- مأساة غزة
- العلاقة بين الشعر والواقع
- تأثير الشعر والرهان على المستقبل
- الشاعر بين السلطة والناس
- مواقف وآراء في قضايا الساعة
 |
|
غسان بن جدو | |
 |
|
أحمد فؤاد نجم | |
مأساة غزة
أحمد فؤاد نجم:
فلسطين هي القضية
شي لله وعلى دلعونا
حكمونا ولاد الملعونة
والآخر خانوا ودعونا
للسمسار والصهيونية
شي لله يا الغزاوية
يا وجع الأمة العربية
شي لله وأنتوا لوحديكوا
الله ينصركوا ويهديكوا
ويدمر دولة أعاديكوا
ياما رايحة وجايا
شي لله يا الغزاوية
شي لله ولا عادش رجوع
ويا الخاين والجربوع
الأطفال ماتت من الجوع
والعطشان مش لاقي الميه
شي لله يا الغزاوية
شي لله على أحلى كلام
ناس تصحى والأمة تنام
يعني قفاك يصبح قدام
يا عربي وتركب عربية
شي لله يا الغزاوية
شي لله يا الغزاوي
غسان بن جدو: مشاهدينا المحترمين سلام الله عليكم، بدأنا بـ"شي لله يا الغزاوية" للشاعر المصري و العربي الكبير أستاذ أحمد فؤاد نجم، كان بد أن نبدأ به وتنطلق به حلقتنا هذه لا سيما وقد بدأ بـ"شي الله يا الغزاوية"، "شي الله يا الغزاوية" تتناغم تماما مع الوضع المأسوي الكبير التي تشهده غزة وتشهده فلسطين ونحن معها جميع العرب ونعاني معهم على الأقل بطريقتنا. الشاعر الكبير أحمد فؤاد نجم شاعر الجماهير شاعر الفقراء شاعر المتمردين شاعر الثوار، الشاعر الذي منذ بدأ كان يقول دائما كلا للاستبداد كلا للاحتلال كلا للفقر كلا للتخلف كلا للتهميش. وليس عجبا أن تنطلق حلقتنا هذه مع الشاعر الكبير أحمد فؤاد نجم من هنا من ضاحية المقطم، المقطم ضاحية من أحدى ضواحي القاهرة ضاحية مستضعفين ومهمشين ولكنهم كلهم أناس في غاية الطيبة في غاية الفطرة في غاية البساطة، ربما هي بساطة وفطرة الشعب المصري العريق. والشاعر الكبير أحمد فؤاد نجم اختار أن يكون بين هؤلاء في بيته. ربما الآن تشاهدون هذه الصور الآن من فوق السطوح كنت أريد أن أبدأ هذه الحلقة من فوق السطوح ولكن نحن على بعد خمس طوابق ربما لاعتبارات تقنية حالت دوني وذلك، ولكن السطوح حيث يقطن الشاعر الكبير أحمد فؤاد نجم ويسميها مجلس قيادة السطوح. البداية كانت وقد كان متأثرا بلوركا وتأثر بالشاعر الروسي الكبير مكسيم غوركي وبالشاعر التركي الكبير ناظم حكمت كلهم تأثر بهم الشاعر أحمد فؤاد نجم ولكنه هو بذاته أصبح مدرسة بكل ما للكلمة من معنى. مرحبا بك سيدي العزيز.
أحمد فؤاد نجم: أهلا بك، أهلا وسهلا.
غسان بن جدو: بدأنا معك بـ"شي لله يا الغزاوية"، ببساطة عبرت عما يحصل بشعرك لكن من حيث الموقف ماذا تقول ونحن نشاهد سوية ما يحصل في غزة؟
"
ما يحدث في غزة مذبحة والذين خططوا لها وتواطؤوا وتآمروا عليها لن يفلتوا من العقاب، ولن يستطيعوا إبادة الشعب العربي بكامله
" |
أحمد فؤاد نجم: أقول بمنتهى الدقة والبساطة إن الذين ينفذون هذه المذبحة والذين خططوا لها والذين تواطؤوا عليها وتآمروا عليها لن يفلتوا من العقاب. وباقول للصهاينة إن كنتوا فاهمين إن هو ده السلام اللي أنتوا عايزين تعيشوا فيه؟ يعني ده سلام الجيران؟ أنتوا مش حتستنوا، أنتوا مش حتقدروا تبيدوا الشعب العربي كله، أنتوا كده مش حتستنوا واللي مساندينكم، اللي متواطئين معاكم دول عقابهم حيكون معانا إحنا.
غسان بن جدو: مين اللي مساندين ومين اللي متواطئين؟
أحمد فؤاد نجم: الأنظمة العربية قاطبة، على رأي مظفر النواب "لا أستثني أحدا". أنتوا ركضتوا على أنابوليس لما الخواجة بوش قال لكم تعالوا، عملوا إيه؟ قالوا إيه لبعض في أنابوليس؟ أنت تعرف هم قالوا إيه؟ أنا ما اعرفش هم قالوا إيه، هم متواطئين ومتآمرين، وقاعدين في حماية الأميركان على كراسيهم، بس ده مش حيستمر.
غسان بن جدو: على كل حال هكذا بدأنا بغزة ولكن سنتحدث كثيرا بعد هذا الفاصل. مشاهدينا الكرام أرجو أن تتفضلوا بالبقاء معنا، وقفة نعود بعدها لاستكمال حوارنا المفتوح من المقطم إحدى ضواحي القاهرة مع الشاعر الكبير أحمد فؤاد نجم.
[فاصل إعلاني]
العلاقة بين الشعر والواقع
غسان بن جدو: مشاهدينا الكرام أهلا بكم من جديد في هذه الحلقة، كما قلت في إحدى ضواحي القاهرة من المقطم مع شاعر الفقراء، سفير الأمم المتحدة، بالمناسبة، للفقراء في المنطقة العربية الشاعر أحمد فؤاد نجم. سيدي العزيز ربما سنتحدث عن القضايا السياسية في العالم العربي الآن ولكن هناك مدخل رئيسي، عندما نتحدث عن الشعر والتغيير يعني ما هي العلاقة بين الشاعر الذي يريد أن يساهم في التغيير، سواء تغيير واقع الاستبداد أو الدكتاتورية أو التخلف، ما هي العلاقة الأساسية؟
أحمد فؤاد نجم: هو الحقيقة إحنا شعراء العرب بالتحديد، الشاعر كان نبي القبيلة يعني إحنا أول الناس اللي اهتمينا بالشعر، كان العرب الرحل دول لما يتولد شاعر في القصيدة يقول لك يفضلوا مولعين النار مش عارف خمسة أشهر، بيجيبوا منين الحطب؟ أكيد كانوا بيجهدوا نفسهم علشان يحتفلوا بشاعر القصيدة معلمها ونبيها ومخلدها، مش ده صحيح؟ يعني إيه بني عبس دول لو ما فيش عنترة؟ يعني إيه سيف الدولة لو لم يكن المتنبي؟ لما المسائل تطورت وبقيت الدولة المركزية بقيت علاقة الشاعر بالسلطة بين اثنين يا إما ذهب المعز يا إما سيفه.
غسان بن جدو: طيب هل هذا الشاعر ينبغي أن يكون دائما متمردا ثائرا؟ يعني لماذا لا يمكن للشاعر حتى وإن أراد التغيير والإصلاح أن يكون في علاقة طيبة مع السلطة، لم لا؟ يعني حضرتك مثلا يعني منذ عقود منذ خلقت ربما دائما أنت في خصام مع السلطة، سجنت في عهد الراحل عبد الناصر، سجنت في عهد السادات، طبعا في عهد الرئيس محمد حسني مبارك لم تسجن، ولكن دائما أنت في خصومة مع السلطة؟ لماذا؟ يعني هي هذه رغبتك أم..؟
أحمد فؤاد نجم: لا، لأن السلطة ليست شعبية. أنا عايز أقول لك على حاجة يا غسان، السلطة في الأمة الإسلامية والوطن العربي مستلبة ومسروقة من أيام الإمام علي، من أيام معاوية، السلطة بتتاخد عنوة، ما فيش سلطة بتمثل الناس، السلطة اللي هنا بتمثل الناس السلطة؟ اللي في لبنان اللي هو المفروض يعني أكثر البلاد العربية يعني ليبرالية وحرية مش دي سلطة الشعب اللبناني، اللي بيحصل في لبنان ده، دي سلطة وطنية اللي بتعمله؟ يعني كل واحد يأخذ له كرسيين يقعد عليهم بالعافية ويصمموا على أنهم ما يعملوش حكومة وحدة وطنية وبعدين يجيبوا لنا النهارده البوارج الأميركية، وبعدين الأستاذ السنيورة يقول لك أنا ما استدعيتش أحد، وكأن أنه يستدعي أحد دي واردة، يعني وارد أنه لو استدعاهم طبعا، ولما هم يقولوا إحنا ما عملناش حاجة إحنا تعودنا منهم على الكذب، هم كذابين. وأوعى تفكر أن الشعوب العربية مش ألأم منهم، الشعب العربي برضه بيبادلهم الكذب بيبادلهم النفاق ما حدش بيحب الثاني، ما فيش حكومة بتحب شعبها ولا شعب بيحب حكومته في المنطقة كلها، أدي أنت شايف اللي بيحصل، اللي بيحصل في فلسطين ده، ده إيه رأيك فيه؟
غسان بن جدو: لكن مع ذلك أنت، جمال عبد الناصر رحمه الله رغم أنك سجنت في عهده ولكن عندما تسأل وسئلت بعدئذ بوصفك له قلت هذا نبي، كيف ذلك؟
أحمد فؤاد نجم: آه، ده صحيح لأنه كان عنده مشروع.
غسان بن جدو: يعني عندما كان على قيد الحياة كنت في خصومة معه وعندما توفي أصبح نبيا؟ كان عنده مشروع، أي مشروع؟
أحمد فؤاد نجم: كان عنده مشروع ومشروع عربي مش مشروع مصري بس، كان عنده مشروع عربي. وعبد الناصر أنا ممكن أختلف معه في السياسة 99,9% لكن شرفه الوطني وشرفه الأخلاقي ده مش مطروح للمناقشة أبدا.
غسان بن جدو: هل تفتقد عبد الناصر في هذا الزمان؟
أحمد فؤاد نجم: الأمة كلها تفتقده، ولما ظهر واحد يعني شموا فيه رائحة عبد الناصر عايزين يموتوه كلهم.
غسان بن جدو: مين؟
أحمد فؤاد نجم: السيد حسن نصر الله، نبي هذا العصر. ما أنا بسأل واحد صديقي بأقول له يا أخي إحنا بادئين مع الصين والصين كانت خارجة من حرب أهلية وحرب أفيون ما فيش طوبة عالثانية في البلد، شوف هم فين وإحنا بقينا فين! قال لي هم ظهر عندهم نبي، أنت ظهر عندك إيه؟! قلت له شوية لصوص، قال لي خلاص. ماوتسي تونغ ما هو نبي، غاندي ما هو نبي، حسن نصر الله ما هو نبي، الأنبياء يعني إيه؟ يعني الرسل شيء.. أنا باعتبر الرجل ده نبي، الرجل ده برّد قلوبنا على رأي إخواننا اللبنانيين فش خلقنا.
غسان بن جدو: هل التقيته مرة؟
أحمد فؤاد نجم: آه التقيته مرة آه مع، من حسن حظي، الله يرحمه أبو علي عبد الله الأحمد دبر لي لقاء معه وبعثوا لي عربية بالسواق وأنا فاكر لسه الأخ اللي كان بيسوقني رجل حاجة جميلة مهذب جدا ويعني عمّال يعتذر لي أنهم ممكن يعملوا شوية إجراءات أمنية، قلت له لا، أنت ممكن تكتفني من إيديا ورجليا، أنا عايز أشوف حسن نصر الله، اعمل فيي اللي أنت عايزه. وكان مفروض يغموني ولا حاجة، نزلت من العربية لاقيته بالحضن واخذه بالحضن، سألته حتى أنا قلت له طيب أنتم يعني، الناس قلبها واكلها عليهم، الناس عايزين ده يستمر، ده يستمر إزاي؟ فقلت له طيب، نمويل؟ قال مافيش تمويل خالص، إحنا عندنا مشروعات مدنية والمسائل ماشية. إنما ده حسن نصر الله ده حبة عين الفقراء من المحيط للخليج، حبة عين المظلومين، ده ذراعهم اللي يواجهوا به الظلم والطغيان وده أملهم وحلمهم، ربنا يصونه ويحفظه.
غسان بن جدو: طبعا أود أن أشير فقط للسادة المشاهدين أنه أنا شاكر جدا لك أنك تحملت معنا هذه الحلقة في هذا المناخ في برد شديد، في برد هنا في هذه الهضبة في المقطم..
أحمد فؤاد نجم (مقاطعا): ولا برد ولا حاجة، طيب أمّال اللي في فرنسا بيعملوا إيه؟!
غسان بن جدو (متابعا): ولكننا أردنا أن نظهرك كما أنت للسادة المشاهدين، كان ممكن نكون في أستديو مغطى، أنت تحملت معنا ونشوف هذا الوضع العادي طبيعي، وخاصة أنه مفيد أن أذكر السادة المشاهدين أنه قبل أشهر أيضا تعرض إلى وعكة صحية والعالم كله كانت قلوبنا معك وقتذاك.
أحمد فؤاد نجم: ربنا يخليك يا رب.
غسان بن جدو: يعني كلنا انقطعت أنفاسنا، تحدثت أنه في سكتة، جلطة إلى آخره، الحمد لله يعني مرت بسلامة. لكن وقتذاك هل كنت مع حرمك وابنتك زينب أو لوحدك في لقائك مع السيد نصر الله؟
أحمد فؤاد نجم: في لقائي معه آه. هم ما كانوش يعرفوا، أنا اتفقت مع أبو علي الله يرحمه ويحسن إليه عبد الله الأحمد وبعثوا لي العربية، زينب كانت عايزة تروح تركب التلفريك وتروح حاجة اسمها حريصا أو حاجة زي كده، فراحت. هو سألني قال لي فين زينب؟ قلت له زينب دي تافهة وراحت تركب. قال لي ما فيش حاجة تافهة. وكأنه هو مراهن على الأجيال اللي جاية، وإن شاء الله هو رهانه صح. الأجيال اللي جاية.. أنا ما أقدرش أسحب خيبة جيلي على الجيل اللي بعدي.
تأثير الشعر والرهان على المستقبل
غسان بن جدو: مفيد طالما ذكرت قضية الأجيال هذه نقطة مهمة جدا، أنا أود أن أسألك بكل صراحة وموضوعية الآن في هذا الزمن هل ما زال الشعراء، حتى وإن كانوا شعراء الثورة وشعراء التغيير يؤثرون بشكل كبير في الناس في الرأي العام؟
أحمد فؤاد نجم: لا.
غسان بن جدو: لماذا؟
أحمد فؤاد نجم: لأن الإعلام طاغ، أنت عارف الإعلام العربي كله دلوقت دعارة وإحنا عندنا الريادة في الحكاية دي. النهارده الناس بتتفرج على مش عارف مين ومين وما فيش حاجة، بيقدم لك هواء.. وأنا مرة، أنا عايز أحكي لك حكاية، كان في رجل، كان في شركة اسمها مش عارف اسمها إيه، حافتكر لك اسمها دلوقت بتاعة كاسيت، فهو طلبني الرجل ده وقال لي إحنا عايزين كل البتاع ده الألبوم يطلع من الشركة يبقى فيه النصف لك، قلت له إش معنى يعني؟ فقال لي أصل إحنا قعدنا ندّي الناس قعدنا عشرين سنة ندّي الناس هواء كانت النتيجة الجماعات السلفية، قلت له الله، أنتم كنتم بتعملوا ده قاصدين؟ قال لي طبعا، قلت له اطلع بره، طردته من البيت، قلت أخرج بره.
غسان بن جدو: طيب ما الفرق بين السابق، على الأقل في الأجيال التي كنتم أنتم تؤثرون فيها بشكل أساسي سواء حضرتك كشاعر أو رفيق دربك الراحل الشيخ إمام رحمه الله، يعني في الستينيات، في السبعينيات، منتصف الثمانينيات بطبيعة الحال، يعني هل هذا الجيل يختلف عن الجيل السابق أم الوضع تغير أم ماذا، البشر تغيروا أم أنتم تغيرتم؟
أحمد فؤاد نجم: البشر ما تغيروش، الظرف الاجتماعي هو اللي تغير. بس أنا أصلي شهادتي هنا حتبقى مجروحة لأني أنا مراهن على الأجيال اللي جاية بشكل أبله.
غسان بن جدو: آه تراهن على الجيل؟
أحمد فؤاد نجم: مراهن، مراهن.
غسان بن جدو: يعني لديك أمل في أن الجيل المقبل يمكن..
أحمد فؤاد نجم (مقاطعا): ما فيش شك.
غسان بن جدو: وهذا الجيل الذي نحن فيه الآن؟
أحمد فؤاد نجم: حلوين كده، كويس كده علينا، يعني كويس أنه إحنا ما نركعش، يعني نسلم الراية للجيل اللي بعدينا وإحنا واقفين. إحنا وإن كنا ما نركعش دي بطولة، المؤامرة كبيرة يا غسان، المؤامرة مجرمة..
غسان بن جدو (مقاطعا): شو طبيعة المؤامرة، هل هي مؤامرة عسكرية، سياسية، ثقافية، شو طبيعة المؤامرة، حددها لنا إذا سمعت حسب فهمك كشاعر؟
أحمد فؤاد نجم: يعني هم اللي بيقولوا الشرق الأوسط الجديد ده حتبقى فيه إسرائيل هي القطب. النهارده شفت مصر فين؟ مصر ورا هناك، دلوقت السعودية اللي بتقود وإسرائيل والأردن، ده مثلث الرعب ده، واخد بالك، مثلث الشر. دول اللي بيشتغلوا مع الأميركان والصهاينة وينفذوا لهم مخططهم. المخطط اللي هو إيه؟
غسان بن جدو: لكن عفوا أليس في هذا مبالغة بعض الشيء؟ يعني هذه دول عربية مستقلة، يعني حتى لا أريد أن أعمم الآن، ولكن في سيادة، في استقلال، يعني في...
أحمد فؤاد نجم (مقاطعا): لو دول عربية مستقلة تعظيم سلام، من فضلكم يا دول يا عربية يا مستقلة تحوشوا المحرقة اللي في غزة ما هم عرب زينا، فين هم الدول دلوقت؟ فين؟
غسان بن جدو: موازين القوى تغيرت يا أستاذ أحمد؟
أحمد فؤاد نجم: موازين القوى تغيرت إزاي يعني؟ لدرجة أن إحنا ما نقدرش ندافع عن أنفسنا، يعني لازم وإحنا على وجهنا. لا، نموت وإحنا واقفين، ما ينفعش الكلام ده، لسه الفلسطينيين بيقاوموا في غزة، الصواريخ بتضرب جوّه الكيان الصهيوني وبتعورهم، تطول لحمهم.
غسان بن جدو: طيب لو تحدث الآن شاب في العشرينات من عمره 25 حتى 30 سنة ويرفع شعارات المقاومة وشعارات التحرير والثورة والراديكالية يمكن نتفهمه. حضرتك الآن عايشت أكثر من حقبة، يعني حقبة الملك فاروق وحقبة الراحل عبد الناصر والسادات والرئيس مبارك كل هذه الحقب الآن ليس في مصر فقط ولكن في المنطقة العربية أو في الوطن العربي، عفوا. الآن ألا تعتبر بأن الزمن تغير يعني ربما كانت الشعارات التي كانت تطرح خلال الستينيات والسبيعينيات كانت مشروع الآن تغير، نحن في زمن ينبغي أن نكون معتدلين أكثر، هناك سلام مع إسرائيل، هناك واقعية أكثر، ألا تعتبر ذلك أم تخالفني هذا الرأي؟
أحمد فؤاد نجم: طيب هو في الحالات دي أنا اللي عند وجهة نظر، أن رهاني بيبقى على حماقة العدو، لما إحنا نبقى واعيين كده يبقى أنا أراهن على حماقة العدو، أهه العدو أحمق أهه، العدو مش مدينا فرصة حتى نستسلم.
غسان بن جدو: آه، يعني حتى الاستسلام لا يترك لك فرصة.
أحمد فؤاد نجم: مش مديك فرصة تستسلم. أنت فاكر بوش قال إيه لكوندليزا رايس اللي منسميها السلعوة؟ أنت عارف قبل ما يخشوا العراق، كان في مؤتمر صحفي في واشنطن في صحفي بيسألها.. صحفية، طيب لو صدام امتثل؟ قالت لها وحتى لا يملك أن يمتثل. هو ده المنطق، اللي هم عايزينه بيعملوه، اللي بيعملوه ده حيتهد، وأنا لما كنت أقول ده وأنا في باريس سنة 1982 كانوا يقولوا علي مجنون، وأقول لهم هذا المشروع الاستيطاني سينهار مالوش مستقبل، مالوش مستقبل في المنطقة لأنه هو مش متعايش، دول ناس عايشين على القتل على طول، بينشنوا على الأطفال يعني بينشن على مستقبلك.
غسان بن جدو: الآن هل تخشى حربا في المنطقة الآن أم لا؟
أحمد فؤاد نجم: يا ريت.
غسان بن جدو: يا ريت! لماذا؟
أحمد فؤاد نجم: ماحدش حيصحي المارد اللي نائم ده إلا حرب ولو صحي المارد النائم ده الدنيا حتشتاق له.
غسان بن جدو: مين المارد النائم؟
أحمد فؤاد نجم: الشعب العربي كله في كل مكان، وبداية من هنا ولازم البداية تبقى من هنا، البداية تبقى من مصر، ده دور مصر الطبيعي، هو غاب شوية معلش ده موضوع ثاني، ده غاب بمؤامرة إنما مش.. الشعب المصري ما ماتش، وموروث ا&