- النشأة والسفر للتعلم بأميركا والعمل في ناسا
- أبحاث المركبات الفضائية لاستكشاف الفضاء

 

[تعليق صوتي]

هؤلاء الذين يدركون الاتساع الشاسع للكون الذي يسبح فيه كوكبنا نقطة زرقاء باهتة تكاد لا ترى من خارج المجموعة الشمسية، هؤلاء الذين ساهموا في إطلاق البشر من سجنهم الأرضي المتنامي في الضئالة إلى الفضاء الفسيح، هؤلاء وحدهم يسمون الأرض كلها وطنا، هذه الفكرة هي المفتاح لفهم شخصية الدكتور شارل العشي المولود في بقاع لبنان قبل ستين عاما والذي يشغل الآن أحد أهم المراكز العلمية والإدارية في وكالة الفضاء الأميركية ناسا، مديرا لمعهد الدفع النفاث التابع لها وللمعهد التكنولوجي بكاليفورنيا الذي يشغل فيه منصب نائب الرئيس. بداية نجاحه العلمي الفذ كانت أسرته التي شجعت فضول طفلها النابه ثم من منحة قدمتها له الدولة اللبنانية عام 1964 لدراسة الهندسة والفيزياء في فرنسا ومن هناك حزم حقائبه وعبر المحيط إلى كاليفورنيا حيث كانت الدكتوراه تنتظره ثم أربعون عاما من الإنجازات المتصلة التي وسعت حدود معرفة الإنسان بالكون، أميركا تنفق مائة مليار دولار على البحث العلمي سنويا ربعها تمنح لناسا كي تخترق الحجب.

النشأة والسفر للتعلم بأميركا والعمل في ناسا

شارل العشي – نائب رئيس معهد كاليفورنيا للتكنولوجيا: أنا جئت على أميركا سنة 1968 بأتذكر جئت لهون 15 آب ووصلت جئت من فرنسا دوغري على لوس أنغلوس ما كنت بأعرف حدا، معي الشنطة تبعي ومائة دولار بالشنطة وهذا كل شيء كان معي هون، بس الجامعة ياللي كنت عم بأعمل العلوم تبعي أنا كان قبلوني بالجامعة عشان أعمل الدكتوراه قالوا لمدة أول جمعتين ثلاثة راح يحطوني بعائلة أميركية عشان أتعود على الحياة هون بأميركا وكان حظي منيح أنه العائلة ياللي أنا قعدت معهم المدام طبعا العائلة من أصل لبناني مش هي لبنانية بس كان جدها من أصل لبناني، بعد كانت هي سألت عن خصوصي إنه أنا أكون عند العائلة تبعهم لأن كان كل الطلاب الأجانب كانوا يبعثون على عائلات أميركية عشان يتعودوا علي وهذه كانت الـ(كلمة إنجليزية) تبعي عشان الولايات المتحدة وأخذوني وفرجوني على المحلات هون وكانوا كثير ناس محبين ويعني وبيساعدوا مثل كل الأميركان على طول كثير بيحبوا إنه يساعدوا الأجانب وهيك وهذا أول ما تعودت عليه وبعدين لمدة ثلاث سنين عملت الدكتوراه تبعي بالجامعة هون ولما كنت أنا عم بأعمل الدكتوراه تبعي وبلشت اشتغل بالمختبر (كلمة إنجليزية) لمطرح ما إحنا هلا لأنه المختبر هو قسم من الجامعة مع إن مركز تبع ناسا بس الجامعة كمان فيه كل الناس ياللي بيشتغلوا بالمختبر هم عملاء تبع الجامعة بقى بلشت أشتغل هون شوي وحبيت الشغل كثير هون ولما خلصت الدكتوراه تبعي سألوني عم بتحب تشتغل هون قلت لهم أكيد بأحب أشتغل صير هون بلشت أشتغل كنت فاكر الشغل لمدة سنة وبعدين ظليت سنة ثانية وظليت سنة ثانية هلا 38 سنة بعدها بعدين راح، غيبيال هو المركز تبع ناسا الـ(كلمة إنجليزية) تبع (كلمة إنجليزية) بالولايات المتحدة عندهم ثلاث مراكز بالولايات المتحدة وكل مركز مخصص بفرقة معينة بقى هون بالـ(GBL) المركز اللي إحنا فيه متخصصين عشان نعمل كل الأبحاث تبع الكواكب إنه نبعث أقمار اصطناعية عشان تروح على الكواكب والأبحاث تبع الـ(كلمة إنجليزية) عشان الأبحاث الفضائية غير مراكز في مركز بهيوستين مطرح ما بيعملوا الشطر والمركز ياللي بكيب كيندي مطرح ما بيعملوا إطلاق الصواريخ وفيه مركز بيغادر يتحدى واشنطن مطرح ما بيعملوا الأبحاث الأرضية، بعد كل مركز متخصص بفرع من الأبحاث الفضائية بقى ياللي بنعمله هون تقريبا كل الأقمار الاصطناعية ياللي راحوا على الكواكب بين الثلاثين والأربعين سنة الماضيين كلهم كانوا معمولين هون بالمختبر عندنا، بقى هذه المسؤولية تبعنا إنه نروح على المريخ وستيرن وجيويتر وهلا فيه عندنا 17 قمر اصطناعي بعدة مراكز بالـ(كلمة إنجليزية) عدة كواكب موجودين وكلهم الـ(كلمة إنجليزية) تبعهم كلهم من هذا المركز من هون من المركز ده.

[تعليق صوتي]

ثلاث ثقافات كونته العربية والفرنسية والأميركية وأربعة علوم تفوق فيها الهندسة والكهرباء والفيزياء والفلك حتى وصل إلى أن يعهد إليه الرئيس الأميركي عام 2004 بكل المسؤولية عن برامج المركبات الفضائية الآلية الأميركية باسمها ويسجل له التاريخ المدون في الموقع الإلكتروني لناسا أنه كان ضمن علماء بعثة مركبة أبولو للقمر وممن شاركوا في تحديد الترتيب الدقيق لمذنب هالي كما شارك في رسم تضاريس كوكبي زحل والزهرة ولكن إنجازه العملي الأكبر يرتبط بأكثر الكواكب إثارة لخيال البشر المريخ ولكن البداية تعود بنا إلى لبنان.

شارل العشي: أنا خلقت بالرياء بالبقاع ولما كنت صغير رحت على مدرسة راهبات بالرياء وبعدين رحت على الـ(كلمة إنجليزية) بجونية بلبنان وبعدين رحت على المدرسة الشرقية بزحلة، قضيت كل حياتي لحد ما كان عمري 17 سنة قضيتهم بين البقاع، زحلة، وجونية ووالدتي من أصل هي كانت من الشام على طول أروح أزور ولاد خالتي وولاد خالاتي كلهم بالشام ببيت العباد وكنت أنا كثير عندي الـ(كلمة إنجليزية) عشان الشام وعشان لبنان وعشان الشرق الأوسط ولما صرت خلصت البكالوريا تبعي كان عمري تقريبا 17 سنة أخذت (Award) من الحكومة اللبنانية كان وقتها الرئيس شارل الحلو كان رئيس لبنان إنه أروح على أوروبا عشان أعمل هندسة، رحت على فرنسا وقضيت أربع سنين بغرونوب بجامعة غرونوب بفرنسا عشان هيك عندي شوية فرنساوي بالحكي تبعي بقى قضيت أربع سنين خلصت الهندسة تبعي بالـ(Telecommunication) ولما خلصت الهندسة قررت إنه بدي أعمل دكتوراه وتعرفت على عدة ناس من أميركا يعني تلاميذ وهيك أشياء وبعدين قالوا لي كيف الـ(كلمة إنجليزية) بأميركا وأنا على طول أنا فكرت أن أميركا خصوصا 1968 لما خلصت الـ(كلمة إنجليزية) تبعي كانت أميركا فيه كثير أبحاث علمية وكانت بلاد يعني بتقدر تتقدم فهي بقى جئت على كاليفورنيا بباسادينا بجامعة كاليفورنيا (كلمة إنجليزية) قبلوني بالجامعة وأعطوني (Scholarship) يعني مش هنتكلم في التكاليف تبعنا هون وأنا بأتذكر من وقت ما كنت صغير بالبقاع كنت أتطلع على النجوم، كنت نائم عند عشية بعض الوقت بالصيفية ننام بره مثل ما كل الأولاد بيعملوا بالشهر كنت أتطلع بالنجوم وأقول شو نهار أنا بأحب أعمل أبحاث مدروس عشان أتعلم أشوف النجوم بالكواكب وهيك أشياء وكانوا أهلي كثير بيشجعوني عشان العلم كان العلم كثير مهم أنه يكون عندهم أولادهم معلمين وبيروحوا على المدارس وكان عندي أنا حظ منيح أنه المدارس اللي رحت عليها كان فيه أساتذة كثير مناح والأساتذة عندهم كثير (كلمة انجليزية) يواصلوا الناس لما يكون عمرهم لما يكون بالمدارس أنا بأقول إنه كان (كلمة إنجليزية) لأنه كان عندي أهل كثير بيهتموا بالدروس تبعي وكنت رحت على مدارس كانوا كثير بيهتموا بالدروس وهيك صارت الأبحاث العلمية وأنا هلا مسؤول عن المختبر هون، (كلمة إنجليزية) زوجتي أميركانية تعرفنا هي كانت تشتغل بالتلفزيون بالـ(Animation) يعملوا الـ(كلمة إنجليزية) بقى تعرفنا من مدة 25، 26 سنة وتزوجنا وعندنا بنتين واحدة منهم تزوجت هذه الصيفية الماضي والبنت الصغيرة هلا بعدها بالجامعة وهلا مدامتي معها بالجامعة اليوم لأنه فيه حفلة هونيك بالجامعة ببرنسن بالمنطقة الشرقية بقى نقول لبناتي على طول فكروا الأشياء المنيحة ياللي الحياة بتعطيكم إياها وجربوا اعملوا الأشياء ياللي أنتم بتحبوها بهذه الحياة ما فيه لزوم أن تكونوا علماء يا إما تكونوا مهندسين يا إما تكونوا.. اعملوا الأشياء ياللي أنتم بتحبوا تعملوها لأنه المهم إنه يكون عندك (Passion) عشان الأشياء ياللي بتعملهم (Passion) وهذا أهم شيء يعني يكون الناس منيحة واعملوا مع غير الناس مثلما بتحبوا إن غير الناس يعملوا معكم، بأقول لهم على طول لأنه يتذكروا إنه أنا أصل من أصل لبناني ومن الشرق الأوسط وهذا الشيء أنا بأفتخر كثير فيه لأنه أنا أصلي من الشرق الأوسط ومن لبنان والأصل عربي لأنه مع إنه هلا فيه أشياء كثير ناس عاشوا صايرة أحوال سياسية وهيك أشياء بس أنا كثير بأقرأ كثير وكثير بأقول لهم لأولادي على التاريخ والعرب عملوا (Contribution) يعني كثير مهمة كانت بأيام (In the golden age of the culture) وهيك أشياء كلك جاءت من المناطق الشرقية ومن الدول العربية وبأقول لهم لأولادي هذا الشيء شغلة إنه لازم نفتخر فيه كثير وهم كثير بيفتخروا إنهم من أصل لبناني ومن شيء مدة عشر سنين أخذت مدامتي وبناتي الاثنين ورحنا على لبنان عشان يشوفوا لبنان أو عشان يشوفوا يعني أقربائنا وهيك أشياء قبل ما والدتي توفت ولأنه لبنان والشرق الأوسط أنا كثير بأحب مصر خصوصا زوجتي كثير بتحب مصر عادة كنا نروح كل سنتين ثلاثة، نروح هلا رحنا شيء خمس ست مرات رحنا على النيل نروح ونيجي يعني نعمل الأشياء (كلمة إنجليزية) ورحنا عدة مرات على الشام على الأسواق بالسوق بالشام وعلى تركيا بقى كثير بنحب الشرق الأوسط بس أنه نعمل الـ(Retirement) لا بأعتقد بنفضل نعمل الـ(Retirement) هون.

[فاصل إعلاني]

[تعليق صوتي]

لهؤلاء الذين يحلمون شعار يختصر كل طموح الإنسان يستغرق الوصول بمركباتنا الحالية إلى أقرب النجوم من المجموعة الشمسية ستين ألف سنة من السفر المتصل في الفضاء ولذك يكتفي علماء الفضاء الأميركيون الآن بإرسال مثابر إلى المريخ وزحل وإخوتهما وهي الرحلات التي طالما تألق فيها الدكتور شارل العشي الذي ساهم في بعثة بايكينغ وهي أولى المركبات التي أفلحت في الهبوط على سطح المريخ عام 1976 ثم المركبة باث فايندر عام 1997 وبعدهما المركبات سبريت وأوبرتيونيتي في مطلع الألفية.

أبحاث المركبات الفضائية لاستكشاف الفضاء

شارل العشي: وأنا من أول ما بلشت اشتغل هون المختبر كنت تعني عالم بيشتغل بالأبحاث العلمية وكنت أعمل شوية جيولوجيا والأبحاث تبعي كانت كيف بنستعمل (كلمة انجليزية) على الساتلايت يعني بالأقمار الصناعية عشان نقدر ندرس الكواكب إحنا نتعلم الجيولوجيا تبع الكواكب وهيك أشياء وكانت الكوكب ياللي كنت أنا عم بأعمل الأبحاث تبعي كانت الزهرة كوكب فينوس عملنا (Mission) ياللي بعثنا ساتلايت على فينوس عشان نقدر نتعلم كيف الجيولوجيا تبعه ليش الزهرة غير شكل الأرض مع إن كبر الزهرة قد كبر الأرض بس الزهرة كثير كثير سخنة (Temperature) على الزهرة تقريبا أربعمائة درجة يعني كثير فيه صعوبة كنا نتعلم ليش كان فيه تغير بين وأرض ياللي إحنا عايشين فيها إنه والزهرة، قضيت مدة عشر سنين أعمل أبحاث وكنت أنا مسؤول مع عدد من العلماء الأميركان كنا مسؤولين إننا نعمل هذا (Mission) وبعدين بعد ما عملنا هذا (Mission) كمان وعادة هم بيعملوا (كلمة فرنسية) بالولايات المتحدة عدة العلماء بيقولوا شو بدهم يعملوا وناسا بتقدر تقرر أي عالم بيبقى مسؤول عن (كلمة إنجليزية) اللي بيعمله المسيون تبعه مع هذا كانت أول (Mission) عملته وبعدين عملت عدة أبحاث عشان نستعمل الـ(Shuttle) حتى (كلمة إنجليزية) على الـ(Shuttle) عشان نتطلع على الأرض وكمان كنت أنا يعني عملنا (كلمة فرنسية) وأنا أخذت المسؤولية علي وكمان من مدة 15 سنة كمان كنت مسؤول رئيس إكيب عشان ندرس تايتون هذا تاتيون هذا واحد من الأقمار تبع (كلمة انجليزية) وهذا (Mission) (كلمة غير مفهومة) ياللي بلشنا نشتغل عليه من مدة عشرين سنة هلا هي (Mission) بيساتون أعتقد لمدة عشرين سنة من أول من فكر بفكررة شو بدنا نعمل عشان الأبحاث تأخذلها عشرين خمسة وعشرين سنة عشان إنه أول شيء أنه الحكومة الأميركية تعطينا المصاري لما ناسا تعطينا المصاري عشان نعمل (كلمة انجليزية) وبعدين عشان نعمل (كلمة فرنسية) تبع القمر الاصطناعي وبعدين نبعثهم تأخذ لك خمسة ست سنين نوصل على (كلمة انجليزية) ما بتأخذ وقت طويل لأنه كنت عملت كل هذه الأبحاث ويعني كنت أنا مسؤول عدة ها الإيكيب من مدة سبع ثمان سنين لما كانوا بدهم يقرروا إنه الرئيس الجديد عشان المختبر هون لأنه عملت كل هذه الأبحاث وكان عدة (Award) والأبحاث تبعي عملت عدة (Publication) فقرروا إنه يسألوني أنا كمسؤول المختبر بس كل حياتي أنا كنت عم أقضيها هون بالمختبر وكنت عم بأخذ مسؤوليات أكثر وأكثر قبل ما صرت رئيس المختبر كنت أنا مسؤول كل الأقمار الصناعية اللي عم بنعملهم هون (كلمة إنجليزية) أنا كنت مسؤول عليهم بعد كده بـ (Science engineering) عشان أكون رئيس المختبر.

[شريط مسجل]

"
كل المشاريع التي نعملها في ناسا جديدة ولأول مرة وكل مشروع هو مشروع جديد أو اكتشاف جديد
"
شارل العشي: وفي الفترة الأخيرة نلاحظ أشهر زواجا من الآثار وأنه من المدهش أن تثير آثار الدواليب اهتمام هذه اهتمام الراشدين خاصة حين تكون على كوكب آخر وتجعلك تشعر بأنك حقا قد أقلعت وحططت هناك لذا فأنا أشكر كل الذين شاركوا في مهمة المريخ والذين قدموا مساندتهم لنا أعتقد إننا قمنا بإنجاز فريد من نوعه، اللي أنا بأحب فيه هلا مش أنه مسألة إنه مسؤول عن المختبر بس مسألة إنه أنا رئيس الإكيب ياللي عم بيعملوا أبحاث علمية ونجيب ناس يعني تخلينا نكون كثير محمسين ومبسوطين وشو عم بيشتغلوا بعد كل هذا لأنه فيه عندنا خمسة آلاف عالم عبر المختبر يعني مختبر كبير كثير، المهم عشان المركز تبعي إنه نخلي الخمسة آلاف عالم كلهم على طول عم بيفكروا بأشياء جديدة كيف بيعملوا نخترع أشياء جديدة عشان الأقمار الصناعية نبعثهم على أي (Mission) وين بنروح على المريخ يا إما بنحط (كلمة إنجليزية) يا إما (كلمة إنجليزية) على تايتون يا إما هيك أشياء بقت كل هذه الـ(كلمة إنجليزية) ياللي أنا بأنبسط فيها أكثر شيء هلا. الناس بيسألوني هيك بأقول لهم مثل عادة الناس بيسألوني مين بتحب أي بنت من البنات بأحبها أكثر أنا بأحبهم كلهم لا كل المشاريع ياللي بنعملهم هون كلهم عم نعملهم لأول مرة يعني عم نعمل مثل ما نعمل اكتشافات كل شيء كل مشروع هو مشروع جديد يعني عم نعمل اكتشاف جديد، بس فيه مشاريع أصعب من غير مشاريع يعني بيكون يعني بدهم شغل أكثر والأبحاث ياللي بنعملهم والـ(Discovery) بنعملهم بيكونوا أكثر أهمية بقى فيه هلا المشاريع اللي عم بنعملهم هلا في (كلمة إنجليزية) ياللي على (كلمة إنجليزية) على المريخ بقى هؤلاء كثير الناس بيقولوا يعني هذه أول مرة بنحط روفر بهذا الـ(Capability) على قمر على واحد من الكواكب بقى هذا واحد من الـ(Preferred) ياللي أنا بأحبه خصوصي والمشروع الثاني هو تبع كاسيني حول ساترن ما بأعرف هو مضبوط بالعربي ساترن لأنه ساترن حلو كثير يعني فيه عندك الـ(كلمة إنجليزية) والأبحاث ياللي عم بنعملهم والأشياء اللي عم نتعلم الأشياء جديدة عم نتعلم على المريخ وعلى الساترن هي هيك الأشياء أنا بأحبها لأنه عم نكتشف أشياء جديدة وكل يوم بنكتشف أشياء جديدة هذه بتعملها مهم أكثر من غير أشياء وبعثنا هذه (Mission) من مدة تبع عشر سنين ظلت سبع سنين حتى وصلت على ساترن وهلا هي حول ساترن هيك حول ساترن وعم نأخذ صور تبع الـ(كلمة إنجليزية) بس كمان عملنا كان فيه قسم من هذه الـ(Mission) كان مع أوروبا مع (كلمة إنجليزية) ونزلنا إكروم نزلناها بتايتون وتايتون هو واحد من الأقمار تبع ساترن إنه هون بتشوف الصورة طبعا لما نزلناها مع (كلمة غير مفهومة) ولقينا إنه الأرض بتايتون فيه أبحار و(Leaks) يعني كله معمولين من البترول يعني بتكون مثل الشرق الأوسط بس كل هذا على قمر حول ساترن.

[تعليق صوتي]

يتحدث الدكتور شارل العشي بدهشة الأطفال وبرائتهم، الرجل لا يزال مفتونا بزحل وحلقاته الملونة تماما كما لو كان يراها للمرة الأولى ولكنها براءة تخفي دأبا علميا يحبس الأنفاس، فالعشي من موقعه في باسادينا بهوائها النقي كافح خمسة عشر عاما لكي تصل مركبته إلى زحل أقنع الحكومة وحصل على التمويل وشارك في التصميم والتنفيذ والمتابعة وهو الآن يصدر الأوامر على الأرض فتتحرك مركبته على زحل.

شارل العشي: فيه عدة ناس من أصل الشرق الأوسط لبنانية ومصرية من سورية هون بالمختبر عندنا في فيه عندنا تقريبا الـ(كلمة إنجليزية) تقريبا خمسة آلاف عالم وبأعتقد على القليل في شيء مائة مائة وخمسين من أصل الشرق الأوسط، يعني إما تعلموا بالشرق الأوسط وجاؤوا عملوا الهندسة تبعهم هون يا إما أهلهم جاؤوا من الشرق الأوسط وهم من أصل لبناني ومع إنه أنا مسؤول عن الأبحاث العلمية هون على طول أنا بأحب إنه أنا أروح أعمل أبحاث شخصية أروح مع إيكيب (كلمة إنجليزية) ياللي عم بيعملوا أبحاث جيولوجية مراكز بتشبه الأقمار ياللي إحنا بنروح عليها، بقى أنا بأحب أروح أعمل هيك الأشياء الأبحاث الصحراء بمصر والصحراء بعمان هذه كثير بيشبهوا بنفكر شو فيه على المريخ يا إما على الزهرة وكمان كان ناس كثير لما لقوا شو الأبحاث ياللي عم بنعملها قالوا معقول نقدر نلاقي أشياء (كلمة إنجليزية) كيف بنستعمل الأقمار الاصطناعية والصور ياللي بنجيبهم من الأقمار الاصطناعية لنقدر نعمل أبحاث جيولوجية وأبحاث أركيولوجي بقى عشان هيك على طول بأجرب إنه أروح على (كلمة إنجليزية) بقى عملنا رحنا على مصر من مدة 15 سنة ومن مدة سبع سنين ورحنا على عمان من مدة خمس ست سنين ورحنا على الصين بقى أنا بأحب أنبسط إنه اترك المكتب هون ونروح نعمل أبحاث بره السنة الناضي سألوني إنه أكون راح أعطي محاضرات بالـ(Lebanese American university) ببيروت رحت عملت عدة محاضرات واجتمعت مع التلاميذ وبأميركا (AUB) وجامعة سان جوزيف وعدة.. جامعة اللوزية وكلهم إنه أحكي مع التلاميذ وأقول لهم إنه لازم يجربوا على طول يفكروا لأنه بيقدروا يعملوا شو ما بدهم المهم إنه الحكومات بالشرق الأوسط يعطون الإمكانيات والـ(كلمة إنجليزية) يعني يعطون الإمكانيات، أنا لما كنت صغير يعني ما كنت أعرف إنه راح أكون أنا مسؤول على المختبر ياللي هون بس أهلي قالوا لي إنك إذا بتشتغل وهم أعطوا لي كل الإمكانيات يعني كانوا بيقدروا يعني هم كانوا أغنياء كثير يعني أهلي بس أهم شيء عندهم إنه يعلموني يعلموا أولادهم، بقى كثير مهم أنه الحكومات بالشرق الأوسط يعطوا إمكانيات عشان أبحاث إمكانيات عشان شغل إمكانيات عشان علوم عشان كل الناس ياللي يعني (Next generation) هذا كثير مهم.

[شريط مسجل]

شارل العشي: قال لي أحد أصدقائي ذات يوم إن الأشياء الجيدة تحدث ببطء ولكن الأشياء العظيمة تحدث فجأة واليوم أنا أعرف تماما معنى ذلك، وبأعتقد هذه الأشياء ياللي علموني إياها أهلي أنه أشتغل كل شيء ممكن يعني لازم تقدر تشتغل منيح كل شيء ممكن وأنك تكون منيح مع الناس غير الناس على طول أبي كان يقول لي كون مع غير الناس مثلما بتحب إنه غير الناس يكونوا معك أنت فهذه الأشياء ياللي اتعلمتها لما كنت أنا صغير وبلبنان ساعدتني كثير يعني بس هذه أشياء كمان لازم كل الناس يكونوا هيك.

[تعليق صوتي]

ويوما ما سيكون الناس كلهم هكذا كشارل العشي تنفتح آفاقهم لتتسع للاختلاف في الرأي والمذهب والطائفة والعقيدة وتتسع قلوبهم لكل جيرانهم من سكان هذا الكوكب الموغل في الصغر والذي نسميه الأرض، ما من معنى لدى عالمنا اللبناني الأصل لمصطلح المهجر فالرجل الذي قالت عنه ناسا حينما سلمته إدارة معهد الدفع النفاث التابع لها إنه شارك في وضع الاستراتيجيات الكفيلة باستكشاف الفضاء لعقود تالية وهو قائد بالفطرة وصاحب رؤية هذا الرجل الذي يحمر خداه خجلا حينما يذكره أحدهم بأن اسمه يطوف الفضاء مصاحبا لكويكب جوال ابن البقاع هذا يعرف أن التواضع والخيال هما أهم ما يمكن للإنسان أن يتحلى به من فضائل.