيلي: أنا وزير المي في هاي البلد لكن ما بحكم إني أجيب فكحة مي أشرب هدول الناس، كله هذا بسبب الاتفاقية الموجودة بيننا وبين الإسرائيليين، هذا هو الوضع القائم، أنا يعني جايتي هون ما شربتهم، أنا جايتي هون ما شربتهم ورح أروح بعد شوي وهم مش شاربين، يعني عم بنحاول بكل الطرق بكل السبل إنه نشوف كيف في حل إنه نجيب مي لهون مش معقول برضه، أنا في عندي اتفاقية وحاولنا والتزمنا فيها واجتمعنا مع الإسرائيليين، وجبنا الفتحة من ثلاث سنوات مش معقول فتحة مي وخط المي عم بمر من جنبنا بمر، مش قادرين، مش متجرئين إنا نروح نأخذ فتحة منه بطرق غير قانونية بالنسبة للاتفاقية الموقعة أما مش معقول برضه إنه المي ما بتمرق عن عطشان، مش معقول يكون البير هون ويسحب المي للمستوطنة وخطوط المي تمر من بين الخيم من هون وهم مش قادرين يشربوا..

تعليق صوتي: المياه هنا سلاح تتحكم به إسرائيل، استطاع جانب صغير من الزراعة الفلسطينية الصمود في الغور في وجه الصعاب ولكن حتى هنا يقفل الإسرائيليون الأنابيب للتحكم باستهلاك الفلسطينيين للمياه، حسن الزبيدات هو رئيس مجلس قرية الزبيدات الواقعة في المنطقة (ج).

حسن زبيدات/ رئيس مجلس قرية الزبيدات: إحنا في قرية زبيدات، في محافظة أريحا والأغوار، يعني بلدنا بلد زراعية، أكثر من خمسة وتسعين بالمية بعتمد أهاليها على الزراعة، مية الشرب يعني عندنا قرى ما فيها مية شرب لحد الآن، يعني لما بيعطوا لثلاث قرى في الساعة سبعة متر، شو هن السبعة متر؟ المستوطن في الساعة يأخذ سبعين متر، ولكن إحنا الفلسطينيين الخمس آلاف نسمة بعطوهم سبعة متر في الساعة، هذا كله أساليب ضغط على الفلسطينيين حتى إنهم يتركوا هذه البلاد، يعني أنا بقدر أقول إنه إحنا من 1967 إلى اليوم بحمد الله في قرية زبيدات ومرج نعجة إنه ما هاجر ولا خرج منها ولا مواطن بعد النكبة، بعد 1967، الناس ثابتين وانتو زي ما شايفين ببنوا عامودي ولكن حتى ما يخرجوا ولا يسكنوا ولا في أي منطقة إحنا في عنا خطة إنه إحنا نعيد الناس على منطقة الأغوار مش نهجر من الأغوار..

سيرين خضيري: خلال زيارتك لإيطاليا لما رحت تزور عائلة بيتوريو اريغينو صارت عدة أحداث في الأغوار من بينها هدموا أربع منشآت سكانية في منطقة، في خربة الميتة..

تعليق صوتي: فتحي خضيرات هو رئيس حملة أنقذوا الأغوار، التي تعتبر قاعدة المقاومة المدنية الفلسطينية للمشاريع الإسرائيلية الهادفة لضم الغور لإسرائيل.

فتحي خضيرات/ رئيس حملة أنقذوا الأغوار: فعشان هيك إحنا بدنا نطلب من المؤسسات الدولية ونطلب من المؤسسات البيئية إنها تهتم يعني هاي، تهتم بالنتائج على الأقل يعملوا تقييم، لأنه في بعض الأخبار أنا قريتها، حتى في المناورات بستخدموا أسلحة غير تقليدية، هون إحنا عنا بير اللي بسقي أو الماتور اللي بسقي ميّ لكل مدينة نابلس، الأغوار تعتبر أهم مصدر مائي للفلسطينيين في الضفة الغربية فإذا ما تم عزل الأغوار يعني عزل الفلسطينيين عن أهم مصادرهم المائية وبالتالي التحكم في مستقبل الوجود الفلسطيني سواء في الأغوار أو في باقي المناطق، وفرض السياسات والعقوبات التي تراها إسرائيل، إحنا هون أمام حاجز الحمرا وهو أحد خمس حواجز إسرائيلية تتحكم وتسيطر على الحركة من وإلى غور الأردن، وهذه الحواجز هي الأسوأ في الضفة الغربية، معظم الجنود اللي بخدموا على هذه الحواجز هم جنود من خريجي المدارس الدينية، أنا صار معاي أكثر من مرة حوار مع هدول الجنود اللي على الحاجز بقولوا إنه انتو لازم تروحوا للأردن، روحوا للوطن العربي انتو ما إلكم هاي الأرض ربنا وعدنا فيها، أنا أعتقد إنه هذا نظام أبسط ما يقال عنه إنه نظام عنصري من الدرجة الأولى، نظام عنصري من الدرجة الأولى، نظام يؤمن إنهم هم أسياد العالم والعالم وباقي الناس هم عبيد، كان الغور هذا فيش في ولا صهيوني ولا يهودي، حولوا، حولوا بمياه الأغوار جزء من النقب إلى مناطق خضراء لكن ماذا فعلوا بهذا الإرث التاريخي العالمي؟ ماذا فعلوا بغور الأردن؟ غور الأردن حولوه لنكبة للإنسان والحيوان والنبات، هناك أصناف عديدة من النباتات الفريدة في العالم مهددة بالانقراض نتيجة لهذه الإجراءات الإسرائيلية، إسرائيل تدمر الطبيعة، إسرائيل سرقت مياه نهر الأردن المقدس، نهر الأردن عماد المسيحية، عماد السيد المسيح، نهر الأردن المكان الذي يتقدس فيه ويتعمد فيه المسيحيين، الآن هو نهر مليء بالمجاري..

تعليق صوتي: اليوم تنطلق خمس حافلات من الغور متجهة إلى رام الله من أجل مطالبة السلطة الفلسطينية بتحسين حال أهل الأغوار.

سيرين خضيري: صلوا على النبي يا جماعة شو صار؟

أحد المحتجين الفلسطينيين: مطالب اللجنة الشعبية لمتابعة قضايا الكهرباء في أريحا، واللجنة الشعبية تمثل جميع القطاعات الموجودة في مدينة أريحا والأغوار، يومي الهدم والإسرائيليين بمشوا وبهجموا علينا لا مي ولا كهرباء ولا شيء، جميع هذا الشيء اللي إحنا بنحكي عنه..

نعيم أبو الحسن/ أمين عام مجلس الوزراء لدى السلطة الفلسطينية: رح أنقلهم هذا الكلام بالحرف أنا شخصيا تابعت هذا الكلام، تابعت موضوع أريحا وتابعت موضوع الكهرباء وتحدثنا في مجلس الوزراء عن الزيارة الأخيرة اللي قام فيها رئيس سلطة الطاقة..

سيرين خضيري: المطالبة لمجلس الوزراء وبنتمنى إنه تتحقق مطالب السكان اللي اعتصموا اليوم.

عبد الرحيم بشارات (أبو صقر): الكهربا بوخذوها تجارة، شركة الكهرباء وبنطالب في تخفيض سعر الكهربا، المناطق اللي فيهاش كهربا بنطالب في مد الكهربا إلها، الدولة الفلسطينية إذا قامت على العنصر الزراعي وهو سلة الغذاء لفلسطين وميّة للزراعة ما فيش، سكانها ميتين من العطش، والسلطة الوطنية نايمة على ذينيها مش متحركة تقدم ولا شيء اللي توفر من متطلبات المواطن.

تعليق صوتي: بعد أسبوعين من المظاهرة التي قادها أبو صقر في رام الله أتى الجيش الإسرائيلي ودمر بيوته مرة أخرى، إسرائيل مستمرة في خطط اقتلاع الفلسطينيين من الأغوار.

أحد مواطني الأغوار: لمين هدموا اليوم؟ لمين غيرك..

عبد الرحيم بشارات (أبو صقر): أحمد عبد الله الحافظ ولصالح أبو الكوش ويوسف ولعلي محمد وإليّ.

أحد مواطني الأغوار: أربع دور يعني.

عبد الرحيم بشارات (أبو صقر): أربع بيوت، أربع مساكن مش أربع دور..

أحد مواطني الأغوار: أربع مساكن.

عبد الرحيم بشارات (أبو صقر): أربع مساكن بما تحتويها من حظائر غنم من براكسات من ممتلكات دمروها وتفضل تعال صور الممتلكات كلها أواعي العيلة.

تعليق صوتي: قبل انقضاء أسبوع على هدم البيوت وصل للحديدة فريق تقوده حملة أنقذوا الأغوار لمساعدة أبي صقر على إعادة بناء بيته من جديد.

[نص مكتوب]

بنيامين نتنياهو- رئيس إسرائيل 8 مارس 2011: سيظل جيش الدفاع الإسرائيلي هنا ضمن أي اتفاقية مستقبلية، هذه سياسة توفير الأمن لدولة إسرائيل.

إذا كان هذا صحيحا قبل حالة الاستقرار التي تهز منطقة الشرق الأوسط فإن تلك الضرورة أصبحت مضاعفة اليوم.
ينبغي أن يستمر وجود جيش الدفاع الإسرائيلي على طول نهر الأردن.