عاصم قانصوه.. العمل السياسي اللبناني ج1   
الاثنين 1427/2/12 هـ - الموافق 13/3/2006 م (آخر تحديث) الساعة 14:16 (مكة المكرمة)، 11:16 (غرينتش)

- اعتناق الفكر البعثي والولاء للأسد وسوريا
- مسؤولية اغتيال كمال جنبلاط والحريري
- نصرة النظام السوري والموقف من خدام


سامي كليب: مرحبا بكم أعزائي المشاهدين إلى حلقة جديدة من برنامج زيارة خاصة تنقلنا إلى الهرمل في منطقة البقاع اللبناني، فيما تتوالى الاتهامات ضد سوريا بالوقوف خلف الاغتيالات التي شهدها لبنان طيلة العام الماضي لا تزال قلة من اللبنانيين تؤمن بالعكس، من بين هؤلاء الأمين القُطري لحزب البعث في لبنان السيد عاصم قانصوه الذي وصل الأمر ببعض اللبنانيين إلى حد وصفه بالمندوب السامي السوري في لبنان.

ليس سهلا الوصول إلى منزل عاصم قانصوه فلسبب شخصي أو أمني أو عادي يقطن الأمين القطري لحزب البعث العربي الاشتراكي في ربوع أهله في منطقة الهرمل المحاذية لسوريا والمسافة بين بيروت والهرمل تستغرق حوالي الساعات الثلاث بالسيارة،كنت أقطع تلك المسافة مع فريق التصوير عابرا مناطق زراعية قليلة وأخرى قاحلة كثيرة، فالمنطقة عانت من الإهمال تارة ومن العلاقة الخاصة مع الجوار السوري تارة أخرى ولعل في هذا الجوار بعض البداية البعثية في تاريخ الالتزام الحزبي لعاصم قانصوه.

اعتناق الفكر البعثي والولاء للأسد وسوريا

عاصم قانصوه- الأمين القُطري لحزب البعث في لبنان: يعني بدايات المد القومي بالخمسينيات يعني بعد بينتنا ثورة 1952 يعني ثورة عبد الناصر إلى جانب إنه القيمين على حزب البعث ببعلبك واللي كانوا بسوريا بالجامعة السورية هم زايد حيدر اللي بعدين صار عضو الهيئة القومية..

سامي كليب: بالعراق.

عاصم قانصوه: بالعراق وحسين الشاعر وحسين حيدر وسامي رفاعي ومحمد الساحلي الله يرحمه كمان محمد نايف الساحلي ووسيم جمال الدين هؤلاء كانوا كليتهم محامين عم يدرسوا طلاب بسوريا في هذه الفترة وبحكم علاقاتنا مع بعضنا يعني هن صار في أخذ وعطاء رحت عم أقصد صيدا بعد أحداث.. يعني كنت أنا بالحكمة رحت أنا وأخي غسان العالم على صيدا وتقاتلنا بمدرسة الحكمة من أجل الجزائر يوميتها وليش طلعنا بالمظاهرات وبنطلع بمظاهرات طردوه لأخي غسان طلعت أنا معه على صيدا عملت (كلمة بلغة أجنبية) هناك بس عدت رجعت على يعني (كلمة بلغة أجنبية) عملتها بالرياضيات عملتها بالحكمة هناك بعثية بصيدا وقت ما قالوا بلشت الخلايا غسان شرارة كان هناك كل قيادات اللجنة مصطفي الدندشلي واللي عمل الدكتوراه تبعته في فرنسا..

سامي كليب: يعني تأثير الرفاق كان هو اللي دفعك أكثر من قراءة فكر البعث في البداية.

عاصم قانصوه: ما كان.. يعني كان فكر البعث هو عبارة عن شيء عام يعني ثورة عبد الناصر شو كان عندنا.. كنا نعتبر يوميتها جمال عبد الناصر هو الرئيس الفخري لحزب البعث يعني شايف كيف، هذا المد القومي في ذلك الوقت أخذ كل الناس يعني إذا قلت لك نحن هون فرق بعلبك بس فرق بعلبك البقاع كنا عشرة آلاف بعثي عشرة آلاف بس شو يعني حبيبي أنت كذا بنمشى مع بعضنا صرنا بعثيين.

سامي كليب: كنتم عشرة آلاف؟

عاصم قانصوه: عشرة آلاف.

سامي كليب: بالخمسينات.

عاصم قانصوه: أيوه وهذا اللي يوميتها كل تبعنا شباب..

سامي كليب: صرتوا عشرة اليوم ولا في أكثر؟

عاصم قانصوه: اليوم اثني عشر..

سامي كليب: طيب بعدين عضو فيما بعد عضو في الجبهة القومية عام 1967 التي ضمت منظمة حزب البعث..

عاصم قانصوه: 1974.

سامي كليب: 1974..

عاصم قانصوه: بالأربعة وسبعين مع السيد موسى الصدر..

سامي كليب: واتحاد قوى الشعب العامل وحركة أمل طبعا السيد موسى الصدر ثم بـ 12 حزيران 1980 انتخبت نائبا لرئيس المجلس السياسي للحركة الوطنية وعضو في اللجنة التنفيذية أين كنت خلال الحرب هل قاتلت في الحرب اللبنانية؟

عاصم قانصوه: أنا أصلا ما بأعرف أعتقد بمعنى ثاني إنه أحط أو أقاتل بالمعنى القتال أيام ما أشرفت كان عندنا هون قريب منا معسكر لقوات البعث اللي عملنا منها أخرجنا ثلاثة عشر عملية استشهادية ضد إسرائيل..

سامي كليب: البقاع اللبناني حيث يسكن عاصم قانصوه شكل طويلا منطقة نفوذ وقيادة سوريين تماما كما كان جسرا للزراعات والبضائع السورية صوب لبنان وكان حقلا كبيرا لزراعة حشيشة الكيف ومن هنا قوته ومحنته. وحين وصلنا إلى منزل عاصم قانصوه الذي أرشدنا إليه بصعوبة بعض السكان والمستشفى الحكومي القائم بجانبه والذي لم يفتتح بعد كان القيادي البعثي معتمرا الكوفية الحمراء نفسها التي اعتمرها حين نزل قبل أشهر على رأس تظاهرة حاشدة منددا بالقرار 1559 الداعي لإخراج القوات السورية من لبنان، تظاهر آنذاك تأييدا لسوريا وشجبا للقرار وصانعيه. وهنا في هذا المنزل الفسيح والبارد لولا مدفأة الحطب وجدت صورا كثيرة للرئيس السوري الراحل حافظ الأسد ونجليه بشار وباسل صورة الأسد تتصدر المكان وتبدو أكبر بمرات كثيرة من صورة الرئيس اللبناني لحود فهل أن ولاء قانصوه للأسد أهم من الولاء لرئيس دولته؟

عاصم قانصوه: يعني يبقى الرئيس حافظ الأسد رحمه الله هو قائد لهذه الأمة العربية لفترة طويلة وسيبقى هو خالد، إلى جانب هو الأمين العام حتى هذا التاريخ هو الأمين العام لحزب البعث العربي الاشتراكي الذي أنتمى إليه.

سامي كليب: صحيح لأنه الدكتور بشار الأسد لم ينتخب بعد أمينا عاما.

عاصم قانصوه: إن شاء الله هلا قريبا إذا صار في عندنا مؤتمر قومي قريبا يكون هو الأمين العام للحزب وهذا شيء طبيعي، ليست فقط الصورة هي التي يعني تعطيك مدى ارتباطك ومدى قربك من هذا الشخص أو.. الرئيس حافظ الأسد يمثل حقبة في تاريخ الأمة العربية حافلة بالمآثر والانتصارات ويعني خاصة في حرب تشرين..

سامي كليب: طيب يعني لست مختلفا معك على التوصيف ولكن يعني بتعتبر إنه الرئيس حافظ الأسد هو رئيسك الأول وفيما بعد يأتي الرئيس إيميل لحود حتى لو أنك لبناني؟

عاصم قانصوه: يتغير رئيس جمهورية اللبنانية مش بدي يتغير كان إلياس الهراوي في هذه الفترة وكان رئيسي واليوم إيميل لحود وآخر سوف يأتي آخر بعد إيميل لحود. ولكن بالنسبة يبقى الأساس بالنسبة لي أنا كأمين عام للحزب كرفيق نضال كتب التاريخ حافظ الأسد سوف يبقى هو الأساس في هذا اقل شيء في هذا البيت.

سامي كليب: طيب اليوم أنا عندك يعني حصل على ما يبدو اقتحام لأحد مكاتبكم في منطقة الشمال اللبناني وبعض التكسير هل تشعر بأنك من المهزومين بعد انسحاب سوريا من لبنان وهل خرجت سوريا مهزوما من الأراضي اللبنانية؟

"
ما قدمته سوريا في لبنان مع كل الأخطاء التي رافقت وجودها خلال الثلاثين سنة الماضية هو الذي أعطى المضمون لما يحصل الآن في لبنان ولولاها لما كانت 14 آذار ولما كانت 8 آذار وما كان هناك جيش لبناني.
"
عاصم قانصوه: أنا أقول العكس هو الصحيح، ما قدمته سوريا في لبنان مع كل الأخطاء التي رافقت وجودها خلال الثلاثين سنة الماضية هو الذي أعطى المضمون لما يحصل الآن في لبنان وأعني لما كانت 14 آذار ولما كانت 8 آذار ولا كان في هناك جيش لبناني ولا كان في هناك سحب أسلحة من المليشيات ولا كان حد قادر كان يعمل إعادة اللُحمة إلى الشعب اللبناني وإيقاف الحرب بعد اتفاق الطائف غير سوريا.

سامي كليب: حافظ الأسد هو الأساس وسوريا هي الأهم في تاريخ وحاضر عاصم قانصوه ابن منطقة الهرمل البقاعية وفهمت من خلال بعض ما قرأت وسمعت عن هذا القيادي البعثي المُعتق في لبنان أن علاقته بالرئيس حافظ الأسد لها جانب شخصي وتاريخي ذلك أن سيد دمشق آنذاك كان قد سارع إلى مساعدته حين أصابه المرض وهو في ريعان شبابه.

عاصم قانصوه: أنا والله بدي أذكرك بذاكرة وحيدة يعني اللي أنقذني من الموت وقتها أرسلني بـ 1978 في طيارته الخاصة بعد اجتماع طويل مع أبو عمار عند عبد الحليم خدام بقي شيء 9 ساعات صار معي بالانسداد.. صار معي أتيت بالأذن الوسطى وما عاد في دوخت وما عاد في قادر فوتني على مستشفى الراجي وتاني يوم جاء شقر علي وحطني بالطائرة وبعتني على فرنسا على (كلمة بلغة أجنبية).

سامي كليب: المستشفى العسكري.

عاصم قانصوه: المستشفي العسكري هنا يعني وأنقذني وله إلي الله يرحمه وما بأنسى إنه حط لي قرشين تحت المخدة أنا قبل ما أطلع على باريس هذا إنسان كبير..

سامي كليب: بتتذكر المبلغ اللي عطاء إياه؟

عاصم قانصوه: خمسة آلاف دولار يعني.

سامي كليب: عاصم قانصوه ولد في بعلبك عام 1937 والده محمد كان ملاكا ووالدته من آل ياغي العائلة البقاعية العريقة أيضا وأهله تمام كالكثير من أبناء عائلته هاجروا إلى البرازيل وهو درس في أرقى مدارس لبنان قبل أن يسافر إلى يوغوسلافيا لمتابعة دراسة الجيولوجيا وحفر الآبار ثم أكمل دراساته العليا في طبقات الأرض في رومانيا وأما انتسابه إلى حزب البعث العربي الاشتراكي فكان عام 1953. اللافت سيد عاصم قانصوه إنه هناك ما أطلق عليك اسم المندوب السامي السوري في لبنان هل تعرف من وصفك بهذا الوصف أول مرة؟

عاصم قانصوه: سمعته بس ما بتذكره.

سامي كليب: هل يزعجك هذا التوصيف؟

عاصم قانصوه: مش لأنه يعني ما بيزعجني لأنه ما إنه صحيح يعني أنا ولا مرة يعني حكيت أو سُمح لي حتى إنه أحكي باسم سوريا ولا مرة بكل فترة الأحداث وخاصة وقت اللي كان فيها مثل ما بيقولوا في مداخلات إنك تجيب مدير عام وما لعبت دور أنا لا محل غازي كنعان ولا محل رستم غزال يعني القوة السورية كانت ممثلة بالمندوبين تبعها والمسؤولين السوريين مباشرة..

سامي كليب: الغريب أنه بكل البحث عن أرشيفك لم أجد تصريحا واحدا بخلال أكثر من أربعين سنة تنتقد فيها سوريا، كل ما فعلته كان صحيحا؟

عاصم قانصوه: أنا من إيمان كامل أنا يعني الوقت اللي بلشت يعني بـ 1953 مع حزب البعث بـ 1963 جئت لهون وهرشت شغلي وروحت على رومانيا عملت الدكتوراه ورجعت 23 شباط 1966 وقفت إلى جانب سوريا ضد الانشقاق اللي تبع ميشيل عفلة واللي رواحوا فيها على إيران واللي أرسلهم بعدين بـ 1968-1969، أنا إيه مع هذه المدرسة مدرسة حافظ السد لأنه ثابت إنه حافظ الأسد ثلاثين سنة على سحب وحدة وأنا كنت معه وكان معنا عبد الحليم خدام في ذلك الوقت قبل حتى في الصراع مع صلاح جديد ومحمد حيدر ومصطفى طلاس كنا بالمؤتمر العاشر الاستثنائي أو العاشر كنا مع حافظ الأسد يعني بالتيار إنه وطبعاً مش محبة في بالشكل لا كان عنده مضمون اللي هو الاعتراف بالقرار 242 لما كان في هناك بالمقابل تحرير فلسطين ما بيتم إلا..

سامي كليب [مقاطعاً]: حضرتك لا تزال بعثياً حتى اليوم؟

عاصم قانصوه: نعم.

سامي كليب: يعني شو بيعني حزب اليوم ما هي أفكار البعث التي لا تزال صالحة حتى اليوم؟

عاصم قانصوه: أنا بالنسبة لي حزب البعث هو لأولادي كلتهم بعثيين وإن شاء الله بقدر يكون أولاد أولادي لأنه هذه الاستمرارية أنا بأعتبر حتى هذا التاريخ وفي المستقبل الوحدة العربية هي قوة العرب ما بيوصلوا لحقهم العرب هذه الأمة العربية إلا بوحدتهم.

سامي كليب: طيب حضرتك..

عاصم قانصوه: حتى لو طالت بعد مائة سنة.

سامي كليب: كنت تطالب وحتى لك تصريح بالحرف عام 1985 بالفدرالية اللبنانية السورية يعني وطرح الموضوع أكثر من مرة هل سوريا تريد توحيد لبنان وسوريا ليصبح أو لتصبح الدولتان دولة واحدة كنت مؤيد لهذا الطرح؟

عاصم قانصوه: إذا تمت الفدرالية أما ما كان لا بسوريا كانوا طالبينها ولا كانت هون مطروح الفدرالية اللي كانت مطروحة على مستوى لبنان فدراليات يعني مثل ما كان مطروحة من أيام بشير الجميل يعني المسيحيين لحالهم والشوف وقد يكون هلا مطروح على نفس الشيء

سامي كليب: طيب ألا يزعجك سيد عاصم قانصوه إنه اليوم بعد أكثر من أربعين سنة من العمل الحزبي في داخل حزب البعث إنه تقريباً يعني حامي نفسك في منطقة معزولة جداً في الهرمل وتخشى على حياتك وهل فعلاً تخشى على حياتك وهل هذه نهاية بعثي بين هلالين؟

عاصم قانصوه: أنا أبداً أنا قلت لك يعني أنت شوفت حالياً الآن في حرس في شيء مرافقة في.. الله بيحمينا بالنهاية وبحياتي أنا ما.. لأنه يدي نظيفة بفترة الحرب كلياتها حزب البعث لم يلوث لا بالمال يدي ولا بالدم. أنا بأتحداهم إنه أنا قاتل واحد أو نحن قلت لك قواتنا كانت ضد العمل يعني ضد إسرائيل وبعدين 114 عملية بقلب إسرائيل.. بقلب الجنوب وقتها اللي كانت إسرائيل يعني محتلة الجنوب، نحن مأكلوين مذمومين نحن بنستشهد وغيرنا بيعطوله من هون من الهرمل مناع عطايا وأخوه عملوا عمليات استشهادية بالجنوب روحوا كذا واحد يعني ما أنا هذا الحزب اللي إيه أنا بعدي عندي أمل بعد عندي أمل عن حزب البعث هو الفكر اللي بعدة بيضخ على هذه الأمة العربية الحلم.

مسؤولية اغتيال كمال جنبلاط والحريري

سامي كليب: حزب البعث لم يُلوث لا بالمال ولا بالدم كم سمعت هذه العبارة من الأحزاب والشخصيات السياسية وأمراء الحروب في لبنان، غريب أمرهم جميعاً أو ربما هي الذاكرة تخون، لا بأس فلم يكن هذا قصد اللقاء مع أبرز زعماء البعث في لبنان عاصم قانصوه فالأمين القطري لحزب البعث العربي الاشتراكي كان قد أصبح سيد البعث في لبنان بعد نجاحه سياسياً وعسكرياً وبدعم سوريا في إقصاء الجناح الآخر للبعث المؤيد للعراق بقيادة عبد المجيد الرافعي الذي أمضى جُل عمره هارباً إلى العراق ولاجئ فيه وفي الحديث عن التاريخ وعن حزب البعث لفتتني تصريحات لرئيس اللقاء الديمقراطي ورئيس الحزب التقدمي الاشتراكي وليد جنبلاط يتهم عاصم قانصوه وحزبه بأنه قتل والده رئيس الحركة الوطنية الراحل كمال جنبلاط وعثرت في الأرشيف على وثيقة تأكد أن عاصم قنصوه كان قد حضر آخر اجتماع بين الرئيس حافظ الأسد وكمال جنبلاط قبيل فترة قصيرة جداً على اغتيال جنبلاط؟

عاصم قانصوه: اجتماعه كان يعني نقاش خلينا نقول تاريخي عقائدي وين رايحه المقاومة الفلسطينية وأد إيش أنت يا كمال جنبلاط مثل ما يقولوا لازم تهدي مثل ما يقولوا اللعبة وإنه هاي المسائل الكلام لسيادة الرئيس الله يرحمه.

سامي كليب: حافظ الأسد.

عاصم قانصوه: حافظ الأسد إنه طيب المسيحيين هاو العرب المضبوطين قبل الإسلام كان في عرب هم المسيحيين ومسيحيين لبنان هم اللي حموا العروبة هم اللي المسيحيين أعطوا كل القيادات للأحزاب القومية من ميشيل عفلة لجورج حباشلة لأنطون سعادة يعني كل هذا الكلام كان يعني بالتاريخ وبالسياسة العامة إنه بالنهاية المفروض يعني يسير في هناك مثل ما يقولوا لُحمة والتفاهم وما المفروض نستعين بالأخوة الفلسطينية بالشأن الداخلي نحن اللبنانيين حتى نحسم أمورنا فيما بيننا مرة يروح معه كمال جنبلاط لبعض الكلام صحيح الله يرحمه مرة إنه يعني أنت ما بتعرفهم أنا مجربهم بالـ 59 بأعرف شو عملوا فينا وشو عملنا فيهم هؤلاء إذا ما زتيت عليهم الوحدية الوحدية يعني قنبلة ما بتعرفهم لازم يسير في لأنه هاو المسيحيين ليس بدنا بالنهاية نخسرهم بدكم تعيشوا مع بعضكم بالنهاية لبنان ونحن يعني بأتذكر الكلمة الأساسية إن إحنا بسوريا بنتضايق هاي خسرتنا لبنان إذا ظل هذا الجرح ينزف في لبنان بتأثر علينا بلبنان بتأثر على معنوياتنا وإنبارح حرب تشرين بدنا نواجه هذه الأمة ما فينا نواجهها إلا بوحدتنا إلا بقوتنا.

[فاصل إعلاني]

سامي كليب: لنبقى في قضية كمال جنبلاط لأنه مهمة..

عاصم قانصوه: كمال جنبلاط يعني هذا الموضوع يعني كان يحبه بينتنا ينبسط بقعدته والإطالة لأنه كمال جنبلاط قيمة علمية كبيرة وقيمة ثقافية مثقف كبير مش بس قصة يوجا وما يوجا يعني هاي الشغلات اللي نحن بنشوف أنه هو خارج عن أنه شو يوجا وسياسة..

سامي كليب: يعني كان طبعا من..

عاصم قانصوه: مثقف كبير.

سامي كليب: متعلق بالفلسفات الهندية أيضا..

عاصم قانصوه: والرئيس حافظ الأسد كمان كان بهذا الموضوع كان كثير متعمق اللي حصل نوع من الود ولكن ضله مختلفين على كيفية الحل..

سامي كليب: هيدي قبل شهر من اغتيال كمال جنبلاط.

عاصم قانصوه: تقريبا سبعة وعشرين آذار مش آذار شباط أو يا ثلاثة عشر يعنى، يا سيدي بها الفترة هاي قبل ما يغتال بيبعت الله يرحمه كمال جنبلاط كتاب رسالة من سبعة صفحات إذا بتذكر يعني مع رياض رعد، رياض كان انتقل من عندنا من حزب البعث كان معنا بحزب البعث هو بالستينيات والخمسينيات انتقل على الحزب التقدمي الاشتراكي بهاديك الفترة وصار مثل المقرب من كمال بيه بعت معه رسالة نوع من الاعتذار أو التصحيح لموقفه من هذه القاعدة هناك وبالنهاية بيقول له أنه كان معك حق وبالتالي أنا بعد دراستي المعمقة لهذا الموضوع وما حصل بيننا وبيننا لقيت أنه معك حق وكذا إلى ما هنالك وأنه يعني الفلسطينيين هيو في هناك عندهن يعني عندهن همهن غير الهم تبعنا نحن هاي النقطة أنا بأحط عليها ثلاث خطوط حمر..

سامي كليب: بالرسالة المرسلة من كمال جنبلاط إلى حافظ الأسد؟

عاصم قانصوه: بها النقطة هاي بقلب الرسالة نفاجأ بعد هذه الرسالة أقل شيء تعلن أو انعرفت إلى ما هنالك بينقتل بيستشهد كمال جنبلاط لماذا فيه التنصل من الفلسطينيين أو أقل شيء موقف آخر كان بده يأخذه مع الوقت ..

سامي كليب: يعني بأفهم منك أنه هناك تلميح إنه الفلسطينيين ربما..

عاصم قانصوه: أنه عم ألمح أنا عم بأقول لك شو اللي..

سامي كليب: إنه الفلسطينيين ربما قتلوا كمال جنبلاط؟

عاصم قانصوه: في احتمال..

سامي كليب: بس يقال أنه.. يقال أنه الملف موجود وموجود عند وليد جنبلاط وأنه هناك أسماء ضباط سوريين..

عاصم قانصوه: مش صحيح هاي إلا إذا كان اللي عمله إياه حدا من اللي هلا عن جديد يعني هذا الكلام سمعانه مني كمان حتى وليد جنبلاط وحاكي إنه كنا عند إبراهيم قليلات ببيت إبراهيم قليلات في إحدى الجلسات وقلت له هذا الكلام هذا..

سامي كليب: المعلومات لدى وليد جنبلاط تناقض في الكثير من جوانبها ما يقوله عاصم قانصوه عن اغتيال والده كمال جنبلاط ولذلك فإن الزعيم الاشتراكي اللبناني لم يتردد أكثر من مرة في التلميح إلى سوريا بشأن اغتيال والده ولكن هذا بات شيئا من التاريخ وجنبلاط نفسه قال أنه طوى الملف ثم أن الاغتيالات الأخرى التي شهدها لبنان في العام الماضي طوت ما سبقها لكثرتها ولشدة وقعها على لبنان وعلى العلاقات مع سوريا وأبرز هذه الاغتيالات كان ذاك الذي أودى بحياة رئيس الوزراء اللبناني رفيق الحريري.

عاصم قانصوه: آخر واحد في العالم سوريا لها مصلحة بقتل الحريري شو ما قدم لها إلا كل مليح وما تعاملت معه إلا بالمليح مين اللي جابه على رئاسة الحكومة مش سوريا..

سامي كليب: طيب هذا بالزمان.

عاصم قانصوه: لا بالزمان وضل لآخر دقيقة.

سامي كليب: طيب مين قتله.

عاصم قانصوه: قتله هلا اللي له أنا باقول ظليت أنا أقول دائما أنه مين اللي له مصلحة لتغيير المعادلة حتى بالشارع اللبناني لأنه هذا الجو اللي كان موجود بين لبنان وسوريا وسوريا موجودة بكل مفاصل الدولة والسياسة اللبنانية لمين أساءت؟ أساء للأميركان مجلس النواب كان بأيد السورية الوزارة بأيدي سورية طبعا وإيميل لحود يعني مع كل حلفاء سوريا كان مين اللي طايق من هذا الموضوع بما فيهم الرئيس الحريري مع سوريا اللي ضربوا الحريري طبعا ما بدي أحكي إلا بالتكنولوجيا والقوة والضخامة والشيء اللي حصل وقت الحادثة ولكن بالسياسة اللي قتله هو على رأسهم إسرائيل بتقول لي هلا من الخلايا النائمة طيب دخلك ليش ما بيحكوا عن أي كلمة عن كيفية قتل إيلي حبيقة..

سامي كليب: كيف شو بتعرف؟

عاصم قانصوه: إيلي حبيقة بوجود سوريا بالبلد هون ورفيق الحريري كان رئيس الحكومة وقتل إيلي حبيقة..

سامي كليب: طيب عندك معلومات؟

عاصم قانصوه: كمان سوريا بقول إنه سوريا..

سامي كليب: طيب عندك معلومات تؤكد العكس؟

عاصم قانصوه: ما أنا بأقرأ سياسة أنا كمان أنا هلا ما أنا مني لا عندي لا خبير ولا أنا بأقرأ بالسياسة بدي أقول مين اللي له مصلحة بقتل إيلي حبيقة قتله حتما الإسرائيليين.

سامي كليب: هو للأسف سيد عاصم قانصوه يعني أنا حتى لو ذهبت باتجاه كلامك يعني أي اغتيال حصل في لبنان هناك أكثر من طرف له مصلحة بما فيهم سوريا، أي طرف.. أي شخص يمكن أن يتحدث عن اغتياله اليوم هناك مصلحة مشتركة إذا صحة تعبير أو تناقض مصالح في تاريخ لبنان كله ولذلك يعني إنه أنا أسألك من قتله طبعا الاتهامات كلها اليوم تذهب باتجاه سوريا بالنسبة للرئيس رفيق الحريري، لجنة التحقيق ذهبت بهذا الاتجاه في المرحلة الأولى اعتقلت ضباط لبنانيين طلبت شهادة ضباط سوريين كبار يعني وإلا لماذا كان يوافق لبنان على اعتقال الضباط مثلا؟

عاصم قانصوه: ومع ذلك أنا إذا بيطلع على الضباط اللبنانيين أو على الضباط السوريين أنا عم بأقولها بالجزيرة التي أحترم هذا الصوت الوحيد للآلام اللي بقي لنا بهذه الأمة العربية اللي بعد إنه يقدر يحكي الحقيقة كما هي..

سامي كليب: شكرا.

عاصم قانصوه: أنا أتحدى إنه بقي يطلع على أي ضابط من الضباط اللبنانيين أو السوريين له علاقة بهذا الموضوع له علاقة وأنا مع كلام الدكتور بشار الأسد إنه وقت اللي بده يطلع على.. وما بدي أقول إنه أنا بترك ساعتها تخمين أنا بأنتهي.

سامي كليب: السيد عبد الحليم خدام قال إنه سوريا أساءت بالكلام أيضا لرفيق الحريري رحمه الله وإنه حتى حصل معه نزيف هل حضرتك كنت حاضرا على بعض اللقاءات مثلا التي كانت تعقد بين الحريري وبين السوريين والتي تناقض مثل هذا الكلام؟

عاصم قانصوه: أنا بأقدر أشهد على ما كان يحصل من أكثر من لقاء كنت أروحه أنا معه كان أبو يعرو أو أبو عبده لأنه نفس ذلك بهذا الموضوع..

سامي كليب: طيب بس خلينا نسمي الأسماء لأسمائنا لأنه العرب ما لا يعرفون إنه أبو يعرو وأبو عبده يعني غازي كنعان..

عاصم قانصوه: طيب اللواء غازي كنعان أو العميد رستم غزالي..

سامي كليب: واللواء رستم غزال..

عاصم قانصوه: وقت اللي كنا نروح لعند أبو بهاء يعني عند الشيخ رفيق الحريري الله يرحمه في بعض القضايا اللي تكون متوترة أو دائما كان في كل يوم تقريبا كان في توتر حول طريقة الحكم واللي تهد بيختلفوا على مدير عام لك ولي لا هيك ولا بتصير هيك أما بما يخص بالتمديد هي أهم شيء نقطة النقطة المركزية في الموضوع واللي أركز عليها حتى عبد الحليم خدام إنه كان له موقف من التمديد..

سامي كليب: تمديد للرئيس إيميل لحود..

عاصم قانصوه: تمديد للرئيس إيميل لحود صحيح نحن كمان اختلفنا أنا من الناس اللي من عضو هيئة قومية أنا كنت من المطالبين بالتجديد للرئيس لحود قبل ما يطلع القرار من سوريا يعني من سيادة الرئيس دكتور بشار إنه المطالبة بالتمديد اللي أعلنوا واللي قال له يعلن للشيخ رفيق الحريري في ذلك الوقت دكتور الرئيس الله يرحمه إنه نحن مصلحتنا القومية أن نذهب بالتمديد بكل بساطة وبكل ما حبيت لا مخابطة ولا نزل دم ولا نزل ما أعرف شو مثل ما حكى عبد الحليم خدام، جاء رفيق الحريري في ذلك الوقت ومرق على رستم غزال وخبره شو صار مع سيادة الرئيس بأنه عم بيطالب بالتمديد وشو بدك لنعمل يا سيادة العميد رستم غزالي أنا في أتحملها بتحملها شو بده يقول لوليد جنبلاط أعطيته وعد ما رجع أعطيت وعد للفرنسيين إنه التمديد ما بيحصل في كلام حول جون عبيد يعني مثل ما قال هيك كانت الأمور وقال له أعطيني جمعة زمان حتى أفكر قال له سيادة الرئيس فكر روح فكر هاي جمعة زمان يعني نحن مصلحتنا هيك نحن هذا ضامنينه مثل ما يقولوا للعماد إيميل لحود بدنا نمدد له لأنه المرحلة القادمة مرحلة جداً صعبة على مش بس على سوريا على الأمة العربية كلها.

سامي كليب: هذا كلام الرئيس الأسد؟

عاصم قانصوه: كلام كثير بيعمل حاله وبيطلع على ساردينيا ثابت هو وراجع بالصدفة يعني كنت عند رستم غزالي وقت بيحكي معه من الطيارة شيخ رفيق الحريري..

سامي كليب: رستم غزالي.

عاصم قانصوه: بيقول له كسرت كتفي إذا حط بالحمام وهايدا يعني وأنا جاي على كل قل لسيادة الرئيس هيأ لي موعد بدي أطلع لعنده حتى أقول له أنا موافق على قصة التمديد.

سامي كليب: إذاً وافق على التمديد؟

عاصم قانصوه: طبعاً وافق على التمديد وإلا كل النواب اللي معه كيف وافقوا هلا بيقول لك بالقوة هذا اللي حصل هيك هاي حقيقة ما حصل ما حدا ضربه على يده لا وليد عيدو ولا غنوة جلو.

سامي كليب: طيب حضرتك تقول إنه سوريا لم تكن تمارس وصايا على لبنان طيب شو خصها لتمدد للحود أو تجدد للحود؟

عاصم قانصوه: يعني نحن عم ننسى إنه اتفاق الطائف يعني شو دور سوريا شو الأميركان وشو العرب شو الدور اللي عطوه لسوريا لإعادة الاستقرار والسلم الأهلي في لبنان يعني هو بالسلم الأهلي بيجي بالصلاة بس إنه أصلي بيجي السلم الأهلي في ممارسات وفي مداخلات وتدخلت أيوه طبعاً أنا مع هذه المداخلات ولكن مش إنه بالإساءة لبقية الأطراف في أشخاص اللي كانوا مسؤولين أساؤوا في السياسة تبعتهم لبعض اللبنانيين وأنا ضد هذا الموضوع.

سامي كليب: سيد خدام ذكر العديد من الأسماء التي قال إنها كانت تروج لحملة ضد الرئيس الشهيد رفيق الحريري وذكرك.

عاصم قانصوه: هذا الكلام مش صحيح ما بدي أقول إنه أنا يعني كنت مختلف مع رفيق الحريري الله يرحمه لا أنا أختلفت مع وليد جنبلاط.

سامي كليب: بس مع الحريري كمان.

عاصم قانصوه: وين؟

سامي كليب: عندك تصاريح كثير ضده.

عاصم قانصوه: أنا أتحدى إنه يكون في عندي تصريح واحد ضد رفيق الحريري بهذا المنحى.

سامي كليب: فينا نطلعه.

عاصم قانصوه: أيوه طلعه.

سامي كليب: لبنان بكامله يباع إلى شركة الحريري.

عاصم قانصوه: هاي عن الضرائب.

سامي كليب: لا عنه إن كان بتقول لي ما في أي تصريح أنا مهاجمه فيه؟

عاصم قانصوه: يعني هلا ضرب الحبيب زبيب هاي يعني شو بدنا نحكي على اللي حكوه غيرنا.

سامي كليب: يؤكد عاصم قانصوه الأمن القطري لحزب البعث العربي الاشتراكي في لبنان إنه سينتحر لو تبين إن سوريا هي قاتلة رفيق الحريري وهو ربما يغالي في التأكيد لكن الأكيد هو أن ثبوت مثل هذه التهمة على دمشق لو حصل سيجعل قانصوه وحزبه في وضع معقد جدا وفي الحديث عن الانتحار سألت عاصم قانصوه عن رأيه بانتحار رئيس جهاز الأمن والاستطلاع السابق في لبنان اللواء السوري الراحل غازي كنعان اللواء غازي كنعان انتحر.

عاصم قانصوه: انتحر هلا أنا ما عندي معلومات ليش انتحر ولكن يعني في ضغوطات قد تكون حصلت عليه أو إنه يعني ما بدي أفوت بهذا الموضوع لأنه ما طلع شيء رسمي حول الانتحار.

 

نصرة النظام السوري والموقف من خدام

سامي كليب: حين صدر القرار 1559 حضرتك لبست الكوفية الحمراء ونزلت في الشارع وتظاهرت وقلت ما معناه لبيك يا أسد، هل اليوم سوريا من يشاهدها من الخارج يشعر بأنها على الأقل محاصرة عربيا محاصرة دوليا اتهامات تذهب باتجاهاتها في كل الاغتيالات التي حصلت ربما هي ربما ليست هي ولكن إلى أي مدي يمكن أن تصمد فيما هي عليه وحضرتك هل مثل يمكن أن تقاتل من أجل سوريا غدا هل ممكن أن تحمل السلاح غدا؟

عاصم قانصوه: نحن يهمنا أول شيء بنبلش السؤال من تحت لن نحمل السلاح للقتال من أجل سوريا ليش؟ نحن عندما حملنا السلاح في هدف محاربة إسرائيل من أيام الحركة الوطنية عم أحكي كحزب بعث في لبنان وقبل ما مجيء سوريا على لبنان وحزب البعث في لبنان بالـ 1969 أول شهيد من أجل المقاومة مقاومة إسرائيل كان الشهيد الأخضر العربي معروف أمين سعد.

سامي كليب: الغريب سيد عاصم قانصوه استضفت في هذا البرنامج كل قادة الأحزاب كل شخص يقول لي أول شهيد من عندنا..

عاصم قانصوه: لا أنا عملت التاريخ أنا بأعطي 3 كانون الأول بعد هذا الحديث هلا بيسموها بحيرة البعثية بكفر شوبا محل ما نزلت عليه الطيران الإسرائيلي عشرة هليكوبتر واستشهد هناك وكان مع أخته الخضراء كمان في ثلاثة أربعة من شبابنا كانوا في لأنه بأعرفه كان مدير مكتبي الوقت اللي راح رحنا بقرار أسرة المقاومة كان لسة ما حد يعرف المقاومة.

سامي كليب: طب هذا بالنسبة للمقاومة ولكن غدا هل ستحمل السلاح من أجل سوريا؟

عاصم قانصوه: مش إيش الدفاع عن مين؟

سامي كليب: في حالة تعرض النظام السوري لخطر جدي؟

عاصم قانصوه: جو هناك طبعا بنروح ليش أنا بعثي أنا عضو قيادة قومية.

سامي كليب: هل ستحمل السلاح في لبنان لحماية سوريا مثلا خصوصا لبنان دائما.

عاصم قانصوه: لبنان نحن محميين شعبيا نحن هذا الكلام الإعلامي الكبير إنه الشارع اللبناني كلاته ضد سوريا لا ما هو ضد سوريا.

سامي كليب: حين زرت عاصم قانصوه كان عبد الحليم خدام النائب السابق للرئيس السوري قد أدلى بتصريحات كثيرة معلنا انشقاقه عن نظام الرئيس بشار الأسد أحدثت تصريحات خدام هزة ليس على مستوى الشارعين اللبناني والسوري فقط وإنما في داخل قيادة حزب البعث حتى ولو أن الرجل كان قد ابتعد أو أُبعد عن تلك القيادة وعاصم قانصوه معني مباشرة بما قاله خدام ليس لأنه تعرض هو الآخر لانتقادات نائب الرئيس السوري السابق كأحد المحرضين على رئيس الوزراء اللبناني الراحل رفيق الحريري ولكن أيضا كقيادي في حزب البعث الذي انتسب إليه عام 1953 ثم أصبح سريعا عضوا في القيادة القومية وأمينا قطريا لحزب البعث العربي الاشتراكي في لبنان فكيف ينظر عاصم قانصوه اليوم إلى انشقاق خدام؟

"
تم طرد عبد الحليم خدام من الحزب لإساءته للشعب السوري في الدرجة الأولى والشعب العربي بشكل عام وللموقف الخياني الذي اتخذه بحق حزب البعث
"
عاصم قانصوه: أنا طلبت كعضو قيادة قومية قبل البارحة دعينا إلى اجتماع للقيادة القومية وطردنا عبد الحليم خدام من الحزب لإساءته للشعب السوري في الدرجة الأولى والشعب العربي بشكل عام وللموقف الخياني الذي اتخذه بحق الحزب اقل شيء أنا بأقول بده اقل حق الحزب البعث.

سامي كليب: شو السبب؟ يعني كيف الخيانة؟

عاصم قانصوه: يعني هذا الإنسان اللي هو كان يعني خلينا نقول اليد اليمين لحافظ الأسد واللي كان مسؤول عن كل إذا كان فيه في إساءات إن حصلت في لبنان هو كان المهندس هذه السياسة السورية في لبنان.

سامي كليب: أعطني مثل.

عاصم قانصوه: شو بدي أعطيك الأمثلة كثيرة يعني بكل يعني ما كان يتعين واحد بوزارة بالنيابة وحتى هاه الناس اللي عم بنشوفهم كبروا في كنف عبد الحليم خدام مش بس بكنف سوريا كنف من وليد جنبلاط من مروان حميده لكل هال الناس اللي وكل القيادات السياسية مين بدي نحكي عنه عن نائلة معوض مين يعني أنا وقت اللي بأدي افتح يدي الملف بده تخمين أكتر من ساعتين حتى لأن نكي أد إيش كان يده طايلة عبد الحليم خدام كرئيس اللجنة اللي كانت مؤلفة في وقت من الأوقات من على دوبه، العماد على دوبه والعماد حكمت الشابي وهو كان معهم بفترة الأولى رفعت الدكتور رفعت طلع رفعت ظل هو الأساس.

سامي كليب: تقول إنه كان يقصي سياسيين مثلا من أقصى.

عاصم قانصوه: أنا بدي أقول لك إني حصلت معي يوم اللي سكرت الـ (MTV) " كيف سكرت الـ (MTV

سامي كليب: التي كانت تعتبر تلفزيون المعارضة في ذلك الوقت.

عاصم قانصوه: المعارضة في ذلك الوقت هي وال (LBC) في الاجتماع وفي غذاء واللي عم يسمعني هلا وإن شاء الله يكون صادق ويؤكد من الوقف الـ (MTV) بحضور وليد جنبلاط وغازي العريضي على الغذاء عند عبد الحليم خدام وأنا وأبو ياروا وعبد الرحيم راض ورفيق الحريري والسنيوره.

سامي كليب: اللقاء اللي حصل في بلودان يعني؟

عاصم قانصوه: هذي كان غذاء إحنا دايما كنا نلتقي في هذا اللقاء عند عبد الحليم اللي كيف انطلب يعني لتسكيرة الـ (MTV) اللي لطف الجو إنه ما نروح كمان باتجاه الـ (LBC) هو الله يرحمه أبو يعرو إنه

سامي كليب: مين غازي كنعان؟

عاصم قانصوه: غازي كنعان يعني بده يسكره كانوا.

سامي كليب: بس مين طلب إقفال الـ(MTV

عاصم قانصوه: رفيق الحريري ووليد جنبلاط.

سامي كليب: شو السبب؟

عاصم قانصوه: طلبوا بدو ينهوها يعني بدو ظل لحاله شايف كيف لأنه كان يومتها بعده أبو جمال يعني عبد الحليم خدام هو الإنسان الأول اللي عم يوجه بهذا الموضوع وهذا ما حصل وأقفلت الـ (MTV) في ذلك الوقت صارت بعد كل واحد يتنصل من هذا الموضوع أنا كنت وما كنت وما بأعرف وأول مرة.. وأنا بأتحداهم كليتهم إنه يقولوا هذا الكلام ما هو صحيح من غازي العريضي كنت ضد تسكيرها لا كان موافق وبناء على طلبه وليد جنبلاط والله يرحمه الشهيد رفيق الحريري واللي كان موافق معهم لحليم حد يقول لا هي شوه دخلوا فيها بشار الأسد يعني؟

سامي كليب: رفيق الحريري وليد جنبلاط مروان حميده غازي العريضي كلهم كانون حلفاء لسوريا ثم وُضعوا منذ فترة في خانة الخصومة مع عاصم قانصوه فالقيادي البعثي الدارس لهندسة الجيولوجيا وحفر الآبار صار أحد ابرز مهندسي الهجمات على كل هؤلاء القادة حين بدأت جيولوجية العلاقات على محور بيروت دمشق تهتز على وقع المطالبة بإعادة انتشار الجيش السوري ولكن ماذا عن العلاقات الأميركية السورية هل يخشى عاصم قانصوه من أميركا على مستقبل سوريا ونظامها؟

عاصم قانصوه: الوضع السوري اليوم أقوي من أي وقت كان.

سامي كليب: كيف؟

عاصم قانصوه: سببه هذا الضغط الأميركاني الفرنسي اللي حصل على سوريا شايف كيف بتغيير النظام ومحاولة العقوبات الاقتصادية يعني محاولات اللي عملت وتحميلها قصة دم الحريري اليوم صار فيه التفاف والشعب السوري من أهم الشعوب العربية اللي هي مسيسة بما فيها المعارض بتلاحظ إنه حتى المعارضة لا وقت المقارنة بين الأميركاني بده يجي محل حزب البعث لا يا سيدي إحنا مع حزب البعث أقل شيء إحنا مع بشار الأسد شايف كيف هاي سوريا العروبة السورية اللي مش إنه من أيام حزب البعث فقط هي وطنية تاريخية..

سامي كليب: هذا طبعا في الشعارات ولكن على المستوى الجدي المستوي الفعلي؟

عاصم قانصوه: لا لكن الجيش متماسك ومنظمة شعبية متماسكة الحزب حتى والجبهة الوطنية التقدمية متماسكة يعني في هناك شمولية في

 سامي كليب: يعني الجيش أمام عمل عسكري محتمل مثلا من قبل أميركيين أو أطراف أخري هل سيصمد؟

عاصم قانصوه: كل شيء يعني أنا ما بعرف الوقت اللي بيتخد أي قرار الأمم المتحدة داخلة يعني ما بده يصور في إنه أميركية كل واحد ما بيمشي مثل ما بدي أبجده بالطيران لا طبعا سوري يعني ما قد أميركا.

سامي كليب: عاصم قانصوه كان قد اتهم بامتلاك سيارة كانت معدة للتفجير وهو ينتظر أمر القضاء اللبناني بشأنها وتم الاستماع لشهادته أمام لجنة التحقيق الدولية باغتيال الحريري ويسعى للدفاع عن سوريا رغم غضبة قسم كبير من الشارع اللبناني هذه الأمور وغيرها ستكون محور الحلقة الثانية في الأسبوع المقبل مع الأمين القطري لحزب العبث العربي الاشتراكي في لبنان خصوصا أن مجرد العلاقة الجيدة مع سوريا بات هذه الأيام في لبنان تهمة حيث الحاضر يقتل التاريخ والجغرافيا تبحث عن ترسيم للحدود بين دولتين كان حافظ الأسد يقول إنهما شعب واحد في دولتين.

جميع حقوق النشر محفوظة، الجزيرة