- جنوب لبنان.. رواية الحي والميت
- الجولان.. الهروب الشائك
- نهر الأردن.. العبور الصعب
- رفح.. قصة مدينتين

هاني بشر

خليل رمال

أمين حطيط

مدحت صالح

جان جاك فريزر

فوزي السمهوري

هاني بشر: أرض ككل الأراضي خلقت مبسوطة فأقام الإنسان ستارا معدنيا وسماه الحدود، أمتار قليلة بين سلك وآخر، مسافات شاسعة يطوقها السياج، خيوط دقيقة يحرسها الجندي في مهمته ويرسمها السياسي على خرائطه الملونة، لكن تبقى حكاية الإنسان المعايش للسياج قصصا تروي الواقع والتاريخ. إنها نظرة من ضفة غير محتلة نحل معكم فيها ضيوفا على جغرافيا الحزام العربي من قرى وبلدات تطوق خاصرة بلد في هذا الاتجاه.

جنوب لبنان.. رواية الحي والميت

خالد الأسمر/ لاجئ فلسطيني في لبنان:

طلينا على الديرة وعدنا

وهبت بالقلب نار وعدنا

يا رب البيت لا تضيع تعبنا

رجايا فيك نرجع للبلاد

فلسطين عزيزة كثير وما راح ننساها ولا نتناساها مهما كلف الزمن.

مشاركة: شو جاي تعمل يا حاج؟

خالد الأسمر: والله جاي كحل عيوني بتراب فلسطين وأرضها. يعني هي البلد هي اللي مقابيلنا اللي قطعوها اليهود وأخذوها هي نفسها البلدة الضهيرة؟

مشاركة: نفس البلد بس نحنا هون الضهيرة وهونيك مزرعة العراوشة إي وكلها قرايبنا إلنا يعني وكلها عيلتنا بس..

خالد الأسمر: وممنوع حدا يروح عليها هي الأرض.

مشاركة: ممنوع لا حدا يشوف ولا نشوفهم ولا هي، حطوا شريط جوات شريط.

خالد الأسمر: بيعين الله. وبلدكم مقسومين أهل عن قرايب وما حدا يقرب على حدا؟

مشاركة: طيب شو بدنا نعمل..

خالد الأسمر: ولا شيء.

مشاركة: والله لا منعرف عنهم شيء ولا بيعرفوا عنا شيء.

خالد الأسمر: ولا رسائل ولا..

مشاركة: لا لا أبدا. بدك تروح يا حاج على فلسطين يعني؟

خالد الأسمر: نفسي. أرضي. وهلق يمكن صرنا على طرف الشيخوخة، وكمان لبنان تحمل، تحمل بما فيه الكفاية مننا، ستين سنة إحنا إلنا بلبنان زرعنا ونشأنا ودمرنا وتدمرنا بلبنان. خالد الأسمر مواليد فلسطين بلدة ترشيحا، خرجت سنة 1948 مع أهلي طفل صغير وانتمينا للمقاومة. صارت سنة 1982 ورحت على فلسطين تعالجت مع اللجنة السويسرية عبر رأس الناقورة، أنا عبرت عبر التسريح مع لجنة سويسرية عبر رأس الناقورة ومن رأس الناقورة دخلت نتانيا، عكا، حيفا، إلى وصلت إلى مستشفى أورشليم. وهناك تم الرفض بالعلاج لأنه ما عطيت صورة واضحة زي ما بدهم هم، هم سألوني أنه أنت بتعترف بالحكومة العبرية، قلت لهم لا. لما صار التحرير بالجنوب صرت أطلع على القرى يعني مثل هذه الطلعة وأشوف فلسطين أكحل عيوني بس ما شفتها. أنا ما اخترت ولا مخيم، أنا مثل ما قال الشاعر يوسف الحسني

رندح مثلما طرب

اليوم عرسك في منشية العرب

العرب أنشؤوا لنا هذه المخيمات. نحنا من وين كنا من الأساس جايين؟ إحنا أهل مدن وأهل قرى وأهل بلاد، فلسطين معروفة، أرضنا ومعروفة بلادنا ومعروفة جنسيتنا، بعد معنا الجنسية البريطانية، اللي بتعترف بوجودنا أنه إحنا فلسطينيين، مفاتيح البيوت بعدها معنا.

هاني بشر: الرشيدية أحد المخيمات الفلسطينية في جنوب لبنان، بيوت للاجئين مؤقتة منذ ستين سنة، هو أقرب مخيم للحدود يرى من على ضفاف شاطئه معبر رأس الناقورة. مضى زمان الوصل عبر تلك النقطة الحدودية فلم يعد باستطاعة أحد من اللاجئين الفلسطينيين العبور بنفسه أو تحت إشراف دولي للعلاج أو لزيارة قريب، وأضحى المعبر ملحا أجاجا لا يروي ظمأ العطشى لتراب الوطن. ذلك المعبر المغلق اليوم لا يفتح إلا في عمليات تبادل الأسرى أو لعبور جنود ذوي قبعات زرق صاروا معلما من معالم السياج في لبنان.

علي رمال/ من سكان بلدة العديسة الحدودية - لبنان: لأنه مع أنها أرض محررة وما فيهاش احتلال إسرائيلي وأرضنا بعدها فوق كلها لنقدر نطلع لفوق هم واقفين هونة كرمال ما يخلوا حدا يطلع لفوق، بدنا نأخذ إذنهم بالأول هي إذا سمحوا لنا. هيدي بالحالات العادية ممنوعة بس لو ما إنتو معنا كصحافة أو أي صحافة بتجي معها إذن لحتى تقدر تطلع لفوق، هيدي منعاني منها أرضه الواحد مسجون ببيته حتى أنه ما بيقدر يضهر يطلع على أرضه يعني سجن جوات سجن جوات سجن، سجون متداخلة بس بدون شريط هيدي.

خليل رمال/ مختار بلدة العديسة الحدودية - لبنان: والله صعبة، صعبة هالوقفة.

هاني بشر: يقولون إن الاحتلال نوعان نار فوق الأرض ونار تحتها، وعلى خط أزرق من صنع البشر تكون الحدود، من أمامه توقف إطلاق النار وانسحب الجنود ولكن الرمال هنا حبلى بنار أخرى قد تهلك الحرث والنسل وتفصل البشر عن أرض لهم وليست لهم.

خليل رمال: كل أهلنا كانوا يشتغلون بفلسطين وكل تجارتهم وكل شغلهم وكل أملهم كانوا لأنه حدودنا على حدود فلسطين، كل حياتنا كانت بفلسطين، من الـ 67 لليوم مش قدرانين نزرع لا شقفة أرض ولا شيء اللي هي متاخمة للحدود الإسرائيلية ما منقدر نزرعها. بسنة 1987 أخذوا جزء كبير قطعوا من عديسة جزء كبير اليهود الإسرائيليون، ظلينا باقين لسنة الـ 2000، بالـ 2000 تحررت الأرض، وقت اللي تحررت الأرض رجعنا على بلدنا. فاللي بتأمله أنا تنظر فينا هلق اليوم يتطلعوا فينا اليوم يتطلعوا بهالبلاد المنتشرة على الشريط الحدودي اللي هي متاخمة للبلد اللي تسمت إسرائيل، أنه شو كيف بدها تعيش أولادنا وأولاد أولادنا؟ عالقليلة هالأرض اللي هي مزروعة بالألغام، طيب قيموا لنا الألغام وسلمونا أرضنا لأنه اتحررت أرضنا سنة الـ 2000 واعترفت فيها جميع دول العالم لحد اليوم، شو السبب بعدها تحت الألغام؟ هل في احتلال للألغام؟!

هاني بشر: لا ألغام هنا فهناك من يتكفل بصد من يفكر في تحدي السياج والعبور؟ ولم لا، فها هنا أيضا يفعل هذا السلك أفاعيله حتى في الموتى. إنه مشهد نادر الحدوث قبر مقسوم إلى شطرين، يقول أهل تلك الضفة أن المتوفى رجل صالح اسمه العباد، كان لبنانيا خالصا حتى إن تقسيم الأرض الأول سنة 1920 لم يسلبه لبنانيته ومن تقسيم إلى تقسيم تبدلت الأحوال وقد اكتشفوا من جاؤوا إلى الضفة المقابلة أن الولي من حكماء اليهود، وأضحت الروايتان وبينهم القبر جزءا من معركة ترسيم الحدود على خرائط السياسيين بعد الانسحاب الإسرائيلي من جنوب لبنان عام 2000.

أمين حطيط/ قائد سابق بالجيش اللبناني: الخريطة هيدي إحدى الخرائط اللي استعملتها أثناء عمل التحقق من الحدود واللي أثبتت عليها الانتهاكات الإسرائيلية وقتها. خط الحدود الدولية يمر في رأس المرتفع، إسرائيل حتى تمارس خداعها المعهود أقدمت على قطع رأس المرتفع وأقامت سهلا برأيها بتمهيد الأرض على رأس المرتفع وإزالة حوالي عشرة أمتار من العلو تستطيع أن تغتصب حوالي ثلاثمائة متر من المسافة في الأرض اللبنانية. نحن بما نملك من تقنية ومعرفة بالأرض ألزمنا إسرائيل بالعودة تباعا تباعا وتمسكت في الأخير بخمسة عشر مترا بالعباد، خمسة عشر مترا. فأجرينا القياس بالوسائل العالية الدقة، عندما ذهبنا إلى الأرض لنضع الخط وفقا للقياس تبين أن هذا الخط يمر على سطح المبنى أو الغرفة التي يدعي الإسرائيليون بأن هناك أحد حكمائم رافي آرشي مدفون فيها، فقلنا طالما أن الخط مر على سطح المبنى فليكن هذا الخط الذي يقسم المبنى خِمْسَين إلى إسرائيل وثلاثة أخماس إلى لبنان هو الخط الفاصل بالحدود، وهكذا تم.

هاني بشر: هذه المنطقة تشمل الآن الجولان..

أمين حطيط: الجولان. هذه النقطة، الغجر، هي مثلث، نقطة اليمين فلسطين المحتلة، اليسار لبنان، في المواجهة شرقا سوريا، والسلسلة الأرض هناك هذا الجولان المحتل، عنّا الحركة الأولى هيدي مرتفات كفرشوبا، حركة الأرض الثانية هي مزراع شبعا، حركة الأرض الثالثة هي الجولان المحتل، والقرية الموجودة في الجبل هيدي مجدل شمس هيدي قرية سورية محتلة وتقع ضمن الجولان المحتل.

الجولان.. الهروب الشائك

" الاحتلال الإسرائيلي زرع منطقة الجولان بحوالي أكثر من 76 حقل ألغام، قسم كبير من حقول الألغام إن كانت فردية أو مضادة للآليات هي بجنب بيوتنا "         مدحت صالح

مدحت صالح/ أسير جولاني سابق: طبعا هذه اللحظات اللي واقفها أني هون بموقع عين التينة عم بتذكر لحظات عبوري لخط وقف إطلاق النار، وأنا هي عم بشاهد المنطقة اللي عبرت منها بعام 1998، وهذه لحظات مؤلمة، طبعا هي اللحظات اللي عبرت فيها خط وقف إطلاق النار يوم وضعت خطة لأني أقدر أعبر هذه المنطقة قبل حوالي عشر سنوات لما وضعت سلم خشبي على الجدار الإلكتروني الفاصل ما بين الأرض المحتلة وما بين الوطن، هذا السلم الخشبي اللي عطل كل منظومة الأجهزة الإلكترونية الإسرائيلية اللي واضعينها بالجدار الإلكتروني وهذا اللي هو جننهم. دائما كان يدور في ذاكرتي أو في مخيلتي أهلي إخوتي أصدقائي اللي كانوا معي بالأسر رفقاتي اللي ما زالوا داخل السجن، هودي أنا كانوا في خلال مسيرتي أو في خلال العبور أنه عم بتخيلهم. طبعا بعد ما عبرت بفترة قصيرة اكتشفوا العبور الجيش الإسرائيلي وجابوا إجت الدوريات الإسرائيلية والطيارات وبلشوا إطلاق نار وضرب القنابل المضيئة فأصبحت المنطقة مثل كأنها مثل وهي الشمس طالعة من فعل القنابل المضيئة. طبعا لكن أنا كنت قاطع مسافة يعني الحمد الله بمسافة كبيرة شوي يعني صرت يعني بمنطقة قلب جبل الشيخ منطقة نوعا ما يعني بمنطقة أمان لحتى سلمت حالي للجهات المعنية بالوطن هونة بهي المنطقة. العمل كان طبعا عمل هو الكفاح المسلح ضد القوات الإسرائيلية في الجولان. كنا تحت عبارة بدي أختصرها كنا كنا نحاربهم بأسلحتهم، الاحتلال الإسرائيلي زرع المنطقة الجولان بحوالي أكثر من 76 حقل ألغام، قسم كبير من حقول هذه الألغام إن كانت فردية أو مضادة للآليات هي بجنب بيوتنا وبجنب قرانا وبجنب أراضينا فكنا هذه الألغام إحنا نجي نفك هذه الألغام، طبعا من دون ما حدا يعرف كان أعمارنا بين الـ 16، 17، 18 نفك هذه الألغام ونرجع نعيد زراعتها بطريق الدوريات الإسرائيلية. طبعا هي النقطة آخر نقطة ممكن أوصل لها مقابل قريتي وضيعتي اللي هي مجدل شمس. طبعا هي في شيء ألم بداخله الواحد أنه على بعد أمتار قليلة من قريته ومن أهله وما فيه يشوفهم، يعني أمي أو أبي أو أخوتي أو أصدقائي أو هالضيعة اللي ربيت فيها أني بأتطلع عليها من المنظار أسّه بشوف شو فيها تطورات شو فيها إلى آخره من أمور وما فيي روح عليها بحكم أنه هي موجودة تحت الاحتلال والاحتلال هو اللي بيمنع، فهذا الشيء يعني مأساة حقيقية بيعيشها الإنسان بداخله، بالفعل شيء لا يوصف، يعني هي اتطلعوا بيت أختي هي بعيد عن خط وقف إطلاق النار بيطلع شي عشرين متر يعني وما فيي روح شوفها. طبعا هي المنطقة منطقة عين التينة شهدت الكثير من المآسي ومن الوفيات ومن النضال والمقاومة على مدى فترة الاحتلال الإسرائيلي. هون الأهل بيحكوا مع بعضهم من هي المنطقة.

ميرفت مرعي/ طالبة من الجولان السوري المحتل: الميكروفونات اللي كانت بعين التينة خلص أخذت حقها من الحناجر مشي الحال انبحينا. هلق إجا وقت الإنترنت، الإنترنت كثير أعطى فرصة للمراسلة مع أهلنا جوّه، فأنا مثلا بأحكي مع أهلي كل أسبوع. أنا جيت على دمشق بهدف الدراسة، دخلت الإعلام حابة أحكي أحكي عن قضية الجولان السوري المحتل لأنها حسيتها لدرجة معينة أنها مهمشة. من أسوأ الليالي بمر فيها أنا والعديد من الطلاب طبعا بتكون ليلة كل الأقرباء بيجوا منشان يودعوا الطالب، بيتم عبورنا بشكل كثير منظم، يعني منحاول قديش فينا أنه نكون أقوياء قدام أنفسنا وقدام أهالينا، بس طبعا أنت ما بتتصور وجوه الطلاب الصبح وقت عبورها من الجولان السوري المحتل للوطن الأم والعكس. طبعا في كثير مأساة وهالمعبر بيشهد كثير مأساة وارتوى منيح من دموع أهلنا بالجولان، يعني أنت شوف منظر الأب جاي حامل بنت وعروس لأخيه أو لأخته بيبعث بنته تعبر أخوه قباله يعني مثل ما أني خبرتك أنه هي المعبر الأصفر هون يعني بيكون شايف أنه هالشخص أخوه بس مانو قادر أنه يمر عليه أو يضمه وبعد يعني سنين. طبعا العروس الجولانية أخذت صدى كبير وأنا بيهمني أحكي عنها كوني أنا راح أصير من العرايس الجولانيات اللي تغربوا عن أهاليهم، كثير عالم بتلومني أنه على قراري أنه أنا تركت أهلي اللي هم كل شيء بالدنيا. الشغلة اللي صارت التردد أنه للزواج هي الشروط أن العروس اللي راحت قبل عشر سنين كانت رايحة بأمل أنه سنة الجاية أو السنة اللي بعدها والعروس اللي راحت قبل نفس الشيء، فأنه عم ألاقي أن الوضع عم بيزيد مأساة أنه ما في حل.

هاني بشر: في هذا المكان يبدو السياج أقل قتامة من نظيره في لبنان، فها هنا أمل في أن يعبر طالب أو عروس ما يسمى خط الهدنة، ولكنه عبور لا يقابل بالترحاب في كل الأحوال. ما بين الراية والراية وسيط لا تخطئه عين العابرين في كل موسم، فمن ذا الذي ينسى وسيط دخوله إلى الوطن على جانبي السياج، ومن ذا لا يسأله في كل مرة عن حل لمشاكل العبور.

جان جاك فريزر/ مدير بعثة الصليب الأحمر - سوريا: أتفهم مشاعر الإحباط التي تنتاب الطلاب وأشاطرهم نفس الشعور لكن اللجنة الدولية للصليب الأحمر طرقت كل الأبواب من أجل إقناع جميع الأطراف لإيجاد حل لمشاكل العبور والزيارات. إننا في النهاية لا نملك سلطة فعلية للتدخل وتغيير الوضع الحالي، لقد قمنا بمخاطبة العديد من سفارات الدول المختلفة وكانوا حريصين على أن يلاحظوا الزيارات العائلية تستأنف من جديد ولكن للأسف لم نحرز أي نجاح حتى الآن. إنها مشكلة مستمرة منذ 15 عاما، الوضع كان مختلفا قبل ذلك فحتى عام 1992 كان بإمكان الأهالي في الجولان المحتل العبور إلى سوريا هنا وزيارة أقاربهم لأنه لا توجد عائلة واحدة في الجولان ليس لها أقرباء على الجانب الآخر في سوريا. للأسف توقفت هذه الزيارات وبات من المستحيل استئنافها مرة أخرى، أحد مساعينا الحالية هو إقناع السلطات الإسرائيلية بعودة زيارة العائلات مرة أخرى في المستقبل.

هاني بشر: سياج من الريف يسير مع السلك الشائك من لبنان إلى سوريا، والريف في نسخته اللبنانية أو السورية مودة وتواصل وتصالح مع الطبيعة واستعصاء على الانحناء، تلك مفردات في تناقض دائم مع السلك الشائك وطبيعته وبمعرفتها يقاس مقدار الألم الذي يخلفه الفصل البشري على جانبي السياج.

مدحت صالح: أمي كانت تقول بس ترجع عالشام بدي أمشي حافية على الشام، هذا حكي قبل.. الحكي اللي عم نحكيه قبل 25 سنة فإسّه أمي كبرت وصارت ماعادش فيها تمشي.

هاني بشر: يودع السلك الشائك دور الحرب ليكمل بعد ذلك رحلته إلى الأردن أول دار سلام مع إسرائيل يمر عليها قبل أن يصل إلى مصر.

[فاصل إعلاني]

نهر الأردن.. العبور الصعب

مشاركة: أنا من مدينة رام الله ما بآجي كل سنة لأنه صعب يعني الوضع الاقتصادي ما بيسمح أنه كل سنة الواحد يطلع يعني، كل سنتين ثلاثة منطلع مرة، بس بأتجنب أنه أطلع بالصيف لأنه بالصيف بتكون أزمة وبتكون كثير فش تسهيلات يعني بنضطر ننام بالاستراحة وعالجسر يعني كثير مرات كنا نروح ونر