البروفيسور محمد خضرا   
الاثنين 1425/11/29 هـ - الموافق 10/1/2005 م (آخر تحديث) الساعة 17:09 (مكة المكرمة)، 14:09 (غرينتش)

ضيف الحلقة:

محمد خضرا: طبيب جراح

تاريخ الحلقة:

27/09/2002

- الهجرة إلى أستراليا وحصوله على بكالوريوس الطب
- دراساته واكتشافاته في مجال جراحة المسالك البولية

- العلاقة بين الطب والفن عند محمد خضرا

- رؤيته للبنان بعيون المهاجر وروح الانتماء

محمد خضرا: الصوت اللي بيطلع من (Violin) هذا أنا أقدر أعمل له Control، والحياة والموت دولا بيد الله مش بيدنا.

المعلق: برؤيا صوفي ورهافة شاعر يتعاطى الجراحة، وعالم باحث مثقل بعبادة المسؤولية والواجب، فيحملهما بكل مقتضى الحب وفن الأداء بفكر وإبداع.

كقدر الكثير من العلماء لعبت المصادفة الطريفة دوراً في أكبر اكتشافاته في مجال التخصص حقق من خلاله سبقه الطبي على مستوى العالم، حياة يتمازج فيها العام بالخاص، وشخصية يترافق فيها الجراح مع المفكر والفنان بعضهم سَلَماً لبعض.

إنه البروفيسور الجراح محمد خضرا.

مع بدء مجيء المهاجرين إلى أستراليا بعد استقلالها في العام 1900، دار الجدل حول اختيار المدينة التي ستكون العاصمة للقارة، ولحسم الخلاف على اختيار سيدني أم مالبورن قررت الحكومة بناء مدينة تقع بين المدينتين، وهي التي سميت (كانبرا).

من لبنان إلى غانا هاجر والداه، وهناك ولد، وبرفقتهما هاجر إلى أستراليا حيث نشأ، وتلقى تعليمه الذي تدرج فيه وصولاً إلى مقعد الأستاذية في جامعة مالبورن، ويشغل الآن منصب نائب الرئيس لجامعة كانبرا.

سجل إنجازاته العملية والعلمية مليء بالديناميكية واختلاف الأوجه وتنوع البحوث، فهو جراح متخصص ومخطط إداري بارع، ومدرس جامعي مجدد، بالإضافة إلى جوانب أخرى سيطلعنا عليها من خلال استضافته لنا.

ضيفنا هو البروفيسور محمد خضرا.

الهجرة إلى أستراليا وحصوله على بكالوريوس الطب

محمد خضرا: و الله جينا من غانا كان عمري 10 سنين ودخلت على الـ Primary School يعني على المدرسة الأولية هون بأستراليا، ولد وحيد مافيش عندي أخوة، والبابا وماما يعني اشتغلوا.. اشتغلوا كثير ليشوفوني متعلم، طول حياتي كان العلم أهم شيء بحياتنا، يعني العلم هو المهم، هو اللي راح ينقذ الإنسان من إنه يشتغل مثلاً بـ Factory أو يشتغل بـ.. موظف، أو ويشتغل أشغال فيش عنده، العلم تعطي الإنسان اختيار، يعني بيصير بيختار شو اللي بده يعمله، فدخلت على High School بأتذكر مرة كان إجى وقت يعني لندخل على الـ High School ، وإذا نقلنا على منطقة ثانية كانت ممكن إنه أدخل على مدرسة للـ.. للـ Selective Students يعني للـ Students اللي قادرين يعلموا أكثر من هايدا، فوالله أهلي نقلوا البيت كلياته، يعني كنا.. كانوا مستأجرين بمحل، استأجروا محل ثاني بس لعشان أدخل على المدرسة، ففيها تضحية كبيرة كانت يعني، لما أنا وصلت على الجامعة، يعني بأتذكر طول.. طول المدرسة إذا فيه كتاب للمدرسة دائماً بينشرى.. بينشرى أهم من ثياب أو أي شيء، مثلاً بابا كان بيجي من الـ Factory من المعمل على البيت بيتعشى وبس، بأتذكره كان بنطلونه ساعات يكون فيه جورفة، بس مش مهتم، المهم إن لازمني كتاب للمدرسة أهم شغلة، لازمني مثلاً كان المدرسة تروح على excursions يعني رحلات لبره، دائماً كنت أنا مع اللي بيروحوا، بحياتي ما حسيت إنه مش قادر.

بأتذكر البابا كان فيه عنده كثير معنويته، عرفت كيف؟ يعني إذا حتى إذا أنا بدي أروح أشتغل Part time job، مثلاً كل رفقاتي عم يشتغلوا part time job، كان يستصعبها البابا إنه طيب أنت ركز على دروسك، اترك المادة لإلي، من عند هيك يعني جربت، أول Job أخذته كنت أدهن الأسعار على السيارات بمحل بيبيعوا سيارات، شفته ها الزلمة عم بيدهن، قلت له: يا عم، أنا بأقدر أدهن أكثر.. أحسن منك.. قال لي: o.k 50 سنت، يعني بيعطيني 50 سنت إذا بأدهن كل سيارة، والله قبضت 8 دولار، يعني كانوا عظيمين الـ 8 دولار بوقتهم، ورحت على البيت عطيتهم البابا، لأنه هايدول إلك، فالحمد لله دخلت على كلية الطب، وعملت الطب بجامعة اسمها جامعة نيوكاسيل، جامعة نيوكاسيل إحدى من أوائل الجامعات بالعالم بلَّشت تعليم الطب بطريقة غير إنه الواحد يعمل الدروس بالجزء، يعني بيسموها integrated، كل شيء مع بعض، فمن أول سنة بيدخل الواحد على المستشفى من أول سنة بيكون مع patient، مع المرضى، مش بينظر لآخر سنة ليصير مع المرضى، فهايدا طريقة يعني أولاً ركزت على الإنسانية على إنه نحنا كدكاترة، فأولاً.. أول شيء لازم يكون هو الإنسانية، المصاري إذا إجت منيح، إذا أشياء ثانية أجت، بس أهم شيء هو إنه فيه ناس عم بيعانوا وفيه ناس موجوعين، ونحنا وظيفتنا هي الإنسانية.

من بعد المدرسة رحت على.. من بعد كلية الطب تخصصت بالجراحة ورحت على مستشفى اسمها Royal Prince Alfred Hospital، ها المستشفى محافظة كثير، مثلاً مش عنصرية، لأنه اللي قادر عم بينجح، والحمد لله يعني قدرت بس إنه طبعاً ما أرحش على مدرس خاص اسمه مش جون أو جيم أو مايكل أو ماثيو، صعب إنه يرتفع، يعني عدا عن هيك الحمد لله، الله فتحها بوشنا يعني وقدرت إنه أولاً أدخل على الجراحة.

وثانياً: صرت (Senior -lecturer) هناك.

دراساته واكتشافاته في مجال جراحة المسالك البولية

المعلق: بعد حصوله على البكالوريوس في الجراحة العامة بدأ اهتمامه يدور حول تطوير نظم التدريس الجامعي في جامعة سيدني، فأعد دراسة حول ذلك، وقدم أطروحته التي نال بها الماجستير، ثم الدكتوراه في جراحة المسالك البولية، والتحق بعدها بجامعة (نيو كاسيل أوفونتاين) بإنجلترا كمستشار في التخصص، ليعود بعدها إلى (نيو ساوث ويلز) ليكون أصغر شاغل لمقعد الأستاذية في عموم أستراليا.

هاجسه كطبيب وإنسان هو تخفيف معاناة الإنسان الجسدية في المقام الأول من خلال رسالة اختارها وسيل أبحاثه الطبية المتدفق.

محمد خضرا: من ضمن الأبحاث اللي عملتها أهم الأبحاث هي عن أعصاب المثانة، الأعصاب يعني اللي بتخلي الإنسان إنه يكون يقدر يتحكم بالمجرى البولي، وها المشكلة جذبتني لأنه لو واحد فيه عنده مرضى مش قادرين يتحكموا بمجرى البول يعني حياتهم بتصير يئسه، بييأسوا من الحياة، فجربنا يعني أو جربت إنه نشوف كيف نقدر نفهم أعصاب المثانة أكثر، وأهم الأشياء اللي لقيتها هي إنه نوع من الأعصاب Sympathetic Nervous System هايدي عصب مهم كثير، والعلاج اللي عم نعملوا هلا للمرضى عم.. عم نركز على أعصاب فرق من اللي.. اللي لقيناهم، فهلا الفوز الثاني من البحث هو إنه نلاقي أدوية وأشياء يعني نقدر نعالج Sympathetic Nervous System فيها علشان نساعد ها المرضى هايدون، فلما.. لما لقيناها.. ها الـ Finding، يعني كان من بعد سنين بحث، كلية الجراحة هون عطتني (Neoten Prize)، وكمان كلية المسالك البولية عطتني prize ثاني اسمه (The Alban Gee prize) هادول الاثنين يعني كانوا حلوين إن واحد مش أسترالي، مش من ها البلد، بس إنه متعلم بها البلد إنه يحصل عليهم، هادولا، أعلى Prizes بيعطوهم للبحث في.. في الجراحة.

المعلق: وكان للصدفة والطرافة من دور في الاكتشافات العظيمة في حياة العلماء والباحثين، فمشكلة مرض سلس البول الناتج عن ضعف العصب المسؤول أوصلت الطبيب العالم محمد خضرا إلى اكتشاف التشابه الوظيفي لذات العصب بين الإنسان والقطط، محققاً بذلك سبقاً طبياً في علاج المشكلة بإجراء أول عملية تكللت بالنجاح.

محمد خضرا: هو أكثر شغلي.. بجراحة المسالك البولية من نوعين، أولاً: السرطان، السرطان (...) من هون، يعني سرطان الكلوة، المثانة، البروستاتا، فبأعمل عمليات لها الشيء، وأكثر الوقت عم نعمل عمليات شق، بس كمان قادرين نعمل عمليات أو قادر أعمل عمليات بالناظور وبالليزر، وبنشوف المناسب للـ Patient أكثر شيء، المناسب للمريض، وبعدين فيه نسبة كبيرة بالضعف الجنسي، هذا يعني أولاً شيء حساس كثير للرجل، فلازم واحد يفهم نوعية ها الضعف، ليش ها الضعف صار؟ هل فيه حالة نفسية؟ هل فيه حالة جسدية؟ يعني بدو مش بس معالجة الجسم، بس لازم معالجة العقل، فها الشيء يعني المرضى اللي بيجوني فيه عندهم كل أنواع الأسباب لها.. لها الضعف وبنساعدهم.

المعلق: حكاية الإبداع والتطوير مسيرة متجددة في حياة البروفيسور محمد خضرا، ولا تتداخل فيها المحطات على اختلاف تخصصاتها وتنوعها، موازنة عجيبة لا يعتريها الكلل، وجوانب مختلفة لأعمال تتقاسم إبداعه وفكره، يؤديها بكل ما يقتضيه الواجب من حب وفن أداء، طبيب جراح، ومدرس جامعي، ومنظر أكاديمي، وعالم باحث، وعلى الجانب الآخر فهو إداري بارع وواضع خطط منهجية لتطوير الأداء الجامعي منهجاً وطلاباً وتدريسيين، وذلك من خلال منصبه كنائب لرئيس جامعة كانبرا.

محمد خضرا: والله، اشتغلت أنا ودرست بعدة جامعات بأستراليا، اشتغلت بجامعة نيوكاسيل، بإنجلترا اشتغلت بجامعة نيوكاسيل أوفونتاين، اشتغلت في سيدني University ، إحدى من.. أقدم الجامعات بأستراليا، واشتغلت بالـ (University Of New South Wales)، بس اللي جذبني أولاً.. إذا.. إلى جامعة العاصمة جامعة نيوكاسيل.. جامعة كانبرا هون، اللي جذبني إليها إنه جامعة جديدة، فيه تحميس، فيه حرارة، فيه استعداد للتغيير، ومثلاً هلا، هايدي جامعة عمرها عشر سنين، جامعة كانبرا عشر سنين، ولكن بعد العشر سنين Already وصلت إلى سابع جامعة بأستراليا من ناحية البحث والـ Development يعني Development and research، البحث كل أكاديمي هنا عم بيحبب برات الحكومة أكثر من 70%.. 70% من الـ income، يعني هلا مثلاً فيه عندنا جامعات بأستراليا معتمدين 100% على الحكومة، نحنا جامعتنا بس 30% من.. من الـincome عم بيجي من الحكومة بقت نحنا عم نقبضه من (inter.. Prizing) من (inter.. activity) يعني، فها الشيء جذبني.

وثانياً: إنه المنطقة اللي أنا فيها هي Science and design العلوم والهندسة، فأنا نجرب نكبرهال Area.. هلا خلقنا مدرسة جديدة.. جديدة، اسمها School of Health sciences يعني مش بس للطب، بس للممرضات، لـ Physio therapy ، للـ Sport.. للرياضة يعني، للسيكولوجي، درس النفس، يعني كل الأشياء الـ Clinical.. الـ Medical عم نعملها بها الجامعة، هلا بجامعة ثانية إذا واحد بده يعمل ها الشيء بأؤكد لك تأخذ سنة، سنتين، ثلاثة، أربعة، صار لي، 6 شهور هون خلقنا already 3 مدارس جداد، فها.. ها الحرارة هايدي ما بتوجد محل ثاني.

العلاقة بين الطب والفن عند محمد خضرا

المعلق: تتمازج الحياة بوجهيها الخاص والمهني العام عند الطبيب محمد خضرا، ففي أوقات الفراغ يسعى من خلال الفُرشاة والألوان والعزف على آلة الكمان إلى ما يعينه على الإحساس أكثر بمسؤولية المهنة وإنسانيتها، فينتج من خلال هذه العلاقة ما بين الفرشاة والألوان ومبضع الجراحة والوتر الموسيقي حالة تصعيد فني تنم عن حساسية تجاه الواقع، وهنا تبرز نصف الإجابة عند سؤال العلاقة ما بين الطب والفن، سؤال يعرف محمد خضرا الإجابة على نصفه الآخر.

محمد خضرا: فساعات بيسألوني الناس طيب ليش عم تركب على حالك ها الضغط إنه تلعب instrument صعبة مع الأضغاط اللي علينا already، مثلاً بأشتغل ساعات 100 ساعة، 120 ساعة بالجمعة، عم نشتغل بس بالجامعة أو بهايدا، وبأفكر لأنه لما بيجرب يلعب الـ Violin الواحد تركيزه 100% على الـ Violin، هلا طريقة تفكيري بتتغير لما تكون عم بتعلم الـ Violin أو بيلعب بالبيت موسيقى حاببها تفكيره الواحد بيتغير، هلا طبياً نعرف إنه اسمها Alfa Waves، هايدول اسمه Alfa Waves اللي بيصير بالعقل يعني بيصير فيه نوع من الـ Relaxation، وفعلاً من بعد مثلاً ساعة أو ساعتين Sketching، إذا لأ أنا بأرسم كمان، بأحب الرسم، وخاصة كمان من كل الـ Arts اللي نقيته هي الـ Water color، هلا الـ Water color يعني الرسم بالمي كمان صعب كتير، لأنه ما بيقدر يمحي، مثلاً إذا عم بترسم بالزيت بتقدر إذا عملت غلطة بتحمي، وبتجرب كمان، بالمي متى ما اللون (ضئر) الصفحة بقي، ما عادش بيقدر واحد يقيمه أو يمحيه أو يزيد على الموجود، ففيه يمكن نوع من الكنترول على ها الأشياء يمكن لأنه لما نعامل أو أم.. أم نشتغل بالمريض ما فيش عندنا Control، صحيح يعني مثلاً عم بأعمل عملية بس الباقي على.. بيعتمد على جسم الإنسان، بيعتمد على الله -سبحانه وتعالى- مش أنا، مش بأيدي أنا اللي بيصير، ولكن اللون اللي بأحطه أنا على الصفحة هايدا أنا عندي Control عليه، ها الوحيد اللي قادر أعمل له Control، أو الصوت اللي بيظهر من الـ Violin هايدا أنا قادر أعمل له Control، إذا اشتغلت وجربت بأقدر أحسن ها الـ Control أو أحسن Skitches اللي بأعملها، بس لو واحد مع Patient أو مع مريض فيش Control بنجرب قد ما فينا، وساعات ها الفقد Control، فقد السيطرة على المرض مؤلمة كثير، خاصة لو الواحد فيه عنده علاقة مثلاً، فيه.. فيه مرضى بنشوفهم من سنين، سنين بنكون معاهم قبل ما.. قبل ما مثلاً بيموتوا أو قبل ما.. ما يصير فيه بحياتهم شيء مؤلم، وبنشوفهم من سنة لسنة.. لسنة.. لسنة.. بوجعهم، عم بيمارسوا أمراض يعني واحد ما بيتمناها على أكبر (عدو فيه) عنده، فهايدا هي يعني أكيد سبب، مثلاً فيه عندي زملائي جرَّاحين تانيين مثلاً كمان بيلعبوا الـ Violin، أو بيلعبوا البيانو، أو بيلعبوا جيتار، وأكيد في ها النوع من السيطرة، إنه لازم على القليل يكون فيه جزء من حياتي أقدر أسيطر عليه، والمرض والحياة والموت دولا بيد الله مش بيدنا.

رؤيته للبنان بعيون المهاجر وروح الانتماء

المعلق: الذكريات وألفة المكان وساكنيه أو العرق وصلات الرحم ربما تكون هي المحددات التي تشكل عمق الجذر والانتماء لدى المهاجر، فتحدد الاتجاه الذي يسلكه الحنين إلى الوطن والأمة، غير أنه وهو المولود في المهجر ولم تطأ قدماه أرض الأجداد إلا مرة واحدة يرى وبعين مهاجر، ملؤها الطموح، محطاتها النجاح والثقة بالنفس رؤية في الانتماء والمرجعية قد تبدو خاصة.

محمد خضرا: والله فيه أسباب عديدة ليش الناس بتترك بلدها وبتذهب لمنطقة ثانية؟ أو بيلاقوا إنه مثلاً ما فيش فرصة ببلدهم، أو بيلاقوا إنه نسبة النجاح أعلى برات بلدهم، أو بيلاقوا إنه يمكن عنصرية ضدهم أقل ببلد ثاني من بلدهم، الله بيعلم يعني ما.. ما بأعرف، بس أنا عم بأحكي من ناحية مغترب شايف لبنان بس جمعتين ثلاثة بحياتي، مش شايفها للبنان يعني، مش خلقان بلبنان أو ربيان بلبنان، بس اللي بأعرفه إنه هون بأستراليا وكمان بأسمع بكندا وبأنحاء العالم التانية، إنه فيه نوع من إذا واحد قادر بينجح، إذا الإنسان فيه عنده Talent ما بأعرف شو Talent، يعني إنه القدرة قادر إنه ينجح؟ ما فيش ها العنصرية الموجودة، مثلاً أنا اسمي محمد خضرا، قاعد ببلد غربية بأستراليا، هلا ناجح الحمد لله، مثلاً إمبارح كان فيه اجتماع كبير للبريسنت بيسموها (بروس بريسنت)، هايدي نص كانبرا فيها، هلا أنا انتخبت أو انتخبوني President تبع ها الـ Association، فمثلاً الـ (بروس بريسنت) هلا فيها عدة جامعات، وaustralian institute of sport وفيه عندنا Calberry hospital مستشفى كبيرة يعني، وجامعة ثانية اسمها Canberra institute of technology، كلياتهن هايدول بها الـ Association، وأنا President of that association، طيب معناته هلا هون إنه مافيش عنصرية ضد إني مسلم أو إني لبناني، لأ، فيه إنه هل قادر تعمل ها الشغل؟ تعمل ها الشعل، هلا أنا مفتخر كثير إني لبناني، مفتخر كثير إني مسلم، بس كمان مفتخر بأني أسترالي، لأنه قادر أجمع بين لبنانيتي وبين أستراليتي، وها.. ها الجمع هايدا بيساعد كثير بأنه الواحد بيستقلم بها البلد، مش حاسس حالي إنه لازم دائماً اختار بين واحد والثاني لأ، أنا لبناني، أنا أسترالي، ولازم نكون هلا بالقرن اللي إحنا عم نواجهه لازم يكون فيه نوع من الاتحاد، نوع من الوحدة كعالم مش كهايدي بلدي، أو هايدا مش بلدي، هايدي نظريتي.

المعلق: هو العلم وصنوه الإيمان عندما يكونان رفيقا درب العالم، ومن المسافة فيما بينهما يظهر الحد الفاصل بين العقل والغيب، فتدرك النفس يقيناً عند الاكتشاف أن ثمة مجهول كثير فترتدي ثوب التواضع والرحمة، حين يدرك الإنسان قدرة الله في خلقه، وفضل الإنسان على الإنسان، ومع العلم وفي مفازات طريقه يظهر ما لم يكن في الحسبان، قدر يطل فيخضع العالم الطبيب لأصعب امتحان.

حسن خضرا (والد محمد خضرا): من خمس سنين تعرف إن محمد ابننا تلفنَّا وقال إنه اكتشف إنه معه مرض تضخم بالغدة الدرقية، مرض سرطاني، فطبعاً يعني كأم وأب تحسرنا كثير عليه، وبعدين صرنا ما.. ما بيدنا حيلة، دخل طبعاً أحسن مستشفى وأحسن دكتور بأستراليا كان عم بيعالجه، ونحنا عم ندعي له ليل ونهار إنه الله يشفيه ويكون معه، لأنه ما بيستحق إلا كل خير يعني، رضانا بيقولوا رضا الله من رضا الوالدين، والحمد لله الوالدين كانوا راضيين عنه من أول ما خلق إلى آخر عمرهم يعني إن شاء الله، يكون من المرضيين الراضين، لكن المرض الحقيقة صعب، يعني الإنسان.. يسمع بولد وحيد عنده، عنده مرض، بس المؤمن ربنا -سبحانه وتعالى- بيبلوه..، الحمد لله ربنا صبرنا من كثر ما دعينا له، ونحمد الله ونطلب منه -إن شاء الله- الشفا التام والعاجل إله من غير يعني أي مضاعفات.

ونحمد الله إنه هو كان يعني مش حافظ للجميل إلى أكثر من الجميل، يعني الشغلة ما بينسهاش، أول معاش استلمه بإيده من المستشفى، أخذ أمه وقال.. وقالنا نروح على شركة كبيرة يشتري لنا أغراض يعني ملبوسات وغيره، مثل ما كنا نعمل معه نحنا.. بإفريقيا إنه.. على الأعياد وعم نأخذه على شركة، نقول له: نقي اللي أنت بدك إياه، فينقي هو يختار ما نقول له لأ، ما نعاتبه أبداً، فعملنا.. عملها معنا وأخذنا على شركة صار يعني نقينا اللي بدأنا إياه، الحمد لله.

المعلق: هي رحلة العمر محطات من هنا وهناك، هي النفس بما فيها من أشياء غائرة يموت معناها حين تقال شفاهاً فتجيء اعترافاً بفضلٍ وسداد دين، هي البركة كبساطة رغيف الخبز ومعنى الصلاة.

جميع حقوق النشر محفوظة، الجزيرة