بالسخرية والتهكم، ردّ نشطاء مواقع التواصل الاجتماعي على فرض الرئيس عبد الفتاح السيسي ضريبة على تذاكر السفر على المسافرين من مصر، بواقع أربعمئة جنيه للدرجة الأولى (نحو خمسين دولارا) ورجال الأعمال، و150 جنيها للدرجة السياحية.

المغردون أطلقوا وسما (هاشتاغ) "اقتراح ضرايب جديدة" الذي تصدر تويتر في مصر بآلاف التغريدات، وسأل المغردون "ماذا تبقى لم ندفع عليه ضرائب؟".

وكانت عبارة "شخلل عشان تعيدي يا بلدينا" التي جاءت في أحد مشاهد فيلم "سلام يا صاحبي" لعادل إمام، نجمة التغريدات دون منازع، حيث استخدمها الناشطون عشرات المرات.

وغرد أحمد عبد المنعم "فاضل إيه ما دفعناش عليه ضريبة؟ تصدق يا ريس الهواء اللي بنتنفسه لسه ما خدوش ضريبة عليه... اللي جاي أحلى وربنا يستر".

أما حساب (@mezo83) فاقترح في تغريدة فرض "ضريبة على المصريين اللي لسه قاعدين في البلد.. يبقى اسمها ضريبة انت لسه قاعد فيها ليه".

ويغرد حساب (@AkramAyoub) "اعمل ضريبة على الكلام وعلى السلام وعلى الابتسام، واعمل ضريبة على ابراهيم عشان بيشبه أخوه حسام".

ويكتب حساب (@tarekelsawra) في منشور "التوت والنبوت 2015 مع المعلم سيسي كبير فتوات العسكر، ذهب زمن (تسلم الأيادي) وجاء زمن (أيدك على المعلوم)...ادفع علشان تعدي".

ويدعو حساب (@EnasAbusamra) إلى فرض "ضريبة على اللي مسافر وعلى اللي جنب اللي مسافر وعلى اللي يفكر يسافر".

ويغرد حساب (@ahmedqutub26) "بيقولوا يفرضوا ضريبه للي قاعد في الميكروباص جنب الشباك ويسموها (ضريبة تأمل)".

مغردون: ذهب زمن "تسلم الأيادي" وجاء زمن "إيدك على المعلوم.. ادفع علشان تعدي" (رويترز)

الدبابة بالشارع
ويغرد حساب (@ShimaaMohamed85) "الضرائب الجديدة دي ثمن خروجك من مصر سليم، مش تحمدوا ربنا اللي سبناكوا تمشوا كده عادي، ومتنساش تبوس ترابها وتقول تحيا ماسر!!!".

وطالب حساب (@talebat_algenan) بفرض ضريبة على "كل اللي بيقول ان مصر فيها انقلاب عسكري بقيادة عبد الفتاح السيسي، يدفع ضريبة عشان نبطل بقى نسمع انقلاب عسكري".

ويتهم الحقوقي هيثم أبو خليل، السيسي بـ"الفاشل"، ويغرد "أيها الفاشل بدل ما تفرض ضريبة على  اللي عايز يسافر ويأكل عيش أدفعوا 7.9 مليار جنيه ضرائب عليكم". وفي تغريدة ثانية "فرض السيسي لضريبة تخص المصريين بالخارج والداخل قبل انتخابات برلمانهم تكشف استخفافه بردة فعل شعب طالما الدبابات في الشارع".

في السياق يغرد الناشط السياسي شادي الغزالي حرب "ضريبة عشان انت مش مسجون ولا مقبوض عليك".

وعلى طريقة المضحك المبكي يغرد حساب (@Deeb2T) "تفتكر لما تفرض الضرائب على التذاكر نخاف، ده احنا ندفع كاش ونسافر يا باشا، الشباب بيرموا نفسهم في البحر من كفركم".

ويدعو المغرد عبد الله الملا إلى "أن يدفع كل مواطن مصري الخُمس إلى السيسي٢٠٪ من راتبه سنويا عشان هو من أهل البيت وحفيد سيدنا الحسين!".

وفي تغريدة يمزج فيها (عمر سقراط) المزح بالجد، ورد "خبر عاجل" مفاده أن "السيسي يمهل إسرائيل 24 ساعة لوقف الانتهاكات وإخلاء القدس فورا وإرجاعها للفلسطينيين، وإلا سيعلن عن زيادة معاشات القوات المسلحة وغلق محطة السادات وفرض ضرائب جديدة".

ويعتبر حساب (@kamaleltaeeb2) أن كل هذا التهكم والسخرية لن تغير شيئا، ويغرد "المشكلة ان احنا بنضحك وهما بيعملوا الي في دماغهم ولا حاجه موقفاهم!".

المصدر : الجزيرة